Aierdik berretsi du Artaxoako plantak ez duela hondakin likidorik jasotzeko baimenik
Artaxoako Ecofert plantak ez du lixibaturik edo hondakin likidorik jasotzeko baimenik. Konpostatze planta bat da eta "Insalus ur edangarria" ere ezin du jaso. Hitzok, Jose Maria Aierdi Nafarroako Gobernuko Landa Garapen eta Ingurumeneko kontseilariak egin ditu gaur goizean, Zubietako hondakinen plantatik Artaxoakora bidali dituzten lixibatuen polemikaren harira.
Asteon piztu da ika-mika, Foru Gobernuko Ingurumen batzordean, Aierdik esan ondoren Ecofert plantak legez kanpo jaso dituela Zubietako lixibatu likidoak. Zehazki, 2.100 tona 2022an eta 3.400 tona gehiago 2023an. Beraz, kontseilariaren arabera, Artaxoako enpresak ez du ingurumen-baimena bete eta, ondorioz, Foru Exekutiboak planta hori ixtea eta zehapen-espedienteak irekitzea agindu du.
Atzo, Asensiok ukatu egin zuen Zubietako plantak oker jokatu duenik, eta baimenik ez zuten hondakinen sarrera ahalbidetzearen ardura Nafarroako Gobernuari egotzi zion. "Erabateko faltsukeriatzat" jo zuen Zubietatik lixibatu "ekotoxikorik" bidali izana, eta hondakinen kodeak erabat zuzenak direla ziurtatu zuen.
Berehala etorri da Aierdiren erantzuna: "Ez dugu Gipuzkoatik datorren hondakina ekotoxikoa dela esan. Besterik gabe, adierazi dugu Ecofert instalazioak ingurumen-baimen integratua duela konposta tratatzeko, eta, beraz, tratatu dezaken hondakina zaborraren frakzio organikotik eratorritako hondakina dela. Ezin du beste hondakin motarik kudeatu. Beraz, Gipuzkoatik iritsi zen hondakina, kasu honetan hondakin likidoa, ezin zen Artaxoako plantan jaso".
Kontseilariak gaineratu du ez dela hondakinen kodeen inguruko eztabaidan sartuko. Nafarroan dauden enpresek ingurugiro arauak betetzen dituztela zaintzea Nafarroako Gobernuaren ardura dela argi utzi du, eta Artaxoan atzemandako "irregurtasuna" hor kokatu du. Bide horretan jarraituko dutela lanean erantsi du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.