Aljeriako enbaxadorea Espainiara laster itzuliko delakoan, Sahararekiko bere jarrera berretsi du Sanchezek
"Auzi diplomatikoa aurki" konpondu eta Said Moussi Aljeriak Espainian zuen enbaxadorea "laster" itzuliko delakoan dago Pedro Sanchez Espainiako Gobernuko presidentea. Espainiak Mendebaldeko Sahararekiko zuen jarrera aldatu ostean, enbaxadorea kontsultetarako deitu zuen Aljeriako Gobernuak.
Keinu horri garrantzia kendu dio Sanchezek, Antena 3 telebista katean egin dioten elkarrizketa batean, eta Espainiak Marokorekin eta Aljeriarekin, biekin, "harreman positibo eta estrategikoa" izatea espero du.
Sanchezen hitzetan, energia alorrean ez ezik, segurtasunean edo migrazioan ere lankidetzan aritzen dira Espainia eta Aljeria. "Aparteko koordinazio eta kolaborazioa dugu Aljeriako Gobernuarekin", azpimarratu du.
Era berean, Marokorekin dituen harremanak hizpide, Espainiako gobernuburuak esan du "estrategikoak" direla ondoko alorretan: migrazioan, terrorismoaren kontrako borrokan, polizien arteko kolaborazioan, drogen kontrako borrokan edota arlo ekonomikoan. "Europar Batasunetik kanpo, Maroko hirugarren bazkide komertziala da Espainiarentzat, horregatik ezinbestekoa da eurekin harreman egonkor, seguru eta konfiantzazkoak izatea", arrazoitu du.
Ildo berean, Mendebaldeko Sahararekiko jarreran Unidas Podemosekin eta PPrekin "bat egin ez izatea" deitoratu du. Azaldu duenez, Espainiako Gobernuak "bere egin du Nazio Batuen Segurtasun Kontseiluaren adierazpena, eta aldi berean, Frantziak edo Alemaniak defendatzen dutenarekin lerrokatu da".
Hala, argitu du 2007tik Mendebaldeko Sahararen gatazka konpontzeko bi aukera daudela. Bata, Fronte Polisarioak defendatzen duen autodeterminazio eskubidea, eta bestea, Marokok egindako proposamena, hots, herrialdearen barruan Mendebaldeko Sahararen autonomia aitortzea. "Hauek dira mahai gainean dauden bi proposamenak, eta biek Nazio Batuen Segurtasun Kontseiluaren aitortza dute", esan du.
Sanchezen aburuz, Frantziak, Alemaniak eta AEBk esana dute "interesgarria izan daitekeela bigarren aukera hori aztertzea 50 urte dituen gatazka hau desblokeatzeko".
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".