Salaketak

2024/04/23 - 13:17

Gizonezko bat atxilotu dute, Donostiako Bidebieta kiroldegian izandako sexu-erasoarekin lotura duelakoan

Adingabe batek salatu zuen sexu erasoa egin ziotela kiroldegiko aldageletan. Haren gurasoek jarri zuten salaketa, joan den asteartean, Ertzaintzaren komisaldegian. Atxilotua 60 urte inguruko frantziar bat da, eta Altzako kiroldegiaren inguruan atxilotu dute.

2024/04/17 - 15:19

Adingabe batek salatu du sexu erasoa egin diotela Donostiako Bidebieta kiroldegian

Ertzaintzak ikerketa abiatu du gertakariak argitzeko. Biktima adin txikikoa denez, ez du bestelako informaziorik eman.

2024/04/16 - 15:31

Autokontrolerako epaimahaiak ez du onartu Iberdrolak Repsolen aurka jarritako erreklamazioa

Urtarrilaren 19an aurkeztu zuen erreklamazioa Iberdrolak, Repsolek bere erregai berriztagarri berriak sustatzeko telebistan, prentsan eta Interneten zabaldutako publizitatearen aurka.

2024/03/25 - 12:01

Telegram blokeatzeko agindua behin-behinean bertan behera utzi du Santiago Pedraz epaileak

Aurrez, mezularitza plataformari buruzko txosten bat eskatu dio Espainiako Poliziari.

2024/03/24 - 09:22

Auzitegi Nazionalak Telegram blokeatuko du, Mediasetek, Atresmediak eta Movistarrek eskatuta

Santiago Pedrazek hartu du erabakia (oraindik ez dago indarrean), egile eskubideak dituzten ikus-entzunezko edukien erabilera okerrarekin lotutako salaketa bat jaso ostean.

2024/03/23 - 18:25

Energia berriztagarrien ereduak Arabako landaguneetan eragiten duen ''talka'' salatu dute Gasteizen

Hainbat elkartek Gasteizen egindako protestan eta manifestu baten bidez salatu dute landaguneetan bizi direnei energia berriztagarrien eredu berriak eragiten dizkien arazoak.

2024/03/22 - 11:54

Epaitegi batek ikerketapean jarri du Ayusoren bikotekidea, iruzurra egin duelakoan

Madrilgo 19. instrukzio epaitegiak tramitera onartu du Fiskaltzaren salaketa, eta deklaratzera deitu ditu Alberto Gonzalez Amador eta beste hainbat pertsona Ogasunari 350.000 euroko iruzurra egitea egotzita.

2024/03/20 - 15:24

Genero indarkeriagatik aurkeztutako salaketek gora egin zuten iaz, nabarmen: % 28 Nafarroan eta % 6,8, EAEn

2023an bildutako datuak kaleratu ditu gaur Genero Indarkeriaren aurkako Behatokiak. Biktimen tasa 88,8an kokatu zen Nafarroan, eta 56,8an EAEn, betiere 10.000 emakumeko. Espainiako Estatuan 79,4an dago tasa.

2024/03/20 - 14:02

Gero eta iruzur gehiago oporren erreserba egiterakoan: iaz bakarrik 334 salaketa jaso zituen Ertzaintzak

Ertzaintzak ohartarazi duenez, gero eta iruzur gehiago atzematen dira oporretako bizitokien erreserbak egiterakoan. Iruzur gehienak, erreserba egiten ari garela, web orritik kanpoko esteka bat erabiliz edo webgune faltsu baten bidez gertatzen dira.

2024/03/20 - 13:56

Adituek oporrak orrialde ofizialetan erreserbatzea eta ''pagotxez'' ez fidatzea gomendatzen dute

Iker Legardonek (Ertzaintza) eta Kepa Loizagak (OCU) gomendatzen dute ez fidatzea gure erreserba egiteko datu gehiago eskatuz jasotzen ditugun mezuekin. Gainera, ahalik eta informazio gehien gordetzea gomendatzen dute, iruzur eginez gero erabili ahal izateko.

2024/03/19 - 14:14

Apirilaren 10ean zabalduko dute Nafarroako Sexu Indarkeriei Arreta Integrala emateko Zentroa

Iruñeko Arrosadia auzoan egongo da zentroa, eta bertan indarkeria matxistaren biktima izan diren emakumeei arreta, aholkularitza eta laguntza emango zaie urte osoan, 24 orduz. Iaz, 2.091 salaketa aurkeztu ziren Foru Erkidegoan, aurreko urtean baino % 8,4 gehiago.

2024/03/18 - 17:35

Iberdrolak Repsol salatu du publizitate kanpainetan 'greenwashing' egitea leporatuta

Argindar konpainiak gogorarazi du Repsol bitan zigortu dutela arrazoi horrexegatik Erresuma Batuan. Repsolek erantzun du Iberdrola urduri dagoela bezeroak galdu dituelako.

2024/03/16 - 17:47

Hamar emakumek salatu dute Tolosaldeko osteopata sexu erasoengatik

Urtarrilaren 22an atxilotu zuten ustezko erasotzailea, Tolosaldeko osteopatia zentro batean sexu erasoa jasan zuten hainbat emakumeren salaketak jaso ostean.

2024/03/14 - 18:34

EHUko komunitateak gutxiengo taldeek gidatutako "elkarbizitza baketsuaren aurkako erasoak" salatu ditu

1.400 lagunek baino gehiagok sinatutako manifestuan, tartean errektoretza, dekanotza, irakasleak eta ikasleak, "unibertsitatean indarrean dauden bizikidetza-arauak" onartzen ez dituztenen "erasoak, irainak, mehatxuak, pintura-jaurtiketak eta ondare publikoa hondatzea" gaitzetsi dituzte.

2024/03/14 - 08:00

PPk Sanchezen aurkako salaketa aurkeztuko du gaur, Air Europaren erreskatean interes gatazka egon zelakoan

Alderdi Popularreko iturrien arabera, Espainiako Gobernuko presidenteak Air Europaren "aldeko erabakiak" hartu ziren Ministro Kontseiluetan parte hartu zuen, nahiz eta "Begoña Gomez emaztearekin lotura ekonomiko eta profesionalak zituen konpainia izan".

2024/03/09 - 17:00

Realaren partidaren istiluekin lotutako salaketa gehiago jaso ostean, frogak biltzen dabil Ertzaintza

Asteartean, jasandako zauriengatik salaketa jarri zuen emakume batek, eta ostegunean, beste batek. Ertzaintzak berak baieztatu du salaketa gehiago ere badirela —tartean zenbait agentek jarritakoak—, eta, horiek tarteko, frogak, irudiak eta lekukoen testigantzak biltzen ari direla.

2024/03/08 - 19:17

Hamabi atxilotu, horietako bat 14 urteko adingabe donostiar bat, material pedofiloa birbidaltzea egotzita

Atxilotutako adingabe donostiarra zaintzapeko askatasunean utzi dute dagoeneko, sare sozialetan sartzeko debekuarekin. Operazioa azaroan abiatu zuten, guraso batzuek salaketa jarri ondoren, Aldapeta Maria ikastetxeak (Donostiako zentro handiena) zirkular bat zabaldu ostean.

2024/03/07 - 19:33

Bigarren emakume batek salatu du bizkarrean kolpea jaso zuela Real-PSG partidaren atarian

Bigarren emakume hau ere Reale Arenatik gertu zegoen partida hasi baino lehen, eta Donostiako Udaltzaingoaren aurrean aurkeztu du salaketa. Pertsona horrek ere ez zuen istiluetan parte hartu.

2024/02/28 - 20:06

Zortzigarren biktima batek Tolosako osteopata salatu du

Aurretik, beste zazpi emakumek salatu zuten jada kontsultako arduraduna, ukituengatik eta sexu-askatasunaren aurkako jarrerengatik.

2024/02/21 - 14:46

Tolosan zauritutako hirugarren pertsonak ''botilakada bat'' jaso zuela deklaratu zuen, Erkorekaren esanetan

Hirugarren salaketa bati buruz galdetu diotenean, sailburuak esan du pertsona hori anbulantzia batek artatu zuela eta kristalezko botila batek jo zuela adierazi zuela.