Urakanak
2023/09/14 - 00:33
Zikloiak Libian eragindako txikizioa, zenbakitan: ia 7.000 hildako, 10.000 desagertu eta 30.000 desplazatu
Eurite bortitzen ondorioz, bi presa apurtu dira herrialdearen ipar-ekialdean, eta 33 milioi litro ur askatu dituzte Derna hirian barrena. Nazio Batuen Erakundeak 9,3 milioi euroko laguntza iragarri du.
2023/09/13 - 11:00
6.000 hildako eta 9.000 desagertu baino gehiago Libiako Derna hirian, Daniel zikloiaren eraginez
Erreskate taldeen lana zaila gertatzen ari da, hiria bi zatitan banatuta geratu baita, bi presa kolapsatu eta 33 milioi litro ur baino gehiago isuri ostean. Urak eraikinak, zubiak eta errepideak suntsitu ditu.
2023/09/01 - 14:16
Txina Saola tifoiaren talkarako prestatzen ari da
Agintariek alerta maximoa ezarri dute 200 km/h-tik gorako haizeekin gerturatzen ari den tifoiagatik. Gaur arratsaldea eta larunbat goiza bitartean espero da lurra jotzea, eta euri eta ekaitz handiak utziko ditu.
2023/08/31 - 10:42
Idalia urakanak utzitako kalteak zenbatzen hasi dira Floridan
Idaliak kalte handiak utzi ditu Florida ipar-mendebaldean. Azken 125 urteetako urakan indartsuenak uholde historikoak eragin ditu, errepideak itxi dituzte, eta 260.000 etxe eta eraikin energiarik gabe utzi ditu.
2023/08/30 - 23:43
Idalia urakanak bi hildako utzi ditu Floridan
Urakanak indarra galdu du lurra ukitu ondoren, baina elektrizitate etenak eta uholdeak ere sortu ditu.
2023/08/30 - 17:08
Idaliak urakanak lurra jo du Floridako ipar-mendebaldean
Idalia urakanaren lurra jo du asteazken honetan Floridako ipar-mendebaldeko kostaldean, Keaton Beachetik gertu, 125 milia orduko (205 km/h) haizeteekin, AEBko Urakanen Zentro Nazionalak jakitera eman duenez.
2023/08/30 - 11:32
Idalia 4. kategoriako urakan bat bezala iritsiko da gaur gauean Floridako kostaldera
Urakanen Zentro Nazionalak adierazi duenez, Idalia urakan "oso arriskutsua" bihurtuko da hegoaldeko estatuko kostaldean lurra ukitzean. Milaka pertsonek euren etxeak utzi eta leku seguruagoa bilatu behar izan dute.
2023/08/29 - 11:14
Idalia ekaitz tropikalak lurra jo du Kuba mendebaldean
Idalia iparralderantz doa, Floridara bidean, eta indarra, konfigurazioa eta abiadura irabazi ditu azken orduetan. Kubako Meteorologia Institutuak 118 kilometro orduko boladak erregistratu ditu eta urakan bihurtzea espero dute.
2023/05/03 - 16:00
'El Niño' fenomeno meteorologikoa espero da udarako
Fenomeno horrek tenperaturen hazkundea, lehorteak eta prezipitazioak dakartza mundu mailan. Oraingoz, ezin da jakin nolako intentsitatea eta iraupena izango duen.
2022/11/11 - 09:56
Uholdeak, itzalaldiak eta kalte materialak utzi ditu Floridan Nicole urakanak
Nicolek 1. kategoriako urakan gisa jo du lurra gaur goizaldean, Vero Beachetik hegoaldera (Floridako ekialdeko kostaldea). Gutxienez bi pertsona hil dira uholdeen ondorioz elektrokutatuta.
2022/10/11 - 11:18
Gutxienez 14 pertsona hil eta 8 desagertu daude Erdialdeko Amerikan, Julia urakanaren ondorioz
Erdialdeko Amerika alerta egoeran dago joan den ostegunetik. Herrialde asko ebakuazio prebentiboak egiten ari dira eta klaseak bertan behera geratu dira.
2022/10/03 - 16:55
Inguru asko urpean daude oraindik Floridan, eta egoerak okerrera egin dezake ibaiak hazita daudelako
Ian urakanak Floridan utzitako sarraskiaren ondorioak guztiz zehaztu ezinik jarraitzen dute, eta urteak beharko omen dituzte egoera berriro lehengora ekartzeko. Egunak dira urakanak estatua astindu zuenetik eta oraindik kostatik urrun ere, ura orkatilatik gora dago nonahi.
2022/10/01 - 17:26
Ian urakanak uholde eta kalte larriak utzi ditu Floridan
Florida kolpatu duen inoizko urakanik suntsitzaileena izan da: 23 hildako zenbatu dituzte orain arte, eta kalteak asko dira. Laster Virginiara iritsiko da.
2022/09/30 - 10:28
Ian urakanak hondamendi handia eragin du Floridan
Gutxienez 17 pertsona hil dira Ian urakanaren ondorioz Florida estatuan. Haize gogorren, euriteen eta itsasketa ziklonikoen konbinazioak etxeak urez bete ditu, bideak moztu ditu eta bi milioi pertsona baino gehiago argirik gabe utzi ditu.
2022/09/29 - 23:06
Floridan Ian urakanak eragindako uholdeak, itzalaldiak eta kalteak, airetik ikusita
Ian urakana indarra galduz doa. Laugarren mailatik batera jaitsi da Floridan, baina agintariek ohartarazi dute arriskutsua izaten jarraitzen duela. Erabat igaro arte ezingo dituzte kalteak zenbatu, baina Estatuko Gobernadoreak esan du ugariak direla.
2022/09/29 - 10:41
4 kategoriako Ian urakan indartsuak Floridako mendebaldeko kostaldea jo du
Ian urakan indartsua Floridako mendebaldeko kostaldera iritsi da, 240 km/h-ko haize-bolada handienekin. Oraindik uholdeak eta itsasbehera "katastrofikoak" espero dira Mexikoko Golkora begira dagoen kostaldean. Orain arte ez da eman biktimen inguruko informaziorik.
2022/09/28 - 22:48
Maider Aranguren, Miamin: 'Datozen 48 orduetan etxetik ez irteteko agindua eman digute'
Miamin, Ian urakanaren zain daude. Datozen 48 orduetan etxetik ez irteteko agindua eman dute, eta prest daude babesleku bereziak, egoera gaiztotzen bada ere.
2022/09/28 - 22:43
Ian uranakanak txikizioa eramango duelakoan, Etxe Zuriak emergentzia egoera deitu du Floridan
Urakana dela eta, Etxe Zuriak emergentzia egoera deitu du Floridan, arrisku handia aurreikusiz. Floridako gobernuak ebakuazioa agindu du 2.5 milioi lagunentzat.
2022/09/28 - 19:16
Gutxienez bi hildako utzi ditu Ian urakanak Kuban; uharte osoa argindarrik gabe utzi du
Hirugarren mailako indarrarekin jo zuen lurra Ian urakanak Kuba mendebaldean. Aurretik urakanak izan dituztela diote Kuba mendebaldean bizi direnek, baina ez horrelakorik.
2022/09/28 - 10:33
Kubak erabateko itzalaldia izan du Ian urakanaren ondorioz
Kubako linea elektrikoa erori egin da, eta herrialde osoa argindar zerbitzurik gabe geratu da. Unión Eléctrica enpresak onartu du "prozesu konplexua" dela, eta pixkanaka konpontzea espero du.