Kantauri itsasoa
2023/09/02 - 19:59
Itzuli da argindarra Deba erdigunera, ia 24 ordu eta gero
Gudarien Plazan dagoen argindar-sorgailua urak harrapatu zuen atzo 18:00ak aldera eta argindarrik gabe geratu ziren erdigunean. Arazoa behin eta berriro gertatzen dela adierazi du alkateak eta konponbidea eskatu dio Iberdrolari.
2023/08/22 - 13:32
Ehunka marmoka hil erretiratu dituzte Kontxako hondartzan itsasertzetik
Baliteke tamaina txikiko marmoka horiek itsasoko uraren tenperatura altuagatik sartu izana Donostiako badian, egun hauetan 25 gradu ingurukoa baita.
2023/08/21 - 16:29
25 graduren bueltan dago itsasoaren gainazaleko tenperatura euskal kostaldean
Datozen egunetarako ere tenperatura altuak aurreikusita daudenez, ura berotzen jarraitzea espero dute adituek. Batezbestekoak ere gora egin du azken 20 urteotan. Gradu bat beroago dago ur-azaleko temperatura.
2023/08/19 - 23:23
Hondoratutako ontzien bitxikeriak, itsasoak gordetako sekretuak eta urpekarien esperientziak biltzea helburu
Duela 115 urte Bilbotik Lekeitiorako bidea hasi zuen San Antolin ontziak. Zoritxarrez, baina ez zen inoiz portura iritsi eta ez zen ontziaz ez bertan zihoazen bost lagunez ezer gehiago jakin. Orain, urpekari talde batek ontziaren istorioa kontatzea erabaki du, eta proiektu berri bat martxan jarri.
2023/08/19 - 13:26
Euskal kostaldean orkak begiztatu dituztela ohartarazi du Itsas Salbamenduak
Zetazeoekin elkarreraginik izanez gero, lasai egotea gomendatzen da, baita itsasontziaren abiadura jaistea, 112 telefonoarekin edo Itsas Salbamenduarekin harremanetan jartzea, eskuak lematik kentzea kolpeak saihesteko eta zunda itzaltzeko, baina UHFak eta posizioko GPSak piztuta mantentzea ere.
2023/08/12 - 15:21
Europa mailako energia berriztagarrietan "erreferentziazko herrialde" gisa ikusten du Tapiak Euskadi
Atzo Bizkaiko kostaldean ur gaineko itsas aerosorgailua aurkeztu ondoren, Garapen Ekonomikoko sailburuak azpimarratu du aurrerapauso "oso garrantzitsua" dela trantsizio energetikorako.
2023/08/11 - 16:37
Aerosorgailu bat jarri dute Bizkaiko kostaldean, Armintzatik bi itsas miliara
Datozen asteetan kableak lotuko dituzte eta irailean zehar aerosorgailuak sortuko duen energia lehorrera bidaliko dute. Errota honek bi urteko probaldia izango du eta 2.000 etxebizitza hornitzeko adina energia sortuko du. Lehen urratsa da, dena ondo bidean, 2026an Geroa parkea abian jartzeko.
2023/08/10 - 22:03
100etik gora karabela portuges jaso dituzte Donostiako hondartzetan
Protokoloa martxan jarri zutenetik lehen aldiz, bandera gorria jarri dute Zurriola hondartzan.
2023/08/04 - 21:28
Kontxan agertutako karabela portuges txikiak, ziur aski, Bizkaiko Golkoan jaiotakoak dira
Txanpon baten tamaina dute Donostian agertu diren karabela portugesek. Denboraleak bultzatuta heldu dira eta, ziurrenik, datozen egunetan gehiago helduko dira.
2023/08/03 - 13:54
Denboraleak olatu handiak utzi ditu Donostian
Pasealeku Berria ibilgailuentzat itxi du Donostiako Udalak itsas denboraleagatik, 4 metrorainoko olatuak espero baitira; oinezkoak kontu handiz ibil daitezke.
2023/08/02 - 22:30
Euskal patroi batek gidatutako belaontzi bat atzeman dute Kantauri itsasoan, kokaina kantitate handiarekin
Lau tripulatzaileak atxilotu dituzte. Bi tona kokaina (70 milioi euro inguru balio du) aurkitu dituzte, nazioarteko uretan.
2023/08/02 - 17:32
Antilla hondartzatik ihes egin du jendeak haize aldaketaren ondorioz
Orioko (Gipuzkoa) hondartzan uda giroaz gozatzen ari zirenak babesleku bila irten dira, 15:00ak aldera, eguraldia aldatu denean.
2023/08/02 - 09:08
Abisu horia gaurtik ostiralera olatuengatik
Zehazki, Euskalmetek abisuak aktibatuko ditu nabigaziorako arriskuagatik eta olatuek Bizkaiko eta Gipuzkoako kostaldean izango duten inpaktuagatik. Gainera, Aemetek abisu horia ezarriko du gaurko Erriberan tenperatura altuengatik.
2023/07/25 - 17:48
Euskal Elkargoak eta Akitania Berriko eskualdeak olatuen energiaren parke berria sortu nahi dute
2030.urterako prest egotea da xedea, Biarritz eta Angelu artean, itsaso zabalean, eta horrelako lehena izango da Frantziako Estatuan.
2023/07/18 - 15:59
Donostian bainua debekatuko da 15 karabela portuges baino gehiago ikusten badira edo ziztada bat gertatuz gero
Hala jasotzen du Donostiako Udalak onartutako jarduera-protokoloak. Hondartzak hainbat azpieremutan banatuko dira, eta ale bat agertzen denean, ez dio hondartza guztiari eragingo, soilik hura dagoen eremuari.
2023/07/17 - 18:52
Zenbait izurde kontxako badiara gerturatu dira gaur
Zenbait izurde kontxako badian sartu dira gaur, eta Santa Klara irlara joateko itsasontzian zeudenek horiek ikusteko aukera izan dute.
2023/07/15 - 21:51
Karabela portugaldarrak hauteman dituzte Bizkaiko bost hondartzatan, eta bainatzea debekatu dute Gorlizen
Kaltetutako hondartza gehienetan, itsasoaren egoeragatik bainatzea debekatzen duen bandera gorria zegoen, eta, gainera, eguna fresko eta oso lainotuta egon da Bizkaiko kostaldean. Hori dela eta, jende gutxi ibili da hareatzetan.
2023/07/13 - 15:56
Donostiako hondartzetan ez da karabela portuges gehiagorik azaldu eta bandera berdea ezarri dute
Guztira, 40 ale baino gehiago bildu dira Kontxako badian zehar, eta, hori dela eta, Udalak hiriko hareatza guztietan bandera horia ezartzea erabaki dutela adierazi du. Goizean zehar ikuskapenek jarraituko dute.
2023/07/13 - 12:03
Hainbat karabela portuges jaso dituzte Zierbenako Arena hondartzan
Zierbenako Arena hondartzako sorosleek karabela portugesaren hainbat ale jaso zituzten asteazkenean. Euskal kostaldean espezie honen presentziak nabarmen egin du gora azken egunetan.
2023/07/12 - 15:25
Normaltasuna euskal hondartzetan, azken orduetan karabela portugesen presentziarik izan gabe
Getariako Malkorben eta Zarauzko hondartzan bandera horia dago, badaezpada ere. Hala ere, azken orduetan ez da karabela portugesik ikusi euskal hondartzetan.