Migrazioa
2024/02/28 - 19:20
Migratzaileak hartzeko sistemaren transferentzia adostu dute Jaurlaritzak eta Espainiako Gobernuak
Legealdiko azken transferentzia itxi dute dagoeneko bi gobernuek. Transferentzia hau ez da asilo prozedurei buruzkoa, Espainiako Estatuak kudeatzen jarraituko baititu oraindik ere. Euskadik errefuxiatuentzako harrera zentroen kudeaketa ere ez du bere gain hartzen.
2024/02/28 - 15:45
Bazterkeria soziala gutxitu egin da Gipuzkoan, baina % 5,9ra igo da pobrezia larrian dauden pertsonen kopurua
Zehazki, % 0,6 igo zen proportzioa 2018tik 2022ra. Bereziki, etorkinak eta haurrak dituzten familiak bizi dira pobrezia egoera larrienean.
2024/02/28 - 14:08
60.000 euroko isuna ezarri diote gizon bati Irungo etxe batean 90 pertsona baino gehiago erroldatzeagatik
Maizterrak 100 eta 900 euro artean eskatzen zizkien "pertsona atzerritarrei" erroldatzearen truke.
2024/02/27 - 15:08
Eusko Jaurlaritzak ''lehenbailehen'' espero du immigrazioaren transferentziari buruzko akordioa
Hala adierazi du Bingen Zupiria Eusko Jaurlaritzako bozeramaileak Gobernu Kontseiluaren osteko prentsaurrekoan, bi gobernuen artean egunotan egiten ari den transferentziari buruzko negoziazioaren egoerari buruz galdetu diotenean.
2024/02/27 - 11:27
Itxaso: ''Nahiko genuke datozen egunetan Migrazio transferentziaren harira akordio batera iristea''
Denis Itxaso Espainiako Gobernuak Euskadin duen ordezkariak esan du lanean jarraitzen dutela falta den transferentzia legealdia amaitu baino lehen transferitzeko, baina gaur gaurkoz esparru juridikoan "diferentzia batzuk" dituztela adierazi du.
2024/02/22 - 16:15
Bizkaiko Aldundiak gogoratu du adin txikiko migratzaileak babestea "betebeharra" dela, "ez aukera bat"
Sopuertan zabaldu asmo duten adin txikoentzako zentroaren kontra kalera protestan atera diren herritarrei erantzun die gaur Aldundiko eledunak. Mezu bat igorri die: "Bizkaia herri solidarioa izan da eta izango da".
2024/02/20 - 14:14
Heldu dira Italiako Ortona portura Aita Marik erreskatatutako 43 pertsonak
Lau eguneko bidaia egin ostean, astearte goizean porturatu dira. Tokiko agintarien esku utzi dituzte, haiei baitagokie orain mugako prozesu administratiboak abiaraztea.
2024/02/16 - 15:19
'Aita Mari' ontziak txalupa batean zihoazen 43 migratzaile erreskatatu ditu Mediterraneo erdialdean
Italiako agintariek Ortonan lehorreratzeko agindua eman diote, Brindisitik ia 400 kilometrora dagoen herrian, eta otsailaren 20an iristea espero dute.
2024/02/15 - 13:53
2.905.684 biztanleraino hazi da populazioa Hego Euskal Herrian
Nafarroak 678.103 biztanle zituen 2024ko urtarrilaren 1ean, eta EAEk 2.227.581.
2024/02/12 - 10:51
Aita Mari Mediterraneora abiatu da, 12. misioan
Itsas Salbamendu Humanitarioa (SMH) gobernuz kanpoko erakundearen euskal ontziak behar zituen baimen guztiak eskuratu ditu, eta, hala, Vinarosko (Castello) portutik atera da arratsaldean.
2024/02/05 - 14:11
Sanchezek eta Von der Leyenek migrazioari aurre egiteko lankidetza gehiago eskatuko dute eguenean Mauritanian
2023an 40.000 pertsona baino gehiago iritsi ziren Kanariar Uharteetara itsasbide atlantikoaren bidez. Mauritania da aurten Kanariar Uharteetara iritsi diren migratzaileen % 83ren jatorrizko herrialdea.
2024/01/29 - 22:09
Migratzaileei egiten zaien harrera azaldu eta euskararen ofizialtasunean ''pausoak'' eskatu du Urkulluk
Iñigo Urkullu lehendakaria Margaritis Schinas EBko Bizi Estiloaren Sustapenerako presidenteordearekin bildu da, eta besteak beste, migratzaileei harrera egiteko EAEn dagoen sarearen nondik norakoak azaldu dizkio, baita euskararen ofizialtasunean "pausoak" eskatu ere.
2024/01/25 - 21:21
Frantziako Konstituzionalak immigrazio lege polemikoaren zati esanguratsu bat baliogabetu du
Legearen 37 artikulu, % 40, erabat edo partzialki baliogabetu ditu; besteak beste, egonaldi irregularraren delitua, gizarte-prestazioetarako baldintzak zorroztea eta urteko migrazio-kuotak ezartzea bertan behera utzi ditu.
2024/01/23 - 14:56
Marlaskak defendatu du adingabeen interesa izan zela nagusi gazteak Ceutatik Marokora itzultzean
Barne ministroak Auzitegi Gorenaren epaiari erantzun dio; izan ere, atzo baieztatu zuen 2021eko abuztuan adingabeak itzultzea legez kanpokoa izan zela. Grande-Marlaskak esan du agintariek "uneoro" bat egin zutela ordenamendu juridikoarekin.
2024/01/23 - 14:00
Makroeskualde atlantikoa bultzatu eta inmigrazioari buruzko euskal agenda aurkeztuko du Urkulluk Bruselan
Gainera, Europako Batzordearen babesa bilatuko du lehendakariak EBn euskararen ofizialtasuna lortzeko bidean, eta autodeterminazioari buruzko eztabaida batean hartuko du parte Parlamentuan.
2024/01/22 - 15:59
Auzitegi Gorenak berretsi du 2021eko abuztuan Ceutatik Marokora adingabeak itzultzea legez kanpokoa izan zela
Salaren ustez, ez zen Atzerritarrei buruzko Legean aurreikusitako prozedura jarraitu, eta berretsi egin du Marokora itzulitako adingabeen eskubideak urratu zirela.
2024/01/21 - 23:08
Planto egin diote Alemanian eskuin muturrari 800 000 manifestarik baino gehiagok
Duela astebetetik milaka dira egunero kalera ateratzen ari direnak Alemaniaren aldeko Alternatiba (AfD) ultraeskuindarraren aurka protesta egiteko, alderdiko kideek milioika etorkin kanporatzeko planak sekretuan eztabaidatu dituztela jakin ondoren.
2024/01/21 - 22:01
Dozenaka mila lagun atera dira kalera Frantzia osoan, migrazio lege berriaren kontra
Ezkerreko alderdiek eta ekologistek legearen aurkako helegitea aurkeztu zuten Konstituzio Kontseiluan, eta hark ostegunean emango du testuaren konstituzionaltasunari buruzko erabakia. Le Penen eskuin muturraren botoekin onartu zuen testua Gobernuak; beharrezkoak zituen, gehiengorik ez baitu.
2024/01/19 - 12:32
Ecuador Etxea Elkarteak Deustuko egoitzako ateak itxi ditu, 16 urteko ibilbidearen ostean
Baliabide ekonomiko falta dela eta, "pena handiz" hartu du taldeak hainbeste urtez lagun askoren "etxea" izan dena ixteko erabakia. Hala ere, amore ematetik urrun, lanean jarraituko dutela iragarri dute "beste pertsona batzuek ikusezin bihurtu nahi dutena ikusarazteko".
2024/01/16 - 13:46
Gizon bat atxilotu dute Donostian 49 migratzaileri baldintza osasungaitzetan ostatu emateagatik
Atxilotuak logeletan hartzen zituen biktimak, hileko 250 eta 450 euro bitarteko alokairuen truke. Gainera, iruzurrez erroldatzen zituen, beste ordain ekonomiko baten truke, eta eraikuntzan lana eskaintzen zien, gehiegizko lan-baldintzak ezarriz.