Zer egin behar da etxean egindako antigeno testean positibo emanez gero?
Hozteen eta arnas birusen garaia da; beraz, antigenoen proba egin behar al da katarroarekin bateragarriak diren sintomak izaten diren bakoitzean, hala nola, eztula, eztarriko mina, mukiak, buruko mina edo doministikuak? Osasun-adituek argi dute: BAI. Koronabirusa ala hotzeria arrunta dugun jakiteko modu bakarra covid-19a atzemateko proba egitea da.
Era berean, testa egitea gomendatzen dute prebentzio neurriak bete ez diren ekitaldiren batean parte hartu eta gero nahiz adineko pertsona bat edo pertsona zaurgarriren bat bisitatu aurretik.
Gaur egun, antigenoen bi test mota saltzen dituzte farmazietan: lagina sudurretik makilatxo batekin hartuz egiten direnak eta ahotik botatako listua aztertuz egiten direnak. Antzekoak dira bi formulak prezioan eta zehaztasunean.
Bi kasuetan, lagin bat hartu eta aztertu egin behar da, kutxa edo kit-ean datozen jarraibideak errespetatuz. Zer egin behar da, gero, positibo emanez gero?
1- Etxean geratu eta familiako gainerako kideengandik isolatu.
2- Positiboa jakinarazi, Osasun Sistema Publikoak PCR baten bidez berretsi dezan. Horretarako, bi bide daude:
* Ohiko osasun-zentrora deituz, edo 900 20 30 50 telefonora EAEn eta 948 290 290 zenbakira Nafarroan, PCR baterako hitzordua lortzeko.
* EAEn biziz gero, inprimakia bete daiteke online, hitzordua eskatzeko.
3- Sintomekin hasi aurretik egondako pertsonen zerrenda prestatu.
Diagnostiko testa farmazian bertan egin bada, farmaziatik bertatik jakinaraziko dute positiboa Osasun Sistemara, eta gero handik deituko diote positibo eman duen pertsonari, PCRrako hitzordua emateko.
Sintomak dituzten pertsona guztiek, txertatuta egon ala ez, egin beharko lukete autodiagnostiko-test bat egin goian aipatutako kasuetan.
Zure interesekoa izan daiteke
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetako kontzertuak bertan behera hiru egunetan: abuztuaren 5ean Gasteizen, 14an Donostian eta 26an Bilbon
Kontzertuak bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.