PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Pedro Sanchez, artxiboko irudi batean. Argazkia: EFE
Hauteskunde orokorrak gaur egingo balira PSOE izango litzateke lehen indarra, bigarrenari (PP) 5,5 puntuko aldea aterata, Ikerketa Soziologikoen Espainiako Zentroak (CIS) gaur argitaratutako azken inkestaren arabera. Ceutako migrazio krisiaren ostean egin den mota honetako lehen inkesta da, eta PPk lau hamarren egingo luke gora, eta, Voxek, 1,3 puntu.
Zehazki, PSOEk botoen % 31 eskuratuko luke, aurreko neurketan baino bi puntu gutxiago eta azken urteko emaitzarik txarrena erdietsita. Hala ere, sozialistek 5,5 puntuko aldea aterako liokete popularrei.
PP, berriz, lau hamarren haziko litzateke uztailetik irailera, % 25,1etik % 25,5era, hain zuzen ere. 2023an hauteskundeak irabazi zituenean botoen % 33 bereganatu zuen.
Vox da gehien igo dena, uztailetik 1,3 puntu gora eginda eta botoen % 16,6 lortuta.
Sumarrek, aldiz legealdi osoko emaitzarik txarrena erdietsiko luke % 5,7ko babesarekin. Podemosek, aldiz, gora egingo luke % 3,7raino.
Gauzak horrela, koalizio gobernua osatzen duten bi alderdiek % 36,7ko babesa baino ez lukete lortuko, eta PPk eta Voxek, berriz, % 42,1.
ERCk (% 2,5) Juntsen gainetik (% 0,7) jarraituko luke % 2,5eko babesarekin, eta EH Bilduk (% 1,3) EAJ (% 0,7) gaindituko luke.
Sanchez, aukerarik gustukoena
Inkestatuen gehiengoak, lautik batek, Pedro Sanchez nahiago du Espainiako presidente moduan, hamarretik bik Alberto Nuñez Feijoo, eta % 15aren aukera da Santiago Abascal.
Zure interesekoa izan daiteke
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.
Segurtasunaren gaineko azterketa sakona aldarrikatu du Diez Antxustegik, alarmismoetatik aldenduz
ETB1eko "Egun on Euskadi" saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak adierazi duenez, beharrezkoa da EAJk eta PSEk eskatutako batzar monografikoa egitea.
Lander Martinez: "Egia da aurrekontuak aurkeztu egin behar direla, eta gu horretan tinko egongo gara"
Sumarreko diputatuak Euskadi Irratiko "Faktoria" saioan nabarmendu du PSOEri beren eskariak mahai gainean jartzeko lanean ari direla. "Aurrekontuak aurrera joaten ez badira, pentsatu beharko dugu zer egin, baina aurrera ateratzen ditugun gauzekin uztailera arte heltzeko moduan gaude", adierazi du.
Pradalesek "erantzukizuna" eskatuko die alderdiei ostegun honetan, nazioartean dagoen ziurgabetasunari aurre egiteko
Lehendakariak gatazka geopolitikoen, inflazioaren eta eraldaketa teknologikoaren testuinguruan kokatuko du politika orokorreko osoko bilkura, eta euskal eredua defendatuko du zerbitzu publikoak, ekonomia eta ongizatea indartzeko bide gisa.
Eusko Legebiltzarreko politika orokorreko osoko bilkura, zuzenean
09:30etatik aurrera, Eusko Legebiltzarrak ikasturte politikoari hasiera emateko osoko bilkura egingo du.
Albiste izango dira: lehendakaria ELArekin eta LABekin bilduko da, oposizioak irabazi du Suedian eta Euskal Zinemaren Galaren aurkezpena
Gaurkoan Orain-en albiste izango direnen laburpena, bi hitzetan.
Pradalesek gehiengo sindikala hartuko du gaur, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.