Txertoak

2022/02/15 - 10:04

50 urtetik gorakoek derrigor jarri beharko dute txertoa Italian gaurtik aurrera

Horrez gain, behargin guztiek, sektore publikoan nahiz pribatuan, covid ziurtagiria aurkeztu beharko dute lanera joan ahal izateko.

2022/02/15 - 09:37

Kanadak larrialdi egoera ezarri du txertoen kontrakoen protestei erantzuteko

Justin Trudeau Kanadako lehen ministroak azaldu duenez, neurri hau "denboran mugatua" izango da, erabilera "arduratsua eta neurrizkoa" izango da eta Armadara ez dela joko ziurtatu du.

2022/02/15 - 01:35

Murrizketa guztiak bertan behera geratu dira Nafarroan

Covid-19ari aurre egiteko murrizketa guztiak gauerdian indargabetu dituzte. Neurri murriztaileak abenduaren 19an ezarri zituzten, besteak beste, ostalaritza 01:00etatik 06:00etara ixteko agindua eta zutik kontsumitzeko debekua.

2022/02/14 - 13:27

Gora egin du covid-19ak Euskadin eragindako heriotzen kopuruak: 108 hildako, aurreko astean baino 34 gehiago

Hala ere, koronabirusak EAEn duen eraginaren gainerako adierazleek behera egin dute. 700 kutsatze berri baino gutxiago atzeman dituzte, eta ospitaleratutakoen kopurua eta intzidentzia metatua jaitsi egin dira.

2022/02/14 - 09:41

Sagardui: "Susperraldi baten aurrean gaude, itxaropenez begiratzen diot etorkizunari"

Dena dela, zuhurtzia mantentzeko deia egin du Osasun sailburuak eta inauteriak bezalako ekitaldiak egoerara "egokitzeko" gomendatu du. Hilaren 28rako deituta dagoen grebari buruz, "lanerako garaia" dela azpimarratu du.

2022/02/14 - 08:37

Osasun larrialdia amaitu da Euskadin

Ostalaritzak ez du 01:00etan itxi beharko eta ez da edukiera mugarik izango, ezta ekitaldi kulturaletan eta sozialetan ere. Dena dela, Eusko Jaurlaritzak zuhurtzia eskatu du birusaren transmisioa altua den udalerrietan, seguruak ez diren ekitaldiak bertan behera uzteko eskatuz.

2022/02/12 - 19:21

14 pertsona atxilotu dituzte Parisen, murrizketen aurkako protestetan

3.000 ibilgailu inguru saiatu dira azken orduetan Frantziako hiriburuan sartzen, koronabirusagatik ezarritako neurrien aurka. Kanadako kamioilariek berriki eragindako Ottawako blokeoa hartu dute eredu.

2022/02/11 - 22:11

Kanadakoen antzeko murrizketen aurkako blokeoak jasotzeko prestatu da Paris

Ehunka ibilgailu elkartuko dira Frantziako hiriburuan, pandemiagatik ezarritako murrizketen eta txertoen aurka. Kanadako kamioilariek eragindako Ottawako blokeoa hartu dute eredu.

2022/02/11 - 15:06

Txerto ziurtagiria eskatzen duten barnealdeetan ez da musukorik beharko Ipar Euskal Herrian

Garraio publikoa izango da salbuespen bakarra. Gainera, positibo baten kontaktu estuek egin beharreko probak batera murriztea (hiru ziren orain arte) ebatzi du Osasun Ministerioak. Otsailaren 28an sartuko dira indarrean neurriok.

2022/02/11 - 13:35

Kanadako Gobernua murrizketen aurkako "legez kontrako blokeoei" aurre egiten saiatzen ari da

Trudeauk krisi kabinetea deitu du Askatasunaren Konboiak antolatutako protesten eragina gutxitzeko, "merkataritza, lana, ekonomia eta gure komunitateak arriskuan jartzen dituelako".

2022/02/11 - 09:20

Miren Basaras: "Orain lehentasuna zaurgarriak eta ospitaleak dira"

EHUko mikrobiologoak aitortu du bazela "neurriak arintzeko garaia" baina ohartarazi du "intzidentzia altuko gune batean" gaudela, eta horrek "aldaera berriak sortzea" ekar lezakeela.

2022/02/10 - 22:17

Larunbatean argituko dute zineman eta beste ikuskizun batzuetan jatea eta edatea posible izango den ala ez

Gotzone Sagardui Osasun sailburuak azaldu duenez, murrizketak bertan behera uzteko dekretua larunbatean argitaratuko dute eta dokumentu horretan emango dituzte xehetasun guztiak.

2022/02/10 - 20:02

Osasun larrialdiaren amaiera: Euskadik murrizketa guztiak kenduko ditu astelehenetik aurrera

Honenbestez, kirol ekitaldien aforoek eta musukoa barruan erabiltzeko derrigortasunak bakarrik jarraituko dute indarrean, Lurralde arteko Osasun Kontseiluaren eskumena baitira.

2022/02/10 - 18:15

Adin txikikoen txertaketa erritmoak behera egin du azken asteetan, Euskadin

Haurren txertaketa erritmoan geldialdia islatu dute azken asteetako datuek; izan ere, orain hamarrenetako aldea dago txosten batetik bestera, duela zenbait aste portzentajea puntuka igotzen zenean.

2022/02/10 - 13:28

Hobetu egin da Euskadin pandemiaren bilakaera, covid-19aren adierazle guztiek behera egin baitute

14 eguneko intzidentzia metatuak 2.000tik behera egin du, eta ospitaleetako egoera jaitsi egin da: 375 pertsona daude gela arruntetan, eta 81 zainketa intentsiboetako unitateetan.

2022/02/10 - 09:42

Txertoen derrigortasunaren aurkako 120 manifestari atxilotu dituzte Zeelanda Berrian

Poliziak piperbeltz gasa erabili du manifestariak kontrolatzeko, eta bi agente eta hainbat manifestari zauritu dira istiluetan, baina horietako bat ere ez dago larri.

2022/02/09 - 22:14

5 eta 11 urte bitarteko haurrak hasi dira txertoaren bigarren dosia hartzen

5 eta 11 urte bitarteko umeak covidaren kontrako txertoaren bigarren dosia hartzen hasi dira gaur. lehen dosia jaso eta 8 astera, hain zuzen ere. Donostian, Atano hirugarrenean 420 txerto inguru jarri dituzte.

2022/02/09 - 10:01

Lehendakariak neurrien berri emango du bihar, LABIren ostean

Iñigo Urkullu lehendakariak 20:00ak aldera azalduko ditu berak zuzentzen duen LABI instituzionalaren bileran hartutako erabakiak.

2022/02/08 - 20:09

LABI ostegunean bilduko da murrizketei buruz erabakiak hartzeko

Iñigo Urkullu lehendakariak zuzentzen duen LABI instituzionala ostegunean, 18:30ean, batzartuko da.

2022/02/08 - 14:24

LABI teknikoa bihar bilduko da eta datuak "xehe" aztertu ostean neurriak proposatuko ditu

Jaurlaritzaren bozeramaileak argitu duenez, pandemiaren bilakerak "hoberantz egiten jarraitzen du" eta duela 15 egun baino egoera "argi eta positiboa" dauka Euskadik.