Osasun larrialdia
2021/12/16 - 19:17
Egoera larria dela salatuta, Lehen Arretako lantaldea handitzeko eskatu dute Osakidetzako langileek
Lehen Arretako lan-baldintzak "oso prekarioak" direla eta kalitatezko zerbitzua eskaintzea ezinezkoa zaiela salatu dute; izan ere, lanaldiaren zatirik handiena telefono bidezko hitzorduak erantzuten, antigeno testak egiten eta covid-19aren aurkako txertoak jartzen ematen dute.
2021/12/16 - 14:34
Intzidentzia metatuak 1.000 kasuko langa gainditu du Araban, eta 1.500ekoa Gipuzkoan
Gainera, Aretxabaleta eta Tolosa zerrendara gehituta, zortzi dira 2.000 kasu baino gehiagoko intzidentzia duten Gipuzkoako herriak. Gasteiz, berriz, 1.000 kasutara iritsi da, eta Amurrio gertu dago, 958 kasurekin.
2021/12/16 - 14:27
Intzidentzia metatuak markak hautsi ditu Euskadin eta 1079 kasura iritsi da
Kutsatzeek ere inoiz ikusi ez diren balioak erregistratu dituzte: 2.272 positibo berri egun bakar batean. Gainera, gaixo kritikoen egoerak gora egiten jarraitzen du, eta astebetean 73tik 100era igaro dira.
2021/12/15 - 19:31
Prebentziorako Europako Zentroak ohartarazi du txertoa ez dela nahikoa omikron aldaera gelditzeko
Txertoa jartzearekin batera, beste hainbat neurri hartzea ezinbestekoa dela adierazi du Gaixotasunen Prebentziorako eta Kontrolerako Europako Zentroak. Urtarrilerako omikron aldaera nagusia izango dela uste dute agintariek.
2021/12/15 - 15:57
Zupiria: "Terrazak toki irekiak dira eta barrura sartzen ez bagara, berez, ez genuke ziurtagiria beharko"
Hala ere, Eusko Jaurlaritzako bozeramaileak azpimarratu du kasuistika asko daudela eta egokiena izango dela Jaurlaritza prestatzen ari den galdera-erantzunen dokumentuari itxarotea.
2021/12/15 - 11:24
Dekretua argitaratuta, indarrean da covid ziurtagiria EAEko ostalaritza, ospitale eta kiroldegietan sartzeko
Covid pasaportea erakustea ezinbestekoa da jatetxeetan, ospitaleetan, adinekoen egoitzetan, kiroldegietan eta eremu itxietan antolatzen diren kultura ekitaldietan sartzeko; ez, ordea, instalazio irekietan (futbol zelaietan, adibidez).
2021/12/14 - 22:18
Covid ziurtagiriaren balioa egiaztatzeko aplikazioak
Ziurtagiri digitalaren erabilera hedatzen ari den heinean, agiri horren baliozkotasuna konprobatzeko doan deskargatu daitezkeen aplikazioak ere gero eta gehiago dira.
2021/12/14 - 19:17
1.984 kutsatze berri izan dira EAEn eta intzidentzia 969 kasura iritsi da
Covid-19 duten 332 gaixo daude EAEko ospitaleetako geletan, eta 92 zainketa intentsiboen unitatean (ZIU), bezperan baino bat gehiago. Sagarduik adierazi duenez, "pandemiaren unerik okerrena ez den arren", egungo egoera "oso kezkagarria da".
2021/12/13 - 23:44
Adituen batzordeak txertoaren hirugarren dosia 40 urtetik gorakoei ematea aztertuko du
Oraingoz, errefortzurako dosia 60 urtetik gorakoei eta osasun sektoreko langileei ematen zaie. Adituak asteazkenean bilduko dira eta adin tarte hori zabaltzea aztertuko dute.
2021/12/13 - 14:45
Euskadik 91 pertsona ditu ZIUetan, eta intzidentzia-tasa metatuaren marka hautsi du, 937 kasurekin
Azken astean 19 pertsona hil dira covid-19aren ondorioz, eta 11.000 kasu berri baino gehiago atzeman dituzte.
2021/12/13 - 14:17
Gipuzkoako zortzi udalerri handik 2.000 kasutik gorako intzidentzia dute
Arrasate, Azpeitia, Bergara, Deba, Eibar, Eskoriatza, Lazkao eta Villabona dira. Agurainen (Araba) behera egin du intzidentziak baina oraindik 2.500 kasu inguru biltzen ditu.
2021/12/09 - 21:02
Covid-19 agerraldiak izan dira Basurtuko eta San Eloyko ospitaleetan
Basurtuko ospitaleko Revilla pabilioian bost paziente kutsatu dira eta Osakidetzak bisitak bertan behera utzi ditu gune horretan. Bigarren agerraldia San Eloy ospitaleko oftalmologia zerbitzuko langileen artean detektatu dute.
2021/12/09 - 18:45
Bilboko eta Donostiako San Tomas azokak, bertan behera
Koronabirusaren pandemia dela eta, Bilboko eta Donostiako udal gobernuek San Tomas azoka antolatzeko baimenik ez ematea erabaki dute.
2021/12/09 - 14:23
Arrasaten eta Eibarren, 2.000 kasutik gorako intzidentzia; Azpeitian, Ondarroan eta Agurainen, 3.000 ingurukoa
Gipuzkoak jarraitzen du lurralde zigortuena izaten, eta aipagarria da Debagoieneko kasua; izan ere, azken egunotan eskualde horretako hainbat herritan positibo asko atzeman dituzte, Aretxabaletan, Bergaran eta Eskoriatzan, besteak beste.
2021/12/09 - 13:51
Ia 10.000 positibo atzeman dira astebetean eta intzidentzia metatua 800 kasutik gertu dago Euskadin
Ospitaleetako presioak hazten jarraitzen du, eta astelehenean baino hiru gaixo gehiago dituzte ZIUetan. Ifrentzuan, R0 indizeak 15 hamarren egin du behera, eta 1,08an dago.
2021/12/07 - 20:10
Osakidetzak protokoloa aldatu du: Positibo batekin harreman estua izan dutenek SMSa jasoko dute proba egiteko
Aurrerantzean, positibo batekin harreman estua izan duten pertsonek Osakidetzaren SMS mezua jasoko dute, covid-19aren proba egiteko hitzorduarekin. Orain arte telefonoz deitzen zuten.
2021/12/06 - 17:02
EAEn azken astean jarritako dosien % 95 errefortzuzkoak izan dira
60 urtetik gorakoak eta osasun langileak txertatzen ari da orain Osakidetza. Bestalde, 20-29 eta 30-39 urtekoen artean apur bat gora egin du babestuen kopuruak, baina goiz da esateko covid ziurtagiriak bultzatu ote dituen.
2021/12/06 - 15:05
Gaiztotu egin da egoera EAEn: intzidentzia 724 kasukoa da eta 70 gaixo daude ZIUetan
Gainera, 19 pertsona hil dira covid-19ak jota azken astean. Ospitaleetako gela arruntetan duela lau egun baino 59 pertsona gehiago daude. Gipuzkoa dago okerren, 1.100 kasu metatuko langa igaro baitu.
2021/12/06 - 13:27
Gipuzkoan eta EAEko dozenatik gora udalerri handitan 1.000 kasutik gorakoa da intzidentzia
Ez dago 5.000 biztanle baino gehiagoko udalerririk eremu gorritik kanpo. Azpeitiak 3.000 kasuko intzidentzia du ia, eta Eibarrek, berriz, 2.000 kasuko intzidentziaren langa gainditu du.
2021/12/05 - 20:46
Zer egin behar da etxean egindako antigeno testean positibo emanez gero?
Oinarrizko hiru urrats daude: bakartu, Osasun Sistemari positiboaren berri eman eta sintomekin hasi aurretik egondako pertsonen zerrenda prestatu.