Mendebaldeko Sahara

2022/08/21 - 13:34

Marokoko erregea pozik agertu da Espainiak Mendebaldeko Sahararekiko izandako jarrera aldaketagatik

Mohamed VI.aren arabera, Espainia "diferendoaren jatorria eta errealitatea ondo ezagutzen duen" auzoko herrialdea da. Erregeak beste herrialde batzuei eskatu die beren jarrera argitzeko.

2022/07/23 - 16:31

Emozioen artean iritsi dira gaur Euskal Herrira ume sahararrak

Gaur goizean heldu dira Loiuko aireportura uda Euskal Herrian pasatuko duten ume sahararrak. Guztira, 300 neska-mutil heldu dira eta, azken bi urteetan ezin etorrita egon ondoren, emozioak borborka izan dituzte. Harrera-familien eta elkarteen poztasuna ere nabaria izan da.

2022/07/03 - 22:20

Melillako hesian hildako pertsona migratzaileen "odol hotzeko hilketa" gaitzetsi du Aljeriak

Aljerrek ez du baztertu ekainaren 24ko gertakarietan ehun pertsona baino gehiago hil izana.

2022/06/28 - 22:18

Baimenak atzeratzen ari direla eta, kezkatuta daude udan Saharako haurrak hartzen dituzten familiak

Aurten, inoiz ez bezala, ez aurrera ez atzera dago horretarako Madrilgo Gobernuak ematen duen baimena. Beldur dira, Madrilen eta Rabaten arteko harreman berrien ondorio ote den, eta zein izango den, azkenean, bere eragina.

2022/06/09 - 21:29

Aljeriaren erabakiaren ondorioak aztertuko ditu Espainiak, EBren aurrean salatzerik duen ikusteko

Kanpo ministroak adierazi du neurri horren ondorioak "zehatz-mehatz aztertuko" dituztela. Aljeria ez da Munduko Merkataritza Antolakundeko (MMA) kide eta, hortaz, kasu honetan ezin da mekanismo hori baliatu.

2022/06/09 - 15:47

Bruselak atzera egiteko eskatu dio Aljeriari, eta alde bien arteko elkarrizketa aldarrikatu du

Eric Mamer Europako Batzordeko bozeramailearen ustez, Aljeriak duela ia bi hamarkada Espainiarekin adostuta zeukan adiskidantza ituna bertan behera uztea "oso kezkagarria" da.

2022/06/09 - 08:59

Aljeriak kanpo merkataritzako operazio guztiak izoztu ditu Espainiarekin, Adiskidantza Ituna hautsi ostean

Neurria ostegun honetan sartu da indarrean. Espainiako Gobernuaren arabera, ordea, ez dio eragingo gas hornidurari.

2022/06/08 - 22:58

Espainiako Gobernuak adierazi du ez duela ondoriorik espero, Aljeriak Adiskidantza Ituna hausteagatik

Aljeriak harremanak hautsi ditu Espainiarekin, Pedro Sanchezen Gobernuak Marokoren alde egin duelako Mendebaldeko Saharako gatazkan. Hala ere, Espainiako Gobernuak ziurtatu du herrialde horrekin elkarlanean jarraituko duela.

2022/06/08 - 20:10

Aljeriak adiskidantza ituna bertan behera utzi du, Espainiak Mendebaldeko Sahararekiko jarrera aldatu duelako

Rabatek proposatutako autonomia "zilegi ez den legez kanpoko formula" bat dela azpimarratu du Aljerrek, "egintza burutuen" politika koloniala planteatzen duelako, "argudio faltsuen" bidez.

2022/06/08 - 12:40

Sanchezek Sahararekiko "jarrerak mugitzeko" eskatu die gainerako alderdiei

Halaber, Ceuta eta Melilla "Espainiako lurraldeak" direla esan du. Espainiako Gobernuko presidenteak beste behin defendatu du Marokok Sahararako duen autonomia plana dela gatazka konpontzeko "oinarririk sendoena, sinesgarriena eta errealistena".

2022/05/27 - 10:01

Espainiako Justiziak Gonzalez Laya ministro ohia errugabetu du Fronte Polisarioko buruzagiaren kasuan

Zaragozako Probintzia Auzitegiak Espainiako Atzerri ministro ohiaren aurkazko auzia itxi du, delitu zantzurik ez dagoela iritzita. Prebarikazio eta estalketa delituak eta dokumentuak faltsutzea leporatzen zizkioten.

2022/05/09 - 16:32

Salka Dahi, aberrigabea: "Ez zaitu inork onartzen; eskubiderik gabe bizi zara"

Hiru milatik gora lagun, "aberrigabe estatutua" lortuta bizi dira espainiar Estatuan. Sorterria legez onartuta ez daukaten pertsonei ematen zaie estatutu hori eta gehienak sahararrak dira. Hirutik bat euskal autonomia erkidegoan bizi dira.

2022/05/09 - 09:43

Gutxienez 44 pertsona hil dira Mendebaldeko Saharako kostaldean patera bat hondoratuta

12 pertsona bizirik atera dira, baina Marokoko agintariek atxilotu egin dituzte. Ontzia Kanarietara zihoan.

2022/05/04 - 16:21

Fronte Polisarioa ziur dago Maroko Pegasus espioitza auziaren erantzulea dela

Gaur Nafarroako Parlamentuan izan da Fronte Polisarioaren ordezkari bat. Brahim Gali polisarioaren burua Logroñon erietxeratu zutenean eta Zeutako migrazio krisi betean izan ziren Pegasusen erasoak ere. Sahararrak ez dira batere harritu Maroko erantzulea dela dioten informazioarekin.

2022/04/27 - 16:28

Legebiltzarrak Saharari babesa agertu dio, eta Sanchezen jarrera aldaketa errefusatu du

Osoko bilkura jarraitu du Fronte Polisarioaren ordezkaritza batek eta poza agertu dute legez besteko ebazpena onartu denean. PSE-EEk soilik bozkatu du kontra. Vox, aldiz, abstenitu egin da.

2022/04/27 - 14:34

Eusko Legebiltzarrak gaitzetsi egin du Espainiako Gobernuak Mendebaldeko Saharari buruz hartutako jarrera

EAJ, EH Bildu eta Elkarrekin Podemos-IU alderdiek aurkeztutako Legez Besteko Proposamen bat onartu da, sahararren auziari babesa eman eta nazioarteko ebazpenekiko eta saharar herriaren autodeterminazio askerako eskubidearekiko errespetua aldarrikatzeko.

2022/04/18 - 13:36

Aljeriako enbaxadorea Espainiara laster itzuliko delakoan, Sahararekiko bere jarrera berretsi du Sanchezek

Espainiako presidentearen esanetan, "aparteko koordinazio eta kolaborazioa dugu Aljeriako Gobernuarekin". Era berean, Mendebaldeko Sahararen harira, Frantziak edo Alemaniak defendatzen dutenarekin "lerrokatu" direla azaldu du Sanchezek.

2022/04/12 - 11:16

Aizpuruak, Bilbon agertutako pintaketez: "Erabat mingarriak dira, arbuiagarria eta penagarria da"

Espainiako Gobernuak saharar herriari egindako "traizioa" salatu du, bestalde, EH Bilduk Kongresuan duen bozeramaileak, eta ohartarazi du "ondorioak" izango dituela erabakiak.

2022/04/11 - 16:36

Fronte Polisarioak eten egin ditu harreman politikoak Espainiako Gobernuarekin

Fronte Polisarioak Espainian duen ordezkaritzak Sanchezi eskatu dio argitzeko zer den beretzat Marokoko lurraldearen osotasuna eta Mendebaldeko Sahara lurralde horretan sartzen duen, eta zergatik hartzen duen Marokoren proposamena irtenbide bakar, serio eta errealistenatzat.

2022/04/07 - 23:21

Espainiak Sahararekiko zuen jarrera aldatu egin duela berretsi dio Sanchezek Mohamed VI.ari

Espainiako Gobernuko presidentea eta Marokoko erregea Rabaten bildu dira, eta bi herrialdeen arteko harremanetan "aro berri" bat abiarazteko borondatea erakutsi dute.