30.000 desplazatu laguntzaren zain daude Dernan, gaixotasunak zabaltzeko beldurra handitzen ari den bitartean
Daniel zikloiak Libian eragindako uholde historikoetan, 7.000 hildako, 10.000 desagertu eta 30.000 desplazatu baino gehiago zenbatu dituzte, baina hildakoak askoz ere gehiago izatea aurreikusten dute. Derna hirian, esaterako, hildakoak 20.000 izan daitezkeela adierazi du Abdulmenam Al Gaizi alkateak.
Libiako laugarren hiri handiena da Derna, 120.000 biztanle ingurukoa. 17 orduz etenik gabe euria egin ostean, inguruko bi presa hautsi eta 33 milioi metro kubiko ur kontrolik gabe isuri ziren.
Estatuko Buruzagitzak ikerketa abiatzeko eskatu dio Fiskal Nagusiari, aipaturiko urtegiak zergatik suntsitu ziren argitzeko. Iaz, bertako unibertsitateko ikerketa batek ohartarazi zuen premiaz behar zituela mantentze-lanak, baina agintariek ez zuten ezer egin.
Zikloia iritsi bezperan, Udalak urtegiaren ingurua jendez husteko eskatu zuen, baina Gobernuak etxeratze-agindua baino ez zuen ezarri hainbat udalerritan, Derna hiriko alkateak azaldu duenez.
Laguntza tantaka ari da iristen
Igandean hondamendia gertatu zenetik, ezin da lurretik Derna hirira iritsi, eta argindar eta komunikazio gabe gelditu dira. Hori dela eta, laguntza tantaka ari da iristen.
Garbiketa zerbitzuak 24 orduz ari dira lanean, etenik gabe, hondakinak kentzeko, ur geldoa ponpatzeko eta bideak irekitzeko.
Gaur-gaurkoz ia ez dago hondakinen artean inor bizirik aurkitzeko itxaropenik, eta, aldiz, gaixotasunak ugaritzeko beldurra handitzen ari da. Gaixotasunen Kontrolerako eta Prebentziorako Zentroak txertaketa-kanpaina abiatu du 20.000 adin txikikoren artean, hepatitis, kolera edota malaria gaitzen kontra babesteko.
Zure interesekoa izan daiteke
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.