Gregorio Villalabeitia izango da Kutxabanken presidente berria
Gregorio Villalabeitia izango da Kutxabanken presidente berria, Mario Fernandezen ordez, euskal finantza erakundeko iturriek jakinarazi dutenez.
Xabier Sagredo BBK-ko presidenteak eta kutxa honetako patronatuak Villalabetia proposatu dute, aho batez, Kutxabanken kontseilari izateko eta bankua zuzentzeko. Bihar Kutxanbankeko Akziodunen Batzordeak eta Administrazio Batzordeak bi izendapen hauen inguruko iritzia eman beharko dute.
Mario Fernandezek gaur utzitako lekua beteko du Villalabeitiak. Dimisioa Kutxabanken Administrazio Kontseiluaren eta Balore Merkatuen Batzorde Nazionalaren aurrean eman du gaur, azaroak 27, Fernandezek, baina, uda hasi aurretik jakinarazi zion BBKri, erreferentziazko akziodunari.
Eskarmentu handiko bankaria
Bankari ezagun eta beteranoa da Villalabeitia. Banco de Vizcayan eman zituen lehen urratsak, eta Argentarian eta BBVAn ere ibilitakoa da, bietan ardura postuetan.
Barakaldon jaio zen (1951) eta Ekonomian eta Zuzenbidean lizentziaduna da Deustuko Unibertsitatean.
Administrazio kontseiluetako kide izan da Villalabeitia hainbat multinazional handitan: Metrovacesa, Gas Natural, Repsol, Iberia, BBVA Chile... Telefonica eta BBVA Provida AFP enpresetan presidente izandakoa da, eta Ernst&Young eta General Electric Espa¿holkularitza Batzordean ere aritu da.
Gaur egun, Seeliger y Conde enpresako bazkidea da.
Albiste gehiago ekonomia
CC.OO.k Unai Sordo berrautatu du idazkari nagusi gisa, botoen %96,1arekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzea eskatu du Sortuk, eta lanaldi-murrizketaren aldeko mobilizazioak iragarri ditu. CC.OO.ren XIII Kongresu Konfederalean parte hartu duten afiliatuen % 96,1en botoei esker, hirugarren eta azken agintaldiari ekin dio euskal sindikalistak, estatutuek agintzen duten bezala. Kongresuaren amaierako hitzaldian, "demokrazian sakontzeko" eta "ustelkeriaren gaitzarekin amaitzeko" deia egin du Sordok. Gainera, lanaldi murrizketaren aldeko "mobilizazioak" iragarri ditu. Astelehenean bertan UGTrekin harremanetan jarriko dira, talde politikoek lanaldia murrizteko araudia onar dezaten presioa egiteko.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".