ANk 12 urteko kartzela-zigorra jarri dio Afinsaren presidenteari
Auzitegi Nazionalak 12 urte eta 10 hileko kartzela-zigorra jarri dio Juan Antonio Cano Afinsaren presidenteari, zigiluetan aurrezkiak inbertitu zituzten 200.000 pertsonari piramide iruzurra egitea leporatuta.
Gainera, 240.000 euroko isuna ordaindu beharko du, baina ez da zigorra jaso duen bakarra, beste hamar lagunek, tartean Carlos eta Albertino de Figueiredo kontseilari ohiek, 11 urteko kartzela-zigorrak jaso baitituzte.
Antzeko zigorra jaso dute Vicente Martin Peña Afinsaren kontu ikuskaritza batzordeko kideak (11 urte eta erdi), Emilio Ballester kontabilitate arduradun ohiak (10 urte eta hiru hilabete) eta Joaquin Jose Abajo kontseiluko idazkari ohiak (sei urte eta hiru hilabete), beharrezko laguntzaile izateagatik.
Zigortuek 2.574 milio euroko kalte-ordaina eman beharko diete 190.022 bezerori.
Zigor aretoko lehenengo sekzioak iruzur larria egotzi die, kalte orokortua izan zelako eta zuhur jokatu ez zutelako "klase ertaineko" jendeari "erretirorako edo krisi egoerei aurre egiteko zituzten aurrezkiak" kenduta.
Konpainiak martxan jarritakoa fikziozko negozioa zela ebatzi du epaitegiak, baliorik ez zuten zigiluei balio handia ematean oinarritua zelako.
Era berean, "informaziorik ez zuten eta sineskorrak" ziren bezeroei dirua itzultzea eta bankuek eskaintzen zuten interesa baino askoz altuagoa hitzematen zietela azaldu du Auzitegi Nazionalaren epaiak.
Francisco Guijarro hornitzailearen papera azpimarratu dute epaian, eta sei urte eta erdiko kartzela zigorra eta 69 milioi euroko isuna jarri diote, iruzurra, dirua zuritzea eta Ogasunaren kontrako delitua egotzita.
Esteban Perez Afinsaren AEBko filialaren presidenteari lau urteko zigorra jarri diote, Ramon Soler enkante enpresako zuzendariari 3 urtekoa, eta Joan eta Jordi Domingo adituei, bi urte eta hiru hilekoa.
Hala eta guztiz ere, Auzitegi Nazionalak absolbitu egin ditu Francisco Blazquez konpainiaren kontu ikuskaria eta Ramon Egurbide Afinsaren Europako operazioburua. Fiskaltzak 2 eta 8 urteko zigorra eskatzen zuen hiruen kontra, hurrenez hurren.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.