Gazteek 71 urtera arte atzeratu beharko dute erretiroa, bizi-mailari eusteko
Ikerketa baten arabera, gazteak lan-merkatuan berandu sartzeak erretiroa hartzeko epean eragina izango du. 2027an erretiratzeko batez besteko adina 67 urtekoa izango da, eta 37 urtez kotizatu beharko da pentsioaren ehuneko ehuna kobratzeko.
Lan-merkatuan berandu sartu diren gazteek 71 urte bete arte egin behar izango dute lan, erretiroa hartu ondoren egungo bizi-maila edo antzekoa mantendu nahi badute. Hori ohartarazi du BBVA Fundazioak eta Valentziako Ikerketa Ekonomikoen Institutuak (IVIE) ostegun honetan argitaratutako ikerketa batek.
Txostenak nabarmentzen duenez, 16 eta 29 urte bitarteko gazteen enplegu-tasa % 43,2koa da, 2007an baino 15 puntu gutxiago. Horrek esan nahi du horietako askok 2065ean 30 urte soilik izango dituztela kotizatuta, eta urte-kopuru hori ez da nahikoa pentsio osoa kobratzeko. Urte-tarte horren eraginez, pentsioak izugarri murriztuko zaizkie, legean ezarritako koefiziente murriztaileak direla eta.
2027an, erretiratzeko batez besteko adina 67 urtekoa izango da, baina pentsioaren % 100 kobratzeko, gutxienez 37 urte kotizatu beharko dira. Adin hori bi urte arte aurreratu daiteke 38 urte eta erdiz kotizatu duzula egiaztatuz gero.
Gainera, pentsioen azken erreformak ordezkapen-tasa txikiagoa aurreikusten du —hau da, hasierako pentsioaren eta azken soldataren arteko proportzioa—, izan ere, egungo % 77,1etik % 75,3ra jaitsiko da. Eta etorkizunean beste herrialde batzuetan jada eztabaidatzen ari diren erreformak aplikatuko balira, hala nola pentsioaren kalkulua lan-bizitzako azken 35 urteetara zabaltzea edo pentsio osoa kobratzeko 40 urte kotizatzea eskatzea, ordezkapen-tasa % 57,6raino jaitsi liteke.
Erreformarik egiten ez bada ere, egungo gazteek gehiago kotizatu beharko dute, eta pentsio baxuagoak onartu, lan-ibilbidea luzatzen ez badute. Egileen arabera, galera hori konpentsatzeko biderik onena erretiro adina atzeratzea litzateke.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.