Mario Fernandezek Kutxabankeko presidentetza utziko du
Mario Fernandezek Kutxabankeko Presidentetza utziko duela jakinarazi dio Kutxabankeko Administrazio Kontseiluari. Bankuen "estres proba" nota altuenarekin gainditu ondoren eman du Kutxabankeko presidenteak bere erabakiaren berri. Ia sei urtez egon da Fernandez karguan.
Kutxabankek ohar baten bidez adierazi duenez, akziodunek kontseilari berria izendatuko dute bihar, erakundearen batzar nagusian. Ondoren, Administrazio Kontseiluak presidente berria aukeratuko du. Presidente berria izendatu arte, Mario Fernandezek erakundearen buru izaten jarraituko du.
BBK-k Gregorio Villalabuena proposatu du Mario Fernandezen ondorengoa izateko.
Mario Fernandezek, uda hasi baino lehen, "estres proba" gainditu ondoren, jakinarazi zion bere agintaldia amaitzeko asmoa erreferentziazko akziodunari, "garai hau bukatutzat eman eta lekukoa une egokian pasatzeko".
Langileei oharra
Administrazio Kontseiluari bere dimisioaren berri eman ondoren, Mario Fernandezek barne-oharra bidali die Kutxabankeko langileei.
Agintaldi honetan egindako lana eskertu die Fernandezek langileei, eta Presidentetza uzteko erabakia ?hainbat hilabetez pentsatu duela? esan die.
Fernandezen esanetan, bi dira kargua uzteko arrazoi nagusiak: "Batetik, bost urteko epea nahikoa dela deritzot. Bestetik, eta are garrantzitsuagoa, garai berri bat hasi da, eta uste dut ona dela garai berri baterako lidergo berri bat izatea".
Kutxabanken "aro berria" ahotan hartuta, Fernandezek nabarmendu egin du Europako Banku Batasuna martxan jartzea; izan ere, "horren ondorioz, Europako Banku Zentralak bere gain hartuko du bankuak ikuskatzeko ardura eta banku-fundazioen gaineko legeria berria sartuko da indarrean".
Ia sei urtez izan da Mario Fernandez Kutxabankeko presidente. Agintaldi honetan, Kutxabank sortu da, BBK, Kutxa eta Vital kutxak bat eginda, eta erakundea lehen postuetan kokatu da.
Oharraren arabera, Mario Fernandezek¿hezkuntza arlora bueltatzeko asmoa du, eta bere ekintza profesional eta pribatuetara bueltatzekoa, BBKren gidaritza bere gain hartu zuenean alde batera utzi behar izan zituen eta.
Sei urtez presidente
Mario Fernandez (Bilbo, 1943), Zuzenbidean lizentziaduna Deustuko Unibertsitatean eta 1966tik unibertsitate horretan Merkataritza Zuzenbideko irakaslea. Hain justu, finantza merkatuak, proiektuen finantziazioa, fusioak eta sozietateen zuzenbidea gaietan aditua da. Uria Menendez abokatuen bulegoko kide izan da 2002tik.
2009an,¿BBK-ko presidente izendatu zuten, Xabier de Iralaren ordez; eta 2012tik, hiru kutxek egindako fusio hotzaren ostetik sortutako¿Kutxabanken presidente exekutiboa izan da. Gaur, 2014ko azaroaren 27an, jakinarazi du ez duela kargu horretan jarraituko. Une gazi-gozoa da Kutxabankentzat: batetik, "estres probetan" Estatuko notarik altuena lortu du euskal erakundeak, baina, bestetik, kapital pribatua sartu behar ote den erabakitzeko unea ere bada.
Sagredo: 'Kutxabank tontorrean kokatu du'
Egindako lana eskertu dio Xabier Sagredo BBK-ko presidenteak Mario Fernandezi. Sagredoren hitzetan, Fernandezek "Estatuko finantza-maparen tontorrean" kokatu du Kutxabank.
"Nire errespetu eta miresmena agertu nahi diot Fernandezi, egindako lanagatik", gaineratu du.
Bere erabakia uztailean eman zuen jakitera Mario Fernandezek, eta horrek, Sagredoren hitzetan, "asko erraztu du trantsizio antolatu bat egiteko prozesua".
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.