Pentsioak 2024
2023/03/23 - 12:10
Manifestariek Baionako Txik Txak autobus eta tranbia sarea blokeatu dute
Gaurkoa bederatzigarren greba eguna da Frantzian eta Ipar Euskal Herrian Emmanuel Macronek sustatutako pentsio erreformaren aurka. Manifestari talde batek Baionako Txik Txak autobus eta tranbia sarea blokeatu du gaur goizaldean barrikadekin.
2023/03/23 - 08:41
Protesta eta mobilizazio eguna Frantzian eta Ipar Euskal Herrian, pentsioen erreformaren aurka
Baionan goizean egin duten manifestazioa orain arteko jendetsuenetako bat izan da, 24.000 lagun inguru bertaratu direla jakinarazi baitute antolatzaileek. Istiluak izan dira manifestarien eta Frantziako Poliziaren artean.
2023/03/22 - 18:01
Macronek herritarren "haserre legitimoa" ulertzen du, baina erreforma "beharrezkoa" dela azpimarratu du
Frantziako presidenteak TF1 eta France 2ri egindako elkarrizketa batean azaldu duenez, ez ditu aldaketa horiek egin "plazeragatik". Oposizioak eta sindikatuek Macronen argudioak kritikatu dituzte, "harroputza" izatea eta ustezko kontra proposamenen faltaren inguruan gezurra esatea egotzita.
2023/03/21 - 15:46
Frantzian grebak ez dira eten, eta, besteak beste, findegietan jarraitzen dute protestan
Frantzia hegoaldea hornitzen duen Marseilla inguruko findegian, esaterako, lanera joatera behartu ditu gobernuak langileak, gasolindegietan erregaia falta delako. Protestan ari dira bertan goizean goizetik eta enfrentamentuak ere izan dira.
2023/03/21 - 14:56
Ia 300 pertsona atxilotu dituzte Frantzian, pentsioen erreformaren kontrako enegarren protesta gauean
Macronek elkarrizketa eskainiko die bihar Frantziako bi telebista kateei, exekutiboaren barruan balizko aldaketen zurrumurruak hauspotuta. Halaber, zerbitzugune batzuk erregairik gabe geratu direla eta, esku hartu behar izan du Gobernuak.
2023/03/21 - 10:37
Frantziako pentsioen erreformaren aurrean mobilizazio sozialak izan duen "arrakasta" nabarmendu du Lakuntzak
Espainiako pentsioen erreformari dagokionez, ELAko idazkari nagusiak esan du batetik murrizketak daudela eta bestetik 2011koak betikotzen dituela.
2023/03/21 - 09:45
Gutxienez 171 atxilotu Parisko manifestazioetan izandako istilu larrietan
Ehunka pertsona atera dira kalera Asanblea Nazionalean aurkako zentsura mozioek ozta-ozta kale egin eta pentsioen erreforma onartutzat eman denean. Gutxienez 171 pertsona atxilotu dituzte, tartean Frantzia Intsumisoko buruzagiak.
2023/03/21 - 08:58
Albiste izango dira: Sanchezen kontrako zentsura-mozioa, protestak Frantzian eta gazteen emantzipazioa
Gaurkoan albiste izango direnen laburpena, hitz bitan.
2023/03/21 - 08:04
Frantziako Gobernuak bi zentsura mozioak gainditu ditu
Lehenengo mozioak 278 boto jaso ditu, behar zituen 287 botoetatik (bederatzi botoko aldea baino ez, beraz), eta eskuin muturrak 94. Bi mozioak atzera botatzeak pentsioen erreforma onartzea dakar.
2023/03/20 - 10:05
Bi zentsura mozio mahai gainean eta sindikatuak aurrean dituela hasiko du astea Macronek
400 pertsonatik gora atxilotu dituzte azken hiru egunetan Parisen, pentsioen erreformaren kontrako protestetan. Frantziako Gobernuko presidentearen aurkako bi zentsura mozio bozkatuko dituzte gaur bertan.
2023/03/20 - 09:58
Hainbat pertsona atxilotu dituzte Frantzian pentsioen erreformaren aurkako protestetan
Gutxienez sei pertsona atxilotu dituzte azken orduetan Parisen, Emmanuel Macron presidentearen pentsioen erreforma polemikoaren aurkako protestetan.
2023/03/20 - 09:42
Albiste izango dira: burtsen erreakzioa, VII. Inkesta Soziolinguistikoa eta Euroeskualdearen batzarra
Gaurkoan albiste izango direnen laburpena, hitz bitan.
2023/03/19 - 13:01
122 pertsona atxilotu dituzte bart Parisen, pentsioen erreformaren kontrako protestetan
Liskarrak izan dira hirugarren gauez, jarraian, Frantziako hiriburuan. Orotara, 400dik gora pertsona atxilotu dituzte azken 72 orduetan. Astelehenean erreformaren testua eztabaidatuko dute Frantziako Parlamentuan eta bi zentsura mozio ere ate joka ditu Macronek.
2023/03/19 - 12:51
Martinezek positibotzat jo du pentsioen erreforma berria, "ez duelako murrizketa bakar bat ere"
Elkarrekin Podemos-IUko legebiltzarkideak adierazi du bere alderdia "oso urrun" dagoela Hezkuntza Legea babestetik, eta uste du 'De Miguel' auzia "Euskadin haize freskoa behar duen sistema baten icebergaren punta" dela.
2023/03/18 - 16:06
Istiluak bigarren egunez Frantzian, Macronen Gobernuak onartutako pentsioen erreformaren kontrako protestetan
61 lagun atxilotu eta 5 polizia zaurituta Parisen bart gertatutako istiluetan. Emmanuel Macronen Gobernuak bi zentsura moziori egin behar die aurre.
2023/03/18 - 14:24
1.080 euroko gutxieneko pentsioa "berehala ezartzea" eskatu dute EAEko pentsiodunek, 2027ra itxaron gabe
Milaka pentsiodun batu dira Bilbon, mobilizazioz beteriko asteari amaiera borobila emanez, 1.080 euroko gutxieneko pentsioa orain ezarri dezaten aldarrikatzeko, eta ez 2027an, Espainiak Gobernuak proposatu duen bezala.
2023/03/18 - 14:13
Beste lanuzte egun bat dute gaur Frantzian, atzoko istiluetan gutxienez 60 lagun atxilotu ostean
Baionan, 12:00etan manifestatu dira, Frantziako intersindikalak deituta. Ostiral honetan Behobiako zubia blokeatu zuten berriro ere, eta ostegunera arte mobilizazioak egingo dituztela iragarri zuten. Ostegun horretan, martxoak 23, greba-eguna deitu dute.
2023/03/17 - 21:46
Concorde plaza hartu dute berriro manifestariek Gobernuaren eta Macronen dimisioa eskatzeko
Indarrez, bozketarik gabe pentsioen erreforma aurrera atera nahi izanak haserre handia piztu du Frantzian, bai kalean eta baita instituzioetan ere. Bi zentsura-mozio aurkeztu dituzte dagoeneko lehen ministroaren aurka. Kalkuluak egin eta babesak bilatzeko orduak dituzte hauek.
2023/03/17 - 21:26
Macronen Gobernuak bi zentsura-moziori aurre egin beharko die pentsioen erreforma dela eta
Batzar Nazionalaren araudiak dio gutxienez 48 ordu itxaron behar direla zentsura-mozioa aurkeztu eta eztabaidatu eta bozkatu arte; beraz, igandetik aurrera aztertuko lirateke.
2023/03/17 - 13:39
300 lagun baino gehiago atxilotu ditu Poliziak pentsioen erreforma dekretuz onartzearen kontrako protestetan
Oposizioko alderdiek zentsura-mozioak iragarri dituzte. Le Pen ultraeskuindarrak "Gobernua erortzea" bideragarri egiten duen edozein mozio babestuko du. Ezkerrak eta LIOTek mozioak aurkeztuko dituzte. Melenchonek LIOTena babestuko du, baina eskuin tradizionalaren boto batzuk ere beharko dira.