Prebentziorako Europako Zentroak ohartarazi du txertoa ez dela nahikoa omikron aldaera gelditzeko
Omikron aldaeraren hedapena gelditzeko txertoa soilik erabiltzea nahikoa ez dela ohartarazita, kutsatzeak murrizteko beste hainbat neurri hartzeko deia egin die Gaixotasunen Prebentziorako eta Kontrolerako Europako Zentroak gobernuei.
Datozen hilabeteetan herritar zaurgarrienak babesteari lehentasuna eman behar zaiola eta helburu hori txertaketarekin bakarrik lortzea ezinezkoa dela iritzi dio Prebentziorako Europako Zentroak.
Delta aldaerari aurre egiteko txertoa "oso eraginkorra" dela ziurtatu du eta kanpainarekin jarraitzeko eskatu dute. Orain arte, covid-19aren aurkako txertoari esker ia 500.000 bizitza salbatu direla nabarmendu dute.
Gauzak horrela, herritar guztiei pauta osoa ematea eta hirugarren dosia "ahalik eta azkarren" jartzea garrantzitsua dela adierazi dute.
Alabaina, txertaketarekin soilik nahikoa izango ez dela abisatu dute eta, ondorioz, beste hainbat neurri hartzea premiazkotzat jo dute. Honakoak aipatu dituzte: musukoa modu egokian erabiltzea, telelana baimentzea, garraio publikoan jende pilaketak saihestea, gaixorik egonez gero etxean geratzea, higiene neurriak betetzea eta aireztapen egokia bermatzea.
Urtarrilean omikron izango da aldaera nagusia
Prebentziorako Europako Zentroak egindako analisiaren harira, Europako Batzordeak ere aitortu du datozen hilabeteak "zailak" izango direla.
"Litekeena da omikronek olatu handi bat eragitea eta horrek osasun sistemetan presioa handitzea ekarriko du", adierazi du Stella Kyriakide Osasun komisarioak.
"Omikroni buruz gero eta gehiago dakigu. Argi dago kutsakorragoa dela eta horrek kasu positiboak ugaritzea eragin du. Prebentziorako Zentroaren mezua argia da: kasuen gorakadak ospitaleratzeak eta heriotzak ugaritzea ekarriko du", ohartarazi du.
Bestalde, Ursula von der Leyen Europako Batzordeko presidenteak iragarri du ziurrenik urtarrila erdialderako omikron izango dela aldaera nagusia Europan.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.