Osasun larrialdiaren amaiera: Euskadik murrizketa guztiak kenduko ditu astelehenetik aurrera
Iñigo Urkullu lehendakariak zuzentzen duen LABI instituzionalak covid-19ari aurre egiteko neurri murriztaile guztiak kentzea eta larrialdi egoera indargabetzea erabaki du datorren astelehenetik aurrera, EiTB Mediak jakin ahal izan duenez.
Honenbestez, kirol ekitaldien aforoek eta musukoa barruan erabiltzeko derrigortasunak bakarrik jarraituko dute indarrean, Lurralde arteko Osasun Kontseiluaren eskumena baitira.
Horrela, Euskadik osasun larrialdi egoeran egoteari utziko dio, eta bizitza normalizatuago bat berreskuratuko du, orain arteko neurri murriztaileak atzean utziz. Besteak beste, kultura, gizarte eta merkataritza jardueren itxiera 01:00etan, % 60 aforo orokorra, barran kontsumitzeko debekua eta hamar pertsona arteko taldeen muga bertan behera geratuko dira.
Bestalde, ostegun honetan ere jakinarazi dutenez, musukoa ez da derrigorrezkoa EAEko ikastetxeetako jolastokietan.
Covid pandemiaren bilakaera onarekin justifikatu du Iñigo Urkullu lehendakariak erabakia. "Parametro guztiak behera" egiten ari direla erantsi du lehendakariak agerraldian. Omikron aldaera Europa osoan "atzera egiten" ari dela esan du buruzagiak.
Bestalde, txertorik jaso ez duten pertsonen artean ospitaleratzeko arriskua laukoizten dela gogorarazi die Urkulluk herritarrei. "Ospitalean bukatzeko lau aldiz arrisku handiago dute txertorik jaso ez dutenek", errepikatu du lehendakariak.
R0 0,68an kokatu dela azaldu du lehendakariak, "2021 osoan izan ez den" datua, "ezta konfinamenduaz geroztik 2020 osoan ere".
Urkulluren hitzetan, gaurko egoera eta urrikoa "ez dira alderagarriak", orduan delta aldaera zen nagusi, eta omikronekin "ez du zerikusirik".
Positiboen kopurua, ospitaleetako presioa eta ZIU oheen okupazioa behera egiten ari dela gaineratu du Urkulluk. Gainera, adierazle guztien arabera, "datozen asteetan hori izango da joera", azpimarratu du.
Omikron aldaeraren jokabidea hobeto ezagutzen dutela ziurtatu du buruzagiak, proportzioan ospitaleratze eta kasu larri gutxiago eragiten dituelako. Urrian ez bezalako txertaketa portzentaje bat dagoela gogorarazi du lehendakariak, baita "immunitate natural handiagoa" ere.
"Ezin dugu etengabe osasun larrialdian egon, eta murrizketak arintzeko osasun baldintzak ematen direnean, gure betebeharra egitea da, eta une honetan ematen dira", azaldu du.
Zinemetan edo kirol instalazioetan edari eta janari kontsumoa arautzeko ostiral honetan agindu bat jakitera emango du Osasun Sailak, baina larunbatera arte ez da EAEko Aldizkari Ofizialean argitaratuko.
Nahiz eta pandemiaren bilakaera ona izan, lehendakariak gizarteari auto babeserako neurriak modu "arduratsuan" betetzeko eskatu dio. Era berean, azken bi urteetako esfortzua aitortu dio.
"Pandemian jarraitzen dugu, eta gutako bakoitzak betetzen jarraitu beharreko neurriak badakizkigu", errepikatu du.
Azkenik, Gotzone Sagardui Osasun sailburuak adierazi duenez, Osakidetzak "pixkanaka" ohiko zerbitzuak berreskuratuko ditu, pandemiaren bilakaerak hobera egiten duen heinean.
Zure interesekoa izan daiteke
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun ahal izan dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Gizon bat atxilotu dute Irungo prostituzio-etxe batean ustez sexu-erasoa egiteagatik
Erasotzaileak, 12.000 euro eskudirutan zeramatzanak, biktima atxiki eta laguntza ematera joan zitzaion beste emakume bat jo zuen.
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizasemeak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitua izatea"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren jardunaldian zortzi atxilotutu egon direla eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, 'igogailuen alkatea' bezala oroitua izatea gustatuko litzaiokeela, horrek herritarren bizi-kalitatea hobetzen lagundu izanaren aitorpena baita.
Zortzi atxilotu eta 55 kilo janari konfiskatu dituzte Bilboko Aste Nagusiko hirugarren egunean
Jai-esparruaren barruan, lau pertsona atxilotu dituzte ebasketagatik, bi iruzurragatik eta zazpigarren bat erresistentziagatik. Jai-eremutik kanpo pertsona bat atxilotu dute, epailearen aginduz.
Ekaitz bortitz batek ia 90 litro utzi ditu metro koadroko hiru orduan Tarragonan
Suhiltzaileek 491 intzidentzia artatu dituzte denboraleagatik Katalunian, eta gorabehera handienak Tarragonan izan dira (434 jarduketa). Azken datuen arabera, 30 zauritu izan dira, eta horietatik lau erietxera eraman dituzte.