Argentinak ez ditu ordainduko Repsolek eskatutako 8.000 milioi euroak
YPFren desjabetzagatik Repsolek eskatutako 10.000 milioi dolarrak (8.000 milioi euroak) ordainduko ez dituela iragarri du Argentinako Gobernuak, eta YPFren balioa berraztertuko duela esan du. Enpresaren ''ezkutuko informazioa'' jakin bezain laster, ''ausartegi'' jokatu duen zuzendaritzak emandako datuak berrikusiko dituztela azaldu du Axel Kicillof Argentinako Ekonomia ministrorde eta YPFren kontu-hartzaileak.
"Brufau jaunaren hitzetan YPFk 10.000 milioi dolarreko balioa du. Ikus dezagun zenbat balio duen'', esan du Kicillofek. ''Agintarien esku ez zegoen informazio asko dago. Joan den urtean inbertsio marka guztiak hautsi zituztela esan zuen Brufauk (...), baina 9.000 milioi dolar inguruko zorra dago'', azaldu du ministrordeak.
Ingurumen kalteengatik, ordainketa
Halaber, ingurumenean egindako kalteengatik YPFk ordaindu egin beharko duela esan du Julio de Vido Antolakuntza ministroak. ''Ingurumena ez da zozkatzen, eta prezioa dauka''.
Repsolek 8.000 milioi euro eskatuko dizkio Argentinari
Repsolek gutxienez 10.500 milioi dolar (8.000 milioi euro) eskatuko dizkio Argentinako Gobernuari YPFn duen parte hartzearen truke, Pribatizazio Legeak eta YPFren Estatutuek balio horixe ematen baitiote enpresaren zatiari (15.800 milioi euro, enpresa osoari).
Antonio Brufau Repsolen presidentearen arabera, Argentinako Gobernuak akzioak erosteko eskaintza publikoa egin beharko luke, YPFren % 50,1 nazionalizatzeko. YPFren estatutuen arabera, inork akzioen % 15 edo gehiago erosi nahi badu eskaintza publikoa egin behar du konpainiaren akzio guztien gainean.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.