Lapurdi

2024/06/28 - 23:18

Elkarretaratze jendetsua egin dute Urruñan, desagertutako emakumearen kasua salatzeko

Baionako prokuradorearen arabera, hipotesia nagusia hilketa matxista da, baina oraindik ezin izan dute gorpua aurkitu. Eragile feministek salatu dutenez, sistemak huts egin du beste behin emakumeen ongizatea eta bizia babesteko orduan, eta baliabide gehiago eskatu dituzte horretarako.

2024/06/27 - 23:03

Lehen ikerketek Urruñan desagertutako emakumearen senarra, jendarme ohia, jotzen dute susmagarri nagusitzat

Senarra behin-behineko espetxealdian dago, eta hainbat arma zituen etxean. Arma horietako batzuk ezin izan dira miaketetan topatu, eta, haren izaerak, "hotza, isila eta enpatiarik gabekoa" ikertzaileen susmoak areagotzen ditu.

2024/06/26 - 21:51

Emakume bat desagertu da Urruñan, eta epaileak behin-behineko espetxealdia ezarri dio haren senarrari

Jendarmeriak lekukoen laguntza eskatu du ostiralean desagertu zen Laure Zacchello aurkitzeko. Baionako fiskalak prentsaurrekoa eskainiko du ostegunean, 15:30ean, ikerketaren inguruko xehetasun gehiago emateko.

2024/06/23 - 16:04

19 urteko emakume batek jasandako sexu-erasoa salatzeko bilkura egin dute Hazparnen

Sexu erasoa jasan zuen ostiral gauean 19 urteko neska batek Hazparneko jaietan. Goizeko 6:30etan eta konorterik gabe aurkitu zuten lagunek. Udalerriko mugimendu feministek eta agintariek elkarretaratzea egin dute erasoa salatzeko.

2024/06/16 - 19:38

Ekainaren 9an hasi eta uztailaren 7ra arte, igandero botoa ematera deituta daude Beskoitzeko herritarrak

Azken hilabeteotan hainbatetan joan behar izan dugu hauteslekuetara, baina Beskoitzen marka hautsiko dute, bost igandez jarraian bozkatu behar baitute. Joan den astean Europakoak izan zituzten eta datozen asteetan alkate, diputatu eta Asanblea Nazionaleko ordezkariak hautatu behar dituzte.

2024/06/15 - 14:53

Angelun borrokaldi batean larri zauritu zen etxerik gabeko gizona hil egin da

Baionako Fiskaltzak ikerketa abiatu du homizidioagatik, eta ustezko erasotzailea atxilotu dute, kalean bizi den 30 urteko gizon bat.

2024/06/14 - 20:12

Fronte Popularra eskuin muturra boterera ez iristeko alternatiba bakarra bezala aurkeztu da

"Oso harro gaude ezker osoarekin eta ekologistekin egotearekin", esan du Olivier Faure Alderdi Sozialistako buruak. "Funtsezkoa jokoan dagoenean, hor gaude, beti hor", azpimarratu du.

2024/06/14 - 18:35

Larralde: ''Egoeraren larritasunaren aurrean, gure militantziak Fronte Popularrera batzea berretsi du''

EH Bai ezker abertzaleko koalizioak bat egin du Fronte Popularrarekin. Xabi Larralde EH Baiko kidearen ustez, "egoeraren larritasuna" kontuan hartuta hartu dute erabakia: "Lehenetsi behar ditugu ezkerreko sentibilitate ezberdinen artean bateratzen gaituzten elementuak, desadostasunen gainetik".

2024/06/12 - 20:04

Frantziako LR alderdiak Ciotti kargutik kendu du, Le Penen ultraeskuinarekin ituna egiten saiatzeagatik

Erabakia "aho batez" onartu dute LR alderdiko zuzendaritzako kideek. Hala ere, Eric Ciottik ukatu egin du batzar horrek legezko ondoriorik duenik: "Gure alderdiko presidentea izaten jarraitzen dut".

2024/06/12 - 19:10

Bagara bideo-maratoia jarriko du martxan Gure Eskuk, “Euskal Herriaren berezitasunak irudikatzeko”

Bideo-kate erraldoi baten bidez, "gure herriaren nondik norakoak, zirrikituak eta berezitasunak erakustea" nahi dute. Herri Libre Bat kanpainaren barruan kokatu dute gaur aurkeztu duten ekimena.

2024/06/12 - 18:20

Bagara bideo maratoia aurkeztu du Gure Esku mugimenduak, Euskal Herriaren ''nortasuna irudikatzeko''

Donostian egindako agerraldian, Gure Esku mugimenduak Bagara ekimena aurkeztu du. Herriz herri egingo den bideo maratoia izango da. Euskal Herriko herrietan tokian toki dauzkaten berezitasunak bildu nahi dituzte. Herri Libre Bat dinamikaren barruko ekimena da.

2024/06/12 - 00:47

Le Penen ultraeskuinak akordioa itxi du Ciottiren errepublikarrekin hauteskundeei begira

Eric Ciotti errepublikarren presidenteak, ordu batzuk lehenago, atea ireki dio RNrekin aliantza bat egiteko aukerari, eta barne-krisia eragin du alderdian, izan ere, eskuin muturrarekin akordio bat ixtearen aurka zeuden alderdikide asko.

2024/06/10 - 01:30

Ipar Euskal Herrian, eskuin muturra garaile

Marine Le Penen Bilgune Nazionalak herri eta hiri nagusietan irabazi du: Baionan, Donibane Lohizunen, Hendaian, Kanbon, Senperen eta Urruñan, besteak beste.

2024/06/09 - 20:18

Gaztelugatxeraino iritsi dira Kanboko, Bermeoko, Donostiako eta Deustuko 13 erraldoi

80-90 lagunen artean igo dituzte 20 urtetik gora eta 30 kilotik gora pisatzen dituzten erraldoiak. Zutik abiatu arren, etzanda igo behar izan zituzten eskaileren zatirik estuenetan. Gora iritsi eta erronka beteta, dantza egin dute guztiek elkarrekin.

2024/06/09 - 18:48

Fresko eta busti joango da astea

Ostegunean aldaketa dator. Eguzkiak eta hego-haizeak udako giroa ekarriko dute. 25 gradutik gorako tenperaturak espero dira. Euriak, ordea, ez du gurean lekurik izango.

2024/06/08 - 22:00

Maria Josefa Sansberro ''Maddi'' mugalaria omendu dute Bigarren Mundu Gerran iheslariei laguntzeagatik

Bigarren Mundu Gerran Sara eta Bera artean iheslariei muga zeharkatzen lagundu zien. Pertsona askori lagundu zien berak sortutako pasabide batetik Lapurditik Nafarroara heltzen.

2024/06/06 - 19:00

Garmendiaren hitzek "harridura" sortu dute Jaurlaritzan, eta "jakinaren gainean" zeudela errepikatu du

Eusko Jaurlaritzako iturriek azaldu dutenez, "kosta egiten zaie Garmendiaren jokabidea eta jarrera ulertzea", mugaren bi aldeetako nekazariek izan zuten portaera desberdinaren araberakoa izan baitzen gertatutakoa.

2024/06/05 - 13:25

Gipuzkoan sortutako kolapsoa gorabehera, trafiko kudeaketaren irakurketa "positiboa" egin du Jaurlaritzak

Bide zein hiri segurtasunaren aldetik ez zela istilurik egon nabarmendu du Segurtasun sailburuordeak, eta protesta egiten dutenek "haien eskubideak" dituztela esan du.

2024/06/04 - 22:51

Elkarretaratze jendetsua egin dute Kanbon, emakume batek salaturiko talde bortxaketa gaitzesteko

Kanboko herriko etxearen aurrean egin dute protesta, eta dozenaka herritar bildu dira. Hiru gizon atxilotu ditu poliziak Landetan, talde bortxaketarekin zerikusia dutelakoan. Biktimak salatu du larunbatean eraso ziotela, labanaz mehatxu eginez eta gelan batean giltzapeturik.

2024/06/04 - 22:24

Normaltasuna itzuli da Gipuzkoara, mugako blokeoa amaitu eta errepideetan kolapso historikoa izan ostean

Unerik zailenetan 40 kilometroko auto ilarak izan dira Biriatuko mugara daramaten Gipuzkoako hiru errepide nagusietan: AP-8an, A-15ean eta N-1ean.