Lehendakaria: 'EAEko ekonomia hazkunderantz bira egiten ari da'
EAEko ekonomia “hazkunderantz bira egiten” ari dela ziurtatu du Iñigo Urkullu lehendakariak. Joera aldaketarekin 2015ean lanpostuak sortzea espero du buruzagiak.
Adierazpenak Korta Sariak banatzeko zeremonian egin ditu Iñigo Urkulluk Gasteizen, Lehendakaritzan. Jose Mari Korta Gipuzkoako enpresaburuaren oroimenez banatutako sariak dira. Korta 2000. urtean hil zuen ETAk.
Jose Mari Kortaren ibilbidea gogorarazi du lehendakariak hitza hartu duenean. Gainera, “memoria iragana gogoratzea soilik” ez dela adierazi du, “etorkizuna eraikitzeko ezinbesteko oinarria” baizik. “Adiskidetzerik, elkarbizitzarik, etorkizunik ez dago memoriarik gabe”, erantsi du.
Manuel Iralagoitia, Teodoro Cid, Xabier Irala eta Ricardo Garate enpresaburuen lana goraipatu du Urkulluk. “Konpromiso, esfortzu eta zintzotasunaren” eredutzat jarri ditu lehendakariak.
“Elkarrizketa soziala” eskatu du
Euskadiko egoera ekonomikoa baloratu du lehendakariak. “Elkarrizketa soziala”, eskatu du buruzagiak; izan ere, “lanerako tresna garrantzitsu bat da”. Era berean, “konfrontazioa gainditzen duen” lan harremanen eredu bat aldarrikatu du, “lankidetza oinarritzat hartzeko”.
“EAEko ekonomia hazkunderantz bira egiten” ari dela ziurtatu du Urkulluk. Agintariaren esanetan, 2015eko aurrekontuak 1.200 milioi euro inbertsiora bideratuko ditu. Horrela, “krisia hasi zenetik aurrenekoz” Exekutiboak “inbertsiora zorra kitatzera baino baliabide gehiago” bideratuko ditu. Zentzu horretan, 2015ean Euskadik “enplegua sortzea” espero du lehendakariak.
EH Bildu
EAEko alderdi politiko guztiak zeremonian izan dira, EH Bildu izan ezik. Ezker abertzaleak sarien aurreko banaketa ekitaldietan parte hartu du.
Gipuzkoako Aldundiak eta Batzar Nagusiek ez dute ordezkaritzarik bidali. Sarien historian emakumerik saritu ez dutela salatu du Lohitzune Txarola Gipuzkoako Batzar Nagusietako presidenteak.
Sarituen ibilbidea
Teodoro Cid Chamorrok (Leon, 1948) Maisutza Industriala ikasi zuen. JOLMA Tailer Elektrikoak sortu zituen. SEA Arabako enpresaburuen elkarteko zuzendaritzaren kidea da.
Xabier de Irala Estevez (New York, 1946) ingeniari industriala eta enpresa eta erakunde garrantzitsuetako goi-karguduna da. BBK eta Iberiako presidentea izan da. Era berean, General Electrica Españolako kontseilari delegatua eta finantza zuzendaria izan da.
Ricardo Garate Cruzelegui (Bilbao, 1954) Ekonomia Zientziatan lizentziaduna da Deustuko Unibertsitatean. Unceta taldeko presidentea da, eta baita Arrate Merkataritza Enpresa eta Bodegas LANeko kontseilaria ere. Gainera, Adegi Gipuzkoako patronalaren presidenteordea izan da.
Manuel Iraolagoitia Oreguik (Eibar, 1938) Eibarko (Gipuzkoa) Armagintza Eskolan ikasi zuen. 1958an, Juan Marcos Lopez de Guereñurekin eta Alberto Eibarrekin batera, MICRODECO enpresa sortu zuen.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.