Gaur izendatuko dute Maria Chivite Nafarroako presidente, gehiengo soilarekin
Maria Chivite sozialista gaur izendatuko dute Nafarroako Gobernuko presidente, 17:20an egingo den bigarren bozketan. Atzoko saioan, aurreikusi moduan, ez zuen gehiengo osorik lortu, eta, gaur, gehiengo soilarekin (kontrako baino aldeko boto gehiago) lortuko du karguan beste lau urtez jarraitzea.
Alderdiek aurretik iragarria zuten bezala, sekretuan eta ordena alfabetikoan egin zen lehen bozketaren amaieran Gobernu Ituna sinatu duten hiru taldeen 21 babesak jaso zituen hautagai sozialistak: PSN (11), Geroa Bai (7) eta Zurekin Nafarroa (3).
Era berean, Foru parlamentuan 9 eserleku dituen EH Bildu abstenitu egin zen, eta UPNko (15), PPko (3) eta Voxeko (2) 20 parlamentariek aurka bozkatu zuten.
Chivitek Gobernu "aurrerakoi" bat defendatu zuen inbestidura saioko eztabaidan, eskuineko alderdiak "inboluzioa" ekartzen eta "eskubideak murrizten" ari direla iritzita.
Bestalde, eskuinak ziurtatu zuen Nafarroako Gobernu berria "zatituta jaio" dela, eta EH Bilduk ohartarazi zuen "zorrotza" izango dela eta legegintzaldi hau ezin dela "aurrekoa bezalakoa izan".
Chivite: "Aurreikus zitekeenaren barruan"
Maria Chivite PSNren Nafarroako presidentegaiaren iritziz, inbestidura saioaren eztabaida "aurreikus zitekeenaren barruan" joan zen.
"Esperotakoaren gisakoak izan dira hitz-hartzeak. Atzo, Ramón Alzórriz bozeramaile sozialistak mezuz esaten zidan, Javier Esparzak honetaz eta honetaz hitz egingo du. Eta halaxe izan da, esperotakoaren barruan", esan zuen Chivitek lehen bozketaren ostean.
Chivitek eztabaidak izan zuen tonua eskertu zuen: "Nahiko ona izan da eta eskertzekoa da". Kontra bozkatu duten taldeei dagokienez, "inbestidura babestuko ez duten arren, unean uneko akordioei eskua luzatu" zietela azaldu zuen.
Zure interesekoa izan daiteke
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.