Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Maria Chivite Nafarroako Gobernuko presideteak hauteskunde-kutsua ikusi dio Geroa Bairen jarrerari, gobernukideak Belateko tunelen egoera aztertzeko bileratik "sartu baino kezkatuago" atera zirela esan ostean. Chiviteren esanetan, barne-bileran Geroa Baik ez zuen adierazi ondoren hedabideen aurrean agertutako kezka hori, eta harrituta hartu ditu Pablo Azcona bozeramailearen hitzak.
Astelehen honetan, Gobernua babesten duten hiru taldeek —PSNk, Geroa Baik eta Contigo-Zurekin— bilera egin dute Belateko obren egoera aztertzeko eta aukera posibleak mahaigaineratzeko. Bertan, bazkideek premiazko konponbide bat eskatu dituzte Exekutiboak lanak segurtasun juridiko osoz eta kostu gehigarririk gabe bideratzeko.
Hala ere, Geroa Bai izan da gogorrena; Azconak adierazi duenez, bileratik "sartu baino kezkatuago" atera da, bere ustez ezinbestekoa den eta gaur gaurkoz etenda dagoen azpiegitura baten aurrean. Blokeo-egoera horren eta oposizioaren eskaeraren aurrean, Legebiltzarreko Mahaiak premiazko agerraldia finkatu du asteazken honetarako, eta bertan Chivitek lanen inguruko xehetasunak emango ditu, gaur egun jarduerarik gabe baitaude.
Chivite: "Ez dago ezer itxita"
Azpiegituraren etorkizun teknikoari dagokionez, Maria Chivitek esan du oraindik ez dagoela "ezer itxita", eta Foru Gobernuak irekita dituela elkarrizketak bai lanak esleitu zaizkion ABEEarekin, bai Nafarroako Gobernuko Aholkularitza Juridikoarekin. Ildo horretan, irmo esan du Administrazioak bide legalak baino ez dituela bermatuko.
Exekutiboko buruak bere kudeaketaren "gardentasuna" defendatu du, eta nabarmendu du Geroa Baik orain arte egindako txosten bakoitzaren berri izan duela. Era berean, Belateko tunelak bikoizteko "borondate politikoa" eta premia larria daudela gogorarazi du. Izan ere, lehentasunezko azpiegitura bat da, eta Europako Batzordeak gertutik jarraitzen du bere bilakaera, 2004tik Europako zuzentarau bat ez betetzeagatik arrastaka dabilen afera delako.
Zure interesekoa izan daiteke
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.