Txertoak
2022/01/24 - 14:45
94 pertsona hil dira Euskadin azken astean covid-19ak jota
3.223 positibo berri atzeman dituzte azken egunean, eta 14 eguneko intzidentzia metatua atzo 4289,56 kasukoa zen.
2022/01/24 - 11:00
Osasun Sailaren arabera, osasun profilen falta Lehen Arreta baldintzatzen ari da
Susana Martin Lehen Arreta Koordinatzeko zuzendariordeak nabarmendu duenez, arazoa dago familia medikuak eta pediatrak kontratatzeko, eta gaineratu du Osakidetzan ez dela inoiz horrenbeste jende egon kontratatuta.
2022/01/24 - 07:12
Txertatze ziurtagiria derrigorrezkoa da jada Iparraldean leku gehienetan sartzeko
Kontseilu Konstituzionalaren oniritziaren ostean, astelehen honetan sartu da legea indarrean. Garraio eta espazio publiko gehienetan erakutsi beharko da agiria.
2022/01/23 - 17:39
EBk proposatu du bidaiariei ezartzen zaizkien neurriak egoera pertsonalean oinarritzea, ez jatorrian
Hori horrela, covid-19aren ziurtagiria soilik eskatu beharko litzateke EBko estatuen artean mugitzeko, eta ez litzateke aparteko neurririk hartuko jatorrizko herrialdeko pandemiaren egoeraren arabera.
2022/01/23 - 15:24
Txerto pasea eskatuko dute Ipar Euskal Herrian astelehen honetatik aurrera
Hirugarren dosia jaso beharko da ziurtagiria eskuratzeko. Neurriak eragiten dien esparruetan ez dute uste aldaketa handirik ekarriko duenik. Hegoaldeko herritarrei ere eragingo die neurriak.
2022/01/22 - 19:59
Covid-19 ziurtagiria "apartheid"a dela salatzeko manifestazioa egin dute Bilbon
Bizitza Plataformak deituta, 15.000 pertsonak protesta egin dute Autonomia kalean, txertoaren erabilera eta covid-19aren aurkako neurriak kritikatzeko.
2022/01/22 - 19:56
Txertoaren errefortzu dosiek % 80 gutxitzen dute omikronekin gaixotasun larria garatzeko aukera
Osasunaren Mundu Erakundeak txosten eguneratua argitaratu du omikron aldaerari buruz. Jada 171 herrialdetan atzemandako aldaerak kasu uholdea ekarri du eta OMEk uste du oraindik ere "oso altua" dela pandemia arriskua.
2022/01/21 - 21:53
Paxlovid, covidaren kontrako Pfizerren antibirala datozen egunetan iritsiko da
Covid larria izateko arriskua duten pazienteentzat dago zuzenduta Paxlovid botika. Positiboa atzeman eta lehenbailehen hartu behar da pilula, bost egunez.
2022/01/21 - 17:57
Frantziako Konstituzionalak babestu egin du txertatze ziurtagiria, eta indarrean sartuko da astelehenean
Hilaren 24tik, txertatu gabekoak ezin izango dira sartu espazio publiko eta pribatu gehienetan, ekitaldi politikoetan salbu.
2022/01/21 - 12:50
Jaurlaritzak ez du baztertzen egungo murrizketak hilaren 28tik aurrera ere luzatzea
EAEn ezarrita dauden neurri murriztaileak berrikusteko astebete falta denean, Bingen Zupiria Jaurlaritzako eledunak zehaztu du oraingoz ez dagoela LABI instituzionalaren bilerarik deituta datorren asterako.
2022/01/20 - 13:26
Ospitaleetako presioa pixka bat jaitsi da EAEn, baina 122 pertsona daude ZIUetan eta 718 gela arruntetan
Intzidentzia metatua mila puntu baino gehiago jaitsi da azken hiru egunetan, baina oso altua izaten jarraitzen du: 100.000 biztanleko 14 eguneko 5.222 kasu. Positibo berriei dagokienez, proba diagnostiko gehiago egin eta kasu gehiago zenbatu dituzte.
2022/01/19 - 22:15
Autotest positiboak jakinarazi behar dituztela gogorarazi die Dariasek erkidegoei
Euskal Autonomia Erkidegoak, adibidez, ez ditu farmazietan erosten diren proba diagnostikoen positiboak jakinarazten.
2022/01/19 - 20:05
18 urtetik gorako guztiei errefortzu dosirako hitzordua ematen hasi da Osakidetza
EAEko adin nagusi guztiek dagoeneko eskatu dezakete txertoaren errefortzu dosia jasotzeko zita.
2022/01/19 - 11:10
EMAk uste du "arrazoizkoa" dela laugarren dosia jartzea immunoeskasia dutenei, ez, ordea, biztanleria osoari
Agentziaren arabera, dosi gehigarriak urtaro hotzena heltzean jarri beharko lirateke, gripearen kontrako txertoarekin egiten den bezala, "antigorputzen erantzuna handituko lukeelako gehien behar dugunean".
2022/01/19 - 09:41
Osasun Ministerioak eta erkidegoek laugarren dosia zein kasutan jarri eztabaidatuko dute gaur
Immunoeskasia dutenei covid-19aren aurkako txertoaren laugarren dosia jartzea zentzuzkoa dela ebatzi du Sendagaien Europako Agentziak.
2022/01/18 - 16:46
Zazpi egunez jarraian behera egin du intzidentziak EAEn, 5.933 kasura jaitsi arte
15.365 proba egin dituzte astelehenean, eta 5.502 positibo atzeman dituzte horien bidez. ZIUetan ospitaleratuta dauden gaixoen kopurua txikiagotu egin da: 131 gaixo daude. Gela arruntetan, berriz, 717 pertsona daude.
2022/01/18 - 13:26
Sagardui: "Egoera epidemiologikoan joera aldaketa bat ikusten hasi gara"
Osasun sailburuaren hitzetan, intzidentziak astebete darama jaisten eta erietxeetan ere "aldaketa" igarri dute. Dena dela, "zuhurtzia" eskatu du.
2022/01/18 - 10:51
Baliteke pandemia lautadara iritsi izana, Ugo Mayorren arabera
Osakidetzak protokoloa aldatu duenez gero, pandemiaren bilakaera zein den ikusteko ospitaleetako egoerari erreparatu behar zaiola uste du Ikerbasqueko ikerlari eta EHUko irakasleak. Halaber, Ugo Mayorren esanetan, baliteke hildakoen kopuruak gora egitea hurrengo asteetan.
2022/01/18 - 09:20
Kutsatuta nago, errefortzu dosia bai ala ez?
Osasun adituek txertoaren alde egin dute covid-19arekin kutsatuta dauden pertsonen kasuan ere. Txertatu aurretik, baina, gutxienez lau hilabete itxarotea aholkatzen dute.
2022/01/18 - 07:09
Gaurtik aurrera farmaziako autotest bat ez da nahikoa izango baja hartzeko Nafarroan
Pertsona interesdunak jarraibideak eta hitzordua jasoko ditu, prozesua Osasunbidean bigarren proba batekin bukatzeko.