PPk eta Juntsek ezezkoari eutsi diote, Atzerritarren Legearen erreforma aintzat hartzeko eztabaidan
Diputatuen Kongresuko Osoko Bilkurak gaur eztabaidatu du Atzerritarren Legearen erreforma aintzat hartzea ala ez, erkidegoek bidaiderik gabeko adingabe migratzaileak nahitaez hartzeko, Kanarietako, Melillako edo Ceutako arreta zerbitzuak gainezka daudenean.
PSOEk, Sumarrek eta CCk adostutako lege-proposamena bada ere, azken horrek gaur esan du ekimena erretiratzea proposatuko duela, baldin eta gaurko saioan adostasunik ez bada lortzen, "hitz egiten jarraitzeko". "Nik ezin dut gaur Kanarietara itzuli, esanez Kongresuak ezezkoa eman diola Atzerritarren Legearen erreformari", esan du, minduta, Cristina Valido CCko diputatuak.
Alderdi Popularra, bere aldetik, erreforma bere horretan onartzearen kontra agertu da. Ana Alos diputatu popularrak ez du argi esan zer bozkatuko duten arratsaldeko bozketan, baina aurreratu du erreforma erretiratzea eskatuko duela, edukiarekin ados ez dagoelako. "Borondatea baduzue, negoziatu", esan die Gobernuko alderdiei. Hala, proposamena erretiratzea, erkidegoetako presidenteen konferentzia "berehala" deitzea eta migrazioari buruzko osoko saio monografikoa eskatu ditu.
Aurretik iragarri bezala, Miriam Nogueras Juntsen eledunak Kongresuak erreforma aintzat hartzeari uko egingo diotela iragarri du. Alderdi kataluniarrak uste du Kataluniaren elkartasuna "gehiegikeriaz" erabiltzeko arriskua dagoela erreforma honekin. "Ez du migranteentzako bizitza duin bat bermatzen, eta eskuinari eta eskuin muturrari hauspoa ematen die", erantsi du.
Euskal ordezkariei dagokienez, euren agerraldietan, EH Bilduko Jon Iñarritu eta EAJko Maribel Vaquero diputatuek azaldu dute alde bozkatuko dutela, erantzunkidetasunetik, baina erreformak aldaketak behar dituela uste dute.
Lege-proposamenak ezartzen du Kanarietan, Ceutan eta Melillan egun dagoen gain-okupazioa urtebetean lekualdaketekin konpondu behar dela. Zehazki, ezartzen du Kanarietan plaza erabilgarrien kopurua 2.000 dela, eta, beraz, kopuru hori 3.000 izango litzateke, une honetan gertatzen ari den egoera (egun 6.000 adingabe ditu).
Ceutan, berriz, 88 eta 132 izango lirateke kopuru horiek, eta Melillan, 166 eta 249. Ekimenak, hasiera batean, ez du inolako diru-kopururik jasotzen banaketa-sistema berri hori aurrera eramateko.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.