EHUko komunitateak gutxiengo taldeek gidatutako "elkarbizitza baketsuaren aurkako erasoak" salatu ditu
EHUko errektoretzak, dekanotzak, irakasleek eta ikasleek manifestu bat bultzatu eta sinatu dute, talde minoritarioek gidatuta izan diren "bizikidetza baketsuaren aurkako erasoak" salatzeko. Azken hilabeteotan "pertsonen kontrako eraso fisikoak eta hitzezkoak, irainak eta mehatxuak, tresneriaren eta instalazioen suntsiketa" izan direla-eta. Dokumentuaren arabera, "gehiegikeria horien arrazoia da ez dituztela onartzen euskal unibertsitate publikoan indarrean dauden bizikidetza-arauak".
EHUren webgunean zintzilikatuta dagoen testua 1.400 pertsonak baino gehiagok sinatu dute dagoeneko. Testuaren izenburua "Unibertsitate publikoaren eta bertoko ikasle eta langileon alde" da, eta azken hilabeteetan "bizikidetza baketsuaren aurka behin eta berriz egin diren erasoak" kritikatzen ditu, hala nola Arabako Campuseko Errektoreordetzan, Letren Fakultatean, Informatika Fakultatean, Hezkuntza, Filosofia eta Antropologia Fakultatean, Zientzia eta Teknologia Fakultatean eta Gipuzkoako Campuseko Errektoreordetzan gertatutako "adibide tristeak".
Manifestuak azpimarratzen duen bezala, "dirudienez, okerkeria hauek egin dituztenek ez dituzte onartzen ez bere egiten unibertsitatea gobernatzen duten bizikidetza arauak" -Hizkuntza Kontseilua eta lehen Etika Kodea-. "Zalantza barik, neurriok kritikatu egin daitezke. baina, zalantza barik, kritika oro -adierazpen askatasunetik sortua baita- besteen adierazpen askatasuna errespetatuz egin behar da", eta baieztatu dutenez, "desadostasuna isilarazi nahi dute, eta, hortaz, eztabaida eta bizikidetza eragotzi".
Halaber, gogorarazi dutenez, "jokabide horietako batzuek ondarea suntsitzea dakarte, eta kalte horiek diru publikoz konpondu behar dira, geure zergetatik datorren eta agorrezina ez den diruaz, horren ondorioz beste helburu batzuetarako erabili ezin izango den diruaz".
"Hitz batean -azpimarratu dute-, halako portaerek kalte egiten diete pertsonen eskubideei, ondasun publikoei eta gure unibertsitate publikoaren izen onari".
Erasoak "guztiz onartezin" jo dituzte, eta nabarmendu adierazpen honekin argi utzi nahi dutela ez direla erasoen aurrean isilduko. "Nahi dugu unibertsitateko langile eta ikasle guztiok berton eroso eta seguru sentitzea, nahi duguna askatasunez adierazi ahal izatea eta elkarrizketan askatasunez aritu ahal izatea, eta besteei gauza bera egiten uztea. Aldarrikatu nahi dugu unibertsitateko eremu publikoak askatasun eta gozamen eremuak izan behar direla, beldurrik gabeko eremuak, guztion eremuak", dio testuak.
Portaera horiek "unibertsitatearen izaeraren kontrakoak" direla eta "erabat gaitzesten" dituztela azpimarratzen du "aringarririk gabe". Gaineratzen dutenez "deitoratzen dugu, eta geure egiten, haien biktima izan diren pertsonen mina. Haiei adierazten diegun elkartasuna, aldi berean, indarkeria ororen arbuio irmoa ere bada, indarkeria hori fisikoa, psikologikoa nahiz hitzezkoa izan".
Azkenik, azpimarratu dutenez, adierazpena sinatzen duten pertsonek beti defendatuko dituzte "unibertsitate publikoaren, haren balioen eta, jakina, bertan lan egiten eta ikasten duten pertsona guztiak".
Zure interesekoa izan daiteke
43 urteko bizkaitar bat itota hil da Castro Urdialeseko Oriñon hondartzan
Abisua 17:45 aldera jaso zuten. Erreskatatzaileek uretan flotatzen topatu zuten biktima, eta larrialdietako taldeek ahaleginak egin zituzten arren, ezin izan zuten salbatu.
3.000 pertsona inguru bildu ditu Osasun Bidasoak Irunen, kalitatezko osasun-zerbitzu publikoak eskatzeko
Bidasoako bizilagunek osasun publikoan premiazko hobekuntzak egin beharra daudela ohartarazi dute berriz ere larunbat honetan Irunen. Izan ere, Bidasoa Ospitalean eta eskualdeko lehen mailako arretako zentroetan kolapsoa izateko arriskua dagoela salatu dute. Deitzaileek gogora ekarri dutenez, duela urtebete 12.000 pertsona bildu ziren, pediatriako larrialdiak eta haur eta gazteen psikiatria zerbitzuaren itxiera salatzeko, eta egoerak ez duela hobera egin adierazi dute.
Dena prest Amurrion, Araba Euskaraz jaia ospatzeko
Goizeko 10:00etan hasita, egun osoko egitarau oparoa antolatu dute Arabako Ikastolen jaiaren baitan. "Taupadak berpiztu" da aurtengo leloa eta "hizkuntza eskubideak exijitzeko aldarrikapen espazio bat" izatea nahi dute antolatzaileek.
33 pertsona artatu behar izan dituzte EAEn beroagatik
EAE eta Nafarroako Erribera abisu horian egon dira beroagatik 13:00etatik 20:00etara. Igandean ere abisu horia errepikatuko da ordu tarte horretan. Gueñesen eta Laudion erregristratu dira eguneko maximoak: 38,5 eta 38 gradu, hurrenez hurren.
Milaka lagun joan dira Urkiolara, San Antonio eguneko azokaz eta erromeriaz gozatzera
Urtero hutsik egiten ez dutenak ere ez dira gutxi, tradizioari jarraituz. Aurten lehen aldiz, lehiaketa antolatu dute, bisitariek zaldi ederrena aukera dezaten. Azoka, bertsolariak eta umeentzako jarduerak ere ez dira falta izan.
Euskarak bizi duen "larrialdiaren" aurrean "biziberritze ziklo berri bat" beharrezkoa dela aldarrikatu du Kontseiluak Iruñean
Manifestazioa hiru zutabetan zatitu dute, eta Askatasun Plazatik atera den zutabean hainbat ordezkari politikok hartu dute parte: Ana Ollo Euskara kontseilariak, Unai Hualde Nafarroako Parlamentuko presidenteak eta EH Bilduko eta Geroa Baiko parlamentariek, besteak beste.
Euskararen aldeko aldarria goizean goizetik Iruñean, Euskaltzaleon Martxaren aurretik
Euskararen aldeko mobilizazio handia egingo da gaur Iruñean Euskalgintzaren Kontseiluak deituta. 17:00etan hiru zutabe abiatuko dira hiriko hiru puntutatik, eta bakoitzak mezu bat eramango du: euskararen ofizialtasun osoa eskatu, hizkuntza politiketan jauzia emateko premia aldarrikatu, eta euskaltzaletasuna azpimarratzeko. Aurrez, hainbat ekintza daude martxan goizetik Nafarroako hiriburuan.
Palestinarekin Elkartasuna taldeko aktibistak identifikatu dituzte, CAFen Beasaingo lantegirako sarbidea oztopatzeagatik
Protesta modu baketsuan egin dute CAFen fabrikara sartzeko zubian. 30 bat gaztek eserialdia egin dute, eta ibilgailuei bidea moztu diete. Ondorioz, identifikatu egin dituzte, baina ez dute inor atxilotu.
1.500 dronek Bilboko zerua argiztatu dute, Iberdrolaren 125. urteurrena ospatzeko
Jende askok gozatu du Iberdrolaren urteurren berezirako berariaz diseinatu duten eta musika eta efektu bisualak izan dituen ikuskizunaz. Guztira 1.500 dronek argiztatu dute Bilboko zerua.
EHUren festa erraldoia
Ikasketak amaitzen dituzten 4.000 ikasle inguru elkartu dira EHUko graduazio ekitaldi handian. Nøgen, Janus Lester, Maialen Lujanbio eta Amets Arzallus aritu dira oholtza gainean. EHUk txapela eman die graduatuei, birretak eman beharrean.