Nafarroako Gobernuko kontseilariak karguaz jabetu dira
Nafarroako Gobernuko kontseilariek euren karguak hartu dituzte gaur, ostirala, Maria Chivitek bigarren aldiz Nafarroako presidente kargua hartu eta biharamunean. Kargu-hartze ekitaldia Nafarroako Jauregiko Tronuaren aretoan izan da. Kontseilari berriek presidentea bera, hainbat foru-diputatu eta senideak izan dituzte lagun.
13 kontseilarietatik 12k hartu dute kargua gaur; izan ere, Jose Luis Arastik (Ekonomia eta Ogasun kontseilaria izango da) aurrerago egingo du. Espainiako Gobernuak Nafarroan duen ordezkaria da oraindik, eta Ministroen Kontseiluak kargu horretatik kendu arte itxaron beharko du Nafarroako Gobernuan kargua hartzeko.
Formula hau erabili dute kontseilari guztiek kargua hitzemateko: "Hitz ematen dut neure ohoreaz eta kontzientziaz Nafarroako Foru Eraentza errespetatu, mantendu eta hobetuko dudala. Men eginen diedala Konstituzioari eta legeei eta zintzo beteko ditudala nire karguari dagozkion eginbeharrak". Mikel Irujok eta Jose Maria Aierdik euskaraz egin dituzte hitz horiek, Ana Ollok eta Begoña Alfarok euskaraz eta gaztelaniaz, eta gainerakoek, gaztelaniaz soilik. Felix Tabernak, Ana Ollok eta Begoña Alfarok bi aldiz hitzeman behar izan dituzte karguak, kontseilari eta presidenteorde izango baitira.
Ondoren, kontseilari bakoitzak Nafarroako armarria daraman lepokoa jaso du Maria Chivite presidentearen eskutik. Nafarrako Gobernuak "elkarrizketa eta akordioa oinarri" dituela eta "aurrerarapena zutabe" duela azpimarratu du Chivitek hitza hartu duenean. Ez dutela "egoskorkeria edo nagusikeriaz" jokatuko agindu, eta "sektore guztien" proposamenak entzungo dituztela iragarri du.
PSNk, Geroa Baik eta Zurekin Nafarroak sinatutako gobernu-akordioari esker, PSNk zortzi kontseilari eta presidenteorde bat izango ditu; Geroa Baik, lau kontseilari eta presidenteorde bat, eta Zurekin Nafarroak, kontseilari bat eta presidenteorde bat.
13 kontseilari eta 3 presidenteordeak:
- Felix Taberna (PSN) Nafarroako Gobernuko presidenteorde eta Presidentetza eta Berdintasun kontseilaria izango da.
- Amparo Lopez (PSN): Funtzio Publiko, Herrizaingo eta Justizia kontseilaria.
- Oscar Chivite (PSN): Lurralde Kohesiorako kontseilaria.
- Carlos Gimenok (PSN): Hezkuntza kontseilari karguan errepikatuko du.
- Mari Carmen Maeztu (PSN): Gizarte Eskubideen eta Enplegu kontseilaria.
- Jose Luis Arasti (PSN): Orain arte Espainiako Gobernuak Nafarroan duen ordezkari izan dena Ekonomia eta Ogasun kontseilaria izango da.
- Juan Cruz Cigudosa (PSN) Unibertsitateko, Berrikuntzako eta Eraldaketa Digitaleko kontseilari kargua hartuko du berriro.
- Rebeca Esnaola (PSN): Kultura, Kirol eta Turismo kontseilaria.
- Ana Ollo (Geroa Bai) Nafarroako Gobernuko presidenteorde eta Herritarrekiko Harremanetarako kontseilaria izango da.
- Fernando Dominguez (Geroa Bai): Osasun kontseilaria.
- Mikel Irujo (Geroa Bai): Industria eta Enpresen Trantsizio Ekologiko eta Digitalerako kontseilaria.
- Jose Mari Aierdi (Geroa Bai): Landa Garapen eta Ingurumen kontseilaria.
- Begoña Alfaro (Zurekin Nafarroa): Hirugarren presidenteorde eta Etxebizitza kontseilaria.
Zure interesekoa izan daiteke
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.