Nafarroako parlamentua
2023/08/14 - 12:12
Maria Chivitek gobernu ''aurrerakoia'' defendatu du, ''eskuinen inboluzioaren'' aurrean
Maria Chivitek adierazi duenez, eskuineko alderdiak eskubideetan murrizketak egiten hasi dira, "politika publikoetara genero indarkeriaren, klima aldaketaren eta aniztasunaren ukazioa eramanez".
2023/08/14 - 09:27
Gaur hasiko da Chivite Nafarroako presidente izendatzeko inbestidura saioa
Nafarroako Parlamentuak 50 eserleku ditu, eta alderdiek dagoeneko iragarri dituzte euren botoak. PSNk (11), Geroa Baik (7) eta Zurekin Nafarroak (3) alde bozkatuko dute, eta EH Bildu (9) abstenitu egingo da.
2023/08/10 - 17:16
Chiviteren inbestidura saioa datorren astelehen eta asteartean izango da azkenean
Nafarroako Parlamentuko Mahaiak eta Bozeramaileen Batzordeak jakinarazi dute inbestidura saioa abuztuaren 14an eta 15ean egitea erabaki dutela, eta ez asteburu honetan, atzo Unai Hualde Ganberako presidenteak proposatu bezala.
2023/08/10 - 16:36
Chiviteren inbestidura astelehenean eta asteartean izango da
Nafarroako Parlamentuaren gehiengoa inbestidura larunbatera aurreratzearen aldekoa zen. Hala ere, Bozeramaileen Batzordeak astelehenera atzeratzea erabaki du azkenean, eskuineko alderdiek (UPN, PP eta Vox) errekurtsoa jartzearekin mehatxu egin ondoren.
2023/08/10 - 12:28
EH Bilduko militanteen % 82,7 abstentzioarekin Chiviteren inbestidura ahalbidetzearen alde agertu dira
"Bilkideen gehiengo zabalak Nafarroako Mahaiaren irakurketa politikoarekin bat egin du Chiviteren inbestidura abstentzioaren bidez ahalbidetzearen alde eginez", esan du koalizio subiranistak Twitter bidez zabaldutako mezuan.
2023/08/10 - 12:14
Alzorriz: "Chiviteren inbestidura egun bat atzeratu behar bada, atzeratu egingo dugu"
Nafarroako Parlamentuko araudiak 72 orduko epea ezartzen du bilera-sortaren eta inbestidura saioaren artean, baina PSNko Antolakuntza idazkariak azaldu duenez, 2019an bi eguneko epearekin egin zen eta "ez zen ezer gertatu".
2023/08/09 - 15:33
Hualdek Chiviteren inbestidura larunbatean hastea proposatu du
Abuztuaren 12ko goizean egingo lukete eztabaida, eta arratsaldean bozketa. Chivitek ez balu gehiengo osoz irabazi, bigarren bozketa igandean egingo lukete, eta gehiengo sinplea nahikoa litzateke. Parlamentuko Mahaiak erabakia hartuko du bihar.
2023/08/09 - 14:48
Chiviteren inbestidura saioa larunbatean eta igandean izatea proposatu du Hualdek
Alderdiekin bigarren erronda amaitu berritan, hedabideen aurrera agertu da Unai Hualde Nafarroako Parlamentuko presidentea, eta jakinarazi du Maria Chivite PSNko ordezkaria proposatuko duela Foru Gobernuko presidente kargurako. Inbestidura saioa, berriz, larunbatean egitea proposatuko du.
2023/08/09 - 13:24
PSN, Geroa Bai eta Zurekin Nafarroako ordezkariak EH Bildurekin bildu dira, gobernu akordioa azaltzeko
Lau indar politikoak goizean batzartu dira Nafarroako Parlamentuan. Bestalde, Unai Hualde Foru Ganberako presidenteak Parlamentuko talde guztiak hartu ditu inbestidurarako aukerak aztertzeko. EH Bilduk Hualderi jakinarazi dio bere militanteek erabakiko dutela abstenitu ala ez.
2023/08/09 - 12:14
Solana: "Erronka nagusia da hiruko gobernua ez dadila izan Chiviteren gobernua, aldebakarrez jokatuko duena"
Nafarroako Gobernua osatzeko programa-akordioa izenpetu eta biharamunean, Geroa Baiko parlamentariak onartu du hirukoa osatzen dutenen artean "desadostasun potoloak 20tik gora" direla, eta horregatik, "akordioan jasotakoa betetzeko", kontrol neurriak indartzea izan da euren lehentasunetako bat.
2023/08/08 - 18:57
Esparza: "Chivitek berriro utzi du Nafarroa EH Bilduren esku, hautsita jaio den gobernu baten buru izateko"
UPNko presidenteak gaineratu duenez, "besaulkiak salerosi eta boterea banatzeko ikuskizun lotsagarriaz haratago, negoziazio honen benetako garailea ez da PSN; beste behin ere, EH Bildu da".
2023/08/08 - 15:06
Chivitek, Barkosek eta Alfarok izenpetu dute "gobernu ezkertiar eta anitza" berresteko akordioa
PSN, Geroa Bai eta Zurekin Nafarroa indarren buruzagiek itunaren garrantzia nabarmendu dute. Beste behin, zerbitzu publikoak indartuko dituztela azpimarratu dute, "Nafarroaren etorkizunaren alde egiten jarraitzeko". Gobernuak hiru Presidentetza izango ditu, talde bakoitzeko bana.
2023/08/08 - 13:14
Geroa Bai Gobernuan egoteak "euskararen aldeko politikak bultzatzea" bermatuko duela ziurtatu du Barkosek
Nafarroako Gobernua berriro osatuko duten alderdiek hizkuntza politiken inguruan dituzten desadostasunak "agerikoak" direla onartu du Geroa Baiko buruak, baina uste du koalizio abertzalea hirukoan egoteak euskararen alde lanean jarraitzea bermatuko duela.
2023/08/08 - 01:03
Alfaro (Zurekin Nafarroa): ''Gogobetetze-maila altua dugu''
Begoña Alfaro Zurekin nafarroa koalizioko bozeramailearen hitzetan, "maiatzaren 28an hautestontzietan isla izan zuten Nafarroako herritarren eskaerei erantzuten dien akordioa da".
2023/08/08 - 00:08
Geroa Baik, PSNk eta Zurekin Nafarroak hiruko Gobernua osatzeko akordioa itxi dute
Nafarroako Parlamentuan bost ordu inguru iraun duen bilera batean lortu dute. Geroa Baik kontraproposamena egin du bertan, bazkideen arteko desadostasunak gainditu eta akordio programatikoa kontrol neurriak adosteko.
2023/08/07 - 16:12
Amaitu da Chiviteren inbestidura babesten ote duen erabakitzeko Geroa Baik egin duen bilera
Amaieran, koalizioko ordezkariek ez dute adierazpenik egin nahi izan. Azken proposamena onartuz gero, baliteke PSNrekin eta Zurekin Nafarroarekin arratsaldean biltzea. Ondoren, Hualdek bilera sorta berri bat egin beharko luke eta inbestidura saioa deitu, gutxienez hiru egun lehenago.
2023/08/07 - 16:09
Geroa Baik kontraproposamena aurkeztu du, eta akordioa lortzeko bilerak aurrera jarraitzen du
Batzarra goizean Geroa Baik PSNren azken proposamenaren inguruan bere jarrera zehazteko barne bilera egin ondoren deitu dute. Geroa Baik aurkeztutako planteamendua akordio programatikoari, bazkideen arteko desadostasunei eta kontrol neurriei buruzkoa da.
2023/08/05 - 18:04
Gobernu akordioari buruzko eztabaidak jarraitzen du Geroa Bairen baitan
Atzo zenbait ahotsek esaten bazuten ere akordioa heltzear zela, Maria Solanak PSNren eta Zurekin Nafarroaren "baikortasun eta poza" apaldu zituen: "momentuz ez gaude puntu horretan", esan zuen.
2023/08/04 - 15:43
Geroa Baik PSN eta Zurekin Nafarroaren "baikortasuna eta poza" apaldu ditu: "Ez gaude puntu horretan"
Koalizioaren hitzetan, azken proposamenaren "letra txikia" aztertzen ari dira. Horren arabera, Landa Garapen eta Ingurumen Kontseilaritza, Garapen Ekonomiko eta Enpresarialeko Kontseilaritza, Herritarrekiko Harremanetako Kontseilaritza eta Osasun Kontseilaritzak kudeatuko lituzke.
2023/08/03 - 16:15
PSNk gobernu proposamen berria egin dio Geroa Bairi, "jarrerak gerturatzeko"
PSNk, Geroa Baik eta Zurekin Nafarroak bilera egin dute, akordioa lortzen saiatzeko. Sozialistek proposamen berri bat jarri dute mahai gainean, eta Geroa Baik adierazi du aztertu egingo dutela eskaintza berria.