Zumaia
2021/09/10 - 15:24
Bermeo eta Gernika aterata, bost udalerri baino ez dira geratzen eremu gorrian
Balmaseda, Lekeitio eta Zalla Bizkaian eta Elgoibar eta Lazkao Gipuzkoan dira gorrian dauden udalerriak. Ortuellak datuak hobetu eta berde jarri da.
2021/09/09 - 15:10
Laudio udalerri berde izatera igaro da
Gainera, Lasarte-Oria, Lezo eta Sopela eremu laranjatik atera dira; Mutriku eta Urnieta, ordea, sartu egin dira.
2021/09/08 - 15:34
Zazpi udalerri daude gorrian, hiru laranjan, eta horian gainerakoak
Gorrian jarraitzen dute Balmasedak, Bermeok, Gernika-Lumok, Lekeitiok eta Zallak Bizkaian, eta Elgoibarrek eta Lazkaok, Gipuzkoan. Sopela, Lasarte-Oria eta Lezo dira laranjan dauden bakarrak, eremu horretatik atera baitira Leioa, Aretxabaleta, Mutriku eta Deba.
2021/09/07 - 16:29
Deba eremu gorritik irtenda, soilik zazpi udalerrik jarraitzen dute zonalde astinduenean
Balmasedak, Bermeok, Gernika-Lumok, Lekeitiok eta Zallak Bizkaian, eta Elgoibarrek eta Lazkaok, Gipuzkoan.
2021/09/06 - 15:07
Sopela, Usurbil, Mutriku eta Lezo eremu gorritik atera dira; Elgoibar bertan sartu da
Gainera, EAEko 14 udalerrik eremu laranjatik horira igarotzea lortu dute; bik Araban, zazpik Bizkaian eta bostek Gipuzkoan.
2021/09/06 - 08:50
Santanderren aurkitu dute Zumaian desagertutako emakume frantziarra
Espainiako Poliziak Kantabriako hiriburuan aurkitu du, egoera onean, Ertzaintza asteartetik haren bila ibili ostean.
2021/09/05 - 14:07
Euskal kostaldean Donejakue bidea egiten ari zela desagertutako emakumea aurkitzeko lekukoak eskatu dituzte
Ertzaintzak jakinarazi duenez, Donejakue bidea iparraldeko bidetik egiten ari zela uste da. Hasiera batean, Zumaian desagertu zela esan bazen ere, antza, Gernika inguruan ikusi zuten azken aldiz, abuztuaren erdialdean.
2021/09/03 - 14:56
Orio, eremu berdera bueltatu den lehen udalerria
EAEko hiru lurraldeak hori margotuta jarraitzen dute.
2021/09/02 - 15:10
Araba eta Bizkaia ere eremu horira igaro dira
Hala, EAEko hiru lurraldeak hori margotuta ageri dira. Gainera, Berango, Getxo, Gorliz eta Leioa gorritik irten dira.
2021/09/02 - 11:56
Bertan behera utzi dituzte Zumaian desagertutako emakumea bilatzeko lanak, baina ikertzen jarraituko dute
Asteartean jarri zuten martxan hura bilatzeko operazioa, eta asteazken arratsaldean utzi diote bilatzeari, ez dakitelako emakumeak borondatez alde egin ote duen.
2021/09/01 - 15:22
Elgoibar eta Oiartzun eremu gorritik atera dira eta Lezo, sartu, egun bat laranjan egin ostean
Datuak hobetu dituzte Galdakaon, Muskizen, Andoainen eta Eibarren, eta laranjatik horira igaro dira; Zornotzan, berriz, okerrera egin dute eta laranja jarri da berriro.
2021/09/01 - 13:39
Zumaiako kostaldetik gertu kanpatuta zebilen desagertutako emakume baten bila ari dira
Bilaketa-operazioa astearte arratsaldean hasi zen. Zumaiako bizilagun batek Ertzaintzari jakinarazi zionez, hamar egun ziren Donejakue Bidea igarotzen den labar batetik gertu kanpatu zuen emakume bat ikusten ez zuela.
2021/08/31 - 15:55
Gipuzkoa eta Bilbo eremu horira igaro dira
Gipuzkoako eta Bizkaiko hainbat herritan ere egoerak hobera egin du. Hala, Gueñes, Ondarroa eta Lezo gune laranjara igaro dira, gorria atzean utzita.
2021/08/30 - 15:17
Araba eta Gasteiz eremu gorritik irten dira
Gainera, Santurtzi eta Sestao, Bizkaian, eta Aretxabaleta eta Irun, Gipuzkoan, gehien zigortutako eremutik laranjara igaro dira. Donostia, berriz, eremu horira igaro da.
2021/08/27 - 15:21
Amurrio, Derio eta Pasaia eremu gorritik atera dira
Elgoibarren soilik egin dute okerrera datuek eta horitik laranjara pasa da.
2021/08/26 - 15:44
Bizkaia eta Bilbo eremu gorritik irten dira
Gainera, Mungiak, Legazpik eta Urnietak ere eremu latzenetik ateratzea lortu dute.
2021/08/25 - 14:58
Eibar, Muskiz eta Zumaia eremu gorritik irten dira; Aretxabaleta bertan sartu da
Gainera, Balmaseda, Basauri, Markina-Xemein eta Zalla horiz margotuta ageri dira gaurtik aurrera, datuak hobetu ostean.
2021/08/24 - 13:51
Lau udalerri eremu gorritik laranjara igaro dira; beste hiru, aldiz, laranjatik gorrira
Abanto, Arrigorriaga, Markina-Xemein eta Azpeitia izan dira eremu gorritik laranjara igaro diren azken udalerriak. Gernika-Lumok, Mungiak eta Zumaiak, ordea, ez diote laranjari eutsi, eta eremu gorrian daude.
2021/08/23 - 15:07
Bizkaiko bost udalerri eta Gipuzkoako hiru eremu gorritik irten dira
Basauri, Erandio, Gernika-Lumo, Mungia, Portugalete, Ordizia, Villabona eta Zumaia gorritik laranjara igaro dira. Usurbilek, ordea, ez dio laranjari eutsi, eta eremu gorrira igaro da.
2021/08/20 - 15:16
Balmaseda, Barakaldo, Galdakao, Ortuella, Hondarribia eta Lasarte-Oria eremu gorritik irten dira
Errenteriak eta Trapagaranek ere hobera egin dute, eta eremu horian sartu dira; Oñati eta Usurbil, berriz, eremu laranjara igo dira.