Eibar, Muskiz eta Zumaia eremu gorritik irten dira; Aretxabaleta bertan sartu da
Covid-19aren intzidentzia arinduz doa egunez egun Euskadin, eta hori covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoan ere nabari da. Azken orduetan, Eibarrek, Muskizek eta Zumaiak eremu gorria atzean uztea lortu dute. Aretxabaletan, ordea, egoerak okerrera egin du eta gorri ageri da Gipuzkoako udalerria.
Atzo 643 positibo berri hauteman zituzten EAEn, bezperan baino 138 gehiago. Ospitaleko presioa, baina, arindu egin da zainketa intentsiboetako unitateetan (78 gaixo daude ZIUetan, astelehenean baino bat gutxiago) eta ohe arruntetan (238 gaixo, aurreko egunean baino sei gutxiago).
Arabak (475 kasu 100.000 biztanleko) eremu gorrian jarraitzen du, baita Gasteiz hiriburuak eta Amurriok ere.
Agurain eta Laudio horiak dira, eta ez dago udalerririk ez eremu laranjan, ezta berdean ere.
Bizkaia ere (415 kasu 100.000 biztanleko) eremu gorrian dago, Bilbo eta beste 14 herrirekin batera: Berango, Bermeo, Derio, Getxo, Gernika-Lumo, Gorliz, Güeñes, Leioa, Lekeitio, Mungia, Ondarroa, Santurtzi, Sestao eta Sopela.
Eremu laranjan, berriz, Abanto, Arrigorriaga, Barakaldo, Erandio, Etxebarri, Galdakao, Markina-Xemein, Portugalete eta Zornotza daude, eta Muskiz gehitu da azken orduetan zerrendara.
Horian, bestalde, Abadiño, Durango, Elorrio, Ermua, Ortuella eta Trapagaran daude oraindik. Gaurtik aurrera, gainera, Balmaseda, Basauri, Markina-Xemein eta Zalla gehitu zaizkie.
Ez dago herri bakar bat ere berdean.
Gipuzkoa (346 kasu 100.000 biztanleko) eremu gorritik kanpo dago, baita Donostia hiriburua ere. Dena dela, oraindik 11 udalerrik jarraitzen dute zerrenda gorrian. Hauek dira: Deba, Irun, Lazkao, Legazpi, Mutriku, Oiartzun, Pasaia, Urnieta, Usurbil eta Zumaia, baita Aretxabaletak ere, azken orduetan datuek okerrera egin ostean.
Laranjaz margotuta ageri dira Andoain, Azpeitia, Donostia, Hernani, Hondarribia, Lasarte-Oria, Ordizia, Villabona eta Zarautz. Eibar eta Zumaiak gorritik irtetea lortu dute eta zerrendara gehitu dira. Lezo ere hemen ageri da, baina kasu honetan datuek okerrera egin dutelako eta horitik laranjara igaro delako.
Arrasate, Astigarraga, Azkoitia, Beasain, Bergara, Elgoibar, Errenteria, Hernani, Oñati, Orio, Tolosa, Urretxu eta Zumarraga horian jarraitzen dute.
Ez dago udalerririk eremu berdean.
Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.
Zure interesekoa izan daiteke
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.