Europako Batzordeak 'legez kanpoko'tzat jo du YPFren nazionalizazioa
Europako Batzordeak 'legez kanpoko'tzat jo du Argentinako Gobernuak YPF nazionalizatu izana, eta erantzuna emateko "aukera guztiak" aztertzen ari direla aurreratu du.
Lehen pauso moduan, eta Espainiak hala eskatuta, Europako Batzordeak bertan behera utzi du Europar Batasuna eta Argentinaren elkarlanerako foroa, 1990eko Hitzarmen Ekonomikoaren baitan sortu zena.
"Desjabetzea legez kanpokoa dela ulertzen dugu, konpentsazio egokirik, justurik eta azkarrik eman ez den heinean", esan du Pia Ahrenkilde batzordeko bozeramaileak. Datozen orduetan Karel de Gucht Komertzio komisarioak gutuna igorriko dio Argentinan duen homologoari, "Europar Batasunak duen kezka azaltzeko".
"Bitartean, eta Jose Manuel Durao Barrosek eskatuta, datozen egunetan hartu beharreko erabakiak zeintzuk izan behar diren aztertzen ari gara, Espainiako agintariekin elkarlanean", ohartarazi du.
Aukera horiek zeintzuk diren ez du argitu, baina gogora ekarri du Lisboako Hitzarmenak Europar Batasunaren esku uzten duela atzerriko inbertsioak babestea.
Bere eginkizunak betetzeko eskatu dio Barrosok Argentinari
Bestalde, Jose Manuel Durao Barroso Europako Batzordeko presidenteak esan du Argentinako Gobernuak YPF desjabetzeko hartu duen erabakiak "desengainua" eragin diola, herrialde horrek nazioarteko konpromisoak eta Espainiarekin zituen obligazioak bete ez dituelako.
"Gure kezkak helarazi genizkion Argentinako Gobernuari. Konponbidea bi aldeen arteko akordioaren bidez lortzearen alde egin genuen, negozioetarako giroak eraginik izan ez zezan eta horregatik hartu dut desengainua atzoko iragarpenarekin", azaldu du Barrosok.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.