Matxismoa
2024/10/25 - 00:35
Sanchezek "konfiantza" azaldu die Diazi eta Sumarri, Errejonen aurkako akusazioen ostean
Era berean, Espainiako gobernuburuak gaitzetsi egin ditu "berdintasun proiektu honen kontra egiten dutenak", eta babesa eman die jazarpena eta erasoak jasaten dituzten emakumeei.
2024/10/24 - 21:25
Elisa Mouliaa aktoreak salatu du Errejonek sexu jazarpena egin ziola
Ordu batzuk lehenago, Sumarreko bozeramaile ohiak dimisioa eman zuen, jarrera matxisten akusazioak jaso eta gero.
2024/10/23 - 19:30
Pelicot, "erabat suntsituta", senar ohiari: "Nola traizionatu ninduzun horrela?"
"Bortxatzailea ez duzu beti aparkaleku batean, gaueko ordu txikietan aurkitzen. Zure senideen eta lagunen artean ere egon daiteke", ohartarazi du Pelicotek.
2024/10/23 - 18:15
20 urteko gazte bat atxilotu dute Bokalen, 7 urteko adingabe bat bortxatzea egotzita
Joan den igandean jazo zen, akusatua atxilotu egin zuten udaltzainek liskar baten berri izan zutenean. Bertaratutakoan, zenbait herritar gaztea jipoitzen ari zintzaizkiola ikusi zuten. Asteburuko bigarren sexu-eraso larria da, Angelun, larunbatean, 75 urteko emakume bati egindakoaren ondotik.
2024/10/23 - 09:35
Gizon bat atxilotu dute Angelun, 75 urteko emakume bati sexu erasoa egitea egotzita
Eraso matxista larunbatean jazo zen, ustezko erasotzaileak erosketa poltsak eramatea opatu zion emakumeari, autoz etxera lagundu, eta etxean bertan egin zion erasoa. Atxiloaldia egun batez luzatu diote gizon matxistari.
2024/10/22 - 19:43
Gizon batek 40 urteko emakume bat hil du La Mojoneran (Almeria)
50 urteko gizon batek emaztea hil du Almeriako La Mojonera udalerrian. Hilketa bien etxean gertatu da, hiru urteko alabaren aurrean. Ondoren, hiltzaileak bere burua entregatu du.
2024/10/21 - 21:25
20 urteko gizon bat atxilotu dute Iruñean pisukidea komunean grabatzeagatik
Pisukidearen sekretuak zabaltzea leporatu diote.
2024/10/14 - 21:30
Prostituzioan aritzera behartzen zituzten lau emakume askatu dituzte Donostian eta Gasteizen
Gainera, Ertzaintzak gizon bat eta bi emakume atxilotu ditu, sexu-esplotaziorako gizakiekin trafikatzea egotzita.
2024/10/14 - 18:46
Basauriko Etxe Maitia egoitzako langile haurdunak beste egun batean egin ahal izango du hautaproba
LABek joan den irailaren 30ean salatu zuen Arartekoaren aurrean haurdun zegoen langile batek jasandako diskriminazioa, azterketa ospitalean erditzea eragin behar zitzaion egun berean egiteko aukera bakarrik eman zitzaiolako.
2024/10/14 - 15:44
EHUko irakasleak egindako iruzkin matxistak delitu diren ikertzeko eskatu dio Fiskaltzak Ertzaintzari
Ministerio publikoak sei hilabete ditu ordezko irakasleak sareetan argitaratutakoak gorroto delitu ote diren ebatzi edo auzia artxibatzeko. EHUk irakaslea kargutik kentzeko prozedura abiatu zuen urri hasieran, hark idatzitakoak EHUren "printzipioekin eta balioekin bateraezinak" zirela iritzita.
2024/10/14 - 09:55
Emakume batek sexu erasoa egin diotela salatu du Erandion
Eraso matxista larunbat goizaldean izan zen, Bizkaiko udalerriko diskoteka baten inguruan. Ertzaintzak ikerketa abiatu du, baina oraingoz ez du inor atxilotu.
2024/10/11 - 14:42
Bikote bat atxilotu dute Barakaldon, garbitzaile gisa kontratatutako emakume bat sexualki esplotatzea egotzita
Biktima 21 egunez izan zuten Bizkaiko udalerriko etxebizitza batean atxikita. Tarte horretan, bezeroekin babesik gabeko sexu harremanak izatera eta drogak hartzera behartu zuten.
2024/10/09 - 15:12
18 urteko gizon bat atxilotu dute Tolosan hainbat emakumeri, adingabeak tartean, sexu erasoa egitea egotzita
Hainbat biktimak, adin txikikoak batzuk, aurkeztu dute salaketa erasotzailearen kontra. Gizonak ustekabean harrapatzen zituen kalean, ukituak egiten zizkien edo euren aurrean masturbatzen zen, eta ondoren, ihes egiten zuen.
2024/10/08 - 21:56
Emakundek mutil gazteekin lan egingo du diskurtso matxista "sartzen" ari zaielako
Miren Elgarresta Emakunde-Emakumearen Euskal Erakundearen zuzendariak legegintzaldiko lehentasun gisa nabarmendu ditu gazteen artean eta eremu digitalean matxismoa prebenitzea eta emakumeen eskubideak defendatzea.
2024/10/05 - 19:02
Aurrekariak dituen gizon batek emakume bat hil du Pontevedran, autoa itsasora botata
Lekuko batzuen arabera, gidariak "nabarmen azeleratu" du, ibilgailua itsasora erori baino lehen. 47 urteko gizona atxilotu egin dute, homizidioa egotzita.
2024/10/02 - 12:25
EHUk genero indarkeriaren aurkako prozedura abiatu du sarean mezu matxistak kaleratu zituen irakaslearen aurka
Unibertsitateak ohar bidez jakinarazi duenez, prozedura amaitu arte eta "kautelazko neurri gisa", ordezko irakasleak ez du irakaskuntza lanik egingo. EHUren iritzian, maisuak argitaratutako iruzkinak "erakunde akademiko honen balioen guztiz kontrakoak dira".
2024/10/01 - 14:13
Sexuagatiko diskriminazio-egoerek gora egin dute azken bi urteetan emakume gazteen artean, % 34,6tik % 41era
Hala ondorioztatu du astearte honetan Manuel Lezertua Arartekoak aurkeztutako azterlanak. Arabako, Bizkaiko eta Gipuzkoako gazteen arteko jarrera matxistak izan ditu aztergai ikerketak, eta sare sozialetan ere generoagatiko diskriminazio-egoerek nabarmen egin dute gora.
2024/09/25 - 19:04
Emakumeek musikan duten presentzia oso txikia dela erakusten dute datuek
Kulturaren Euskal Behatokiaren azken datuen arabera, gizonak gehiengoa dira musika emankizunetan. Eszenatokietara igotzen diren artisten artean % 81,4 gizonezkoak dira; emakumezkoak, berriz,% 18,6.
2024/09/24 - 13:32
150 emakume musikariren ustez, "oso larria" da Sarduik "musikagintzan diskriminaziorik ez" dagoela esatea
Andreen "errealitatea baztertzea" eta jasandako "egiturazko oztopoak guztiz minimizatzea" egotzi diote Gatiburen abeslariari. "Ikusi nahi ez duena baino itsuagorik ez dago", salatu dute. Besteak beste, Izaro Andres, Olatz Salvador, Aiora Renteria eta Josune Arakistainek sinatu dute idatzia.
2024/09/24 - 11:34
Sarduik barkamena eskatu die emakumeei: "Deklarazioak lekuz kanpo daude, ez dut horrela pentsatzen"
150 emakumezko musikarik egindako kritikei erantzunda, bideo laburra eskegi du Gatiburen abeslariak sare sozialetan. Nabarmendu duenez, "25 urte ibili gara emakumeak defendatzen" eta egindako adierazpen "eskasak" ez dira bere "logikan sartzen".