Giro nahasia izango da nagusi ia aste guztian
Adio, hego haizea; adio, udaberri giroa. Okerrera nabarmen eginda, makur dator eguraldia asteon. Fronte bat dakar astelehenak. Kantauri isurialdean euria egingo du gaur goizetik aurrera. Tenperaturek, gainera, freskatzera egingo dute egunak aurrera egin ahala, eta iluntzean neurtuko dira baliorik baxuenak. Gehienez 15 gradura helduko dira termometroak astelehenean. Ez da euri askorik pilatuko, baina giro petrala izango da eskuarki.
Astearterako are eguraldi kaskarragoa iragarri dute. Tenperaturak koska bat egingo du behera (gehienez 13-14 gradu egongo dira kostaldean, eta 10-11 barnealdean). Euri txikia izango da zeinahi lekutan, Nafarroa erdialdean eta hegoaldean salbu. Han, ateri eutsiko dio egunak, 11 gradurekin Iruñean, eta 12rekin Tuteran.
Asteazkenean asteko bigarren frontea etorriko zaigu. Berriro euritara egingo du. Goizean eta eguerdian botako du gehien. Egunaren amaieran, aldiz, atertu egingo du. Termometroak nekez helduko dira 15 gradura kostaldean, eta 13 gradutik beherako balioak neurtuko dira barnealdean.
Ostegunerako, aldaketa gutxi. Zaparradak izango dira nagusi eguerditik aurrera, Kantauri isurialdean bereziki. Izan ere, barnealdean ez dirudi euririk egingo duenik.
Lau egun aterki azpian igaro ostean, ostiralean giro argiagoa izango da, eta tenperatura atseginagoak; kostaldean, adibidez, 17 gradu inguruan ibiliko dira, hego haizeari esker.
Eguzkiak eta udaberri giroak, ordea, gutxi iraungo dute, larunbat eta iganderako negu gorria baitator. Oraindik goiz da iragarpen zehatza egiteko, baina aire masa hotz bat omen dator Euskal Herrira. Hotza ekarriko du horrek, baita elur maila nabarmen jaistea ere. Igandean ere, makur joango da eguna. Asteko egunik hotzena izango da, eta 1.000 metrotik behera zuritu lezake.
Zure interesekoa izan daiteke
Hiru hildako eta gaixotu bat ustez hantabirusagatik kruzero batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago aztoratzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.