Munduko ekonomia % 3,4 haziko da aurten eta % 3,6 2017an
Munduko ekonomiaren hazkunde aurreikuspenak jaitsi ditu gaur NDFk. Horrela, munduko BPGk % 3,4 gora egingo du aurten eta % 3,6 2017an. Herrialde aurreratuek espero baino hazkunde txikiagoa izango dute eta herrialde azaleratu berriek zalantzak sortzen dituzte. Hala, Txinaren hazkundea moteltzen ari da eta Brasil atzeraldian dago.
'Ekonomia Perspektiba Globalak' txostena eguneratu du Nazioarteko Diru Funtsak (NDF). Urrian egindako aurreikuspenekin alderatuta, bi hamarren gutxiago zenbatu ditu erakundeak, “giroan zalantza handiak daudelako”.
“Txinako ekonomiaren moteltzeak, lehengaien merkatzeak eta merkatu azaleratu berri nagusien ekonomietan dauden tentsioek hazkunde aurreikuspenak murriztu dituzte”, Christine Lagardek zuzendutako erakundeak azaldu duenez.
Txina moteltze prozesu batean murgilduta dago, eta % 6,3 haziko da aurten eta % 6 datorren urtean, NDFren arabera. Barne eskarian eta inbertsioaren jaitsieran oinarritutako eredu batera trantsizioa egiten ari da Asiako erraldoia.
Bestalde, AEBek hazkunde erritmoari eutsiko diote. 2016an eta 2017an % 2,6 gora egingo du BPGk, urrian aurreikusitakoa baino bi hamarren gutxiago. Hala ere, “ez dute bultzada berria izango”, dolarraren garestitzea eta petrolioaren merkatzea inbertsio energetikoari kalte egiten ari zaio.
Eurogunearen susperraldi txikia
Atlantikoaren beste aldean, euroguneak bere susperraldi txikiarekin jarraitzen du. Aurten eta datorren urtean % 1,7 haziko da Europako ekonomia. Espainiak hazkunderik handiena izango du, % 2,7koa aurten.
“Eurogunean, kontsumo pribatua sendotuko da, petrolioaren merkatzeak eta aldeko finantza baldintzek lagunduta, eta horrek esportazioen beherakada arintzen ari da”, azpimarratu du NDFk.
arratu du NDFk.Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.