Azpiazu: 'Aurrekontuetan ez da ez murrizketa ez ‘arinkeriarik’ egongo'
Pedro Azpiazu Eusko Jaurlaritzako Ogasun eta Ekonomia sailburuari elkarrizketa egin diote gaur Radio Euskadin, eta 2017ko aurrekontuetan murrizketarik egongo ez dela esan du, nahiz eta erantsi duen “arinkeriak” ere ez dela izango.
Datorren urterako kontuak ehuneko bat edo bi handitzea da aurreikuspena, eta “ahaleginak” gizarte politiketara bideratzea, baita teknologiaren eta berrikuntzaren sektoreari “bultzada bat” ematera ere.
Azpiazuk azpimarratu du EAJk eta PSE-EEk osatzen duten Exekutiboaren asmoa oposizioko alderdi guztiekin hitz egitea dela, aurrekontuen inguruan “ahalik eta akordio zabalena” lortzeko. Aurrekontuok otsailean idaztea espero du sailburuak, eta apirilean “martxan” egotea.
Espainiako Ministroen Kontseiluak gaur lanbide arteko gutxieneko soldata % 8 igotzea onartuko duela eta, igoera hori diru sarrerak bermatzeko errentari ere eragiten badio aurrekontuen banaketa modu nabarmenean azpizkoz gora jarriko lukeela adierazi du.
“Ez dauka zentzu handirik diru sarrerak bermatzeko errenta eta lanbide arteko gutxieneko soldata lotzeak”, esan du, baina Eusko Jaurlaritzak “legea aztertu eta beteko” duela erantsi du.
“Ez dago PP berririk”
Espainiako Gobernuarekiko harremanei buruz, Azpiazuk uste du euskal legeen aurkako errekurtsoak jartzeak zaildu egiten dituela, eta Madrilen “PP berririk” ez dagoela esan du, baizik eta alderdi hori “behartuta” gerturatzen dela beste alderdiengana, “ez onena akordioak lortzea dela uste duelako”.
% 3ko hazkundea
Euskal Autonomia Erkidegoko zenbaki makroekonomikoei dagokienez, sailburuak esan du ekonomia % 3 haziko dela aurten eta % 2,3 2017. urtean, eta horrek enplegua sortzea ahalbidetuko duela.
bidetuko duela.Zure interesekoa izan daiteke
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.
Jaurlaritza berdelaren kuota murrizteak eragingo dituen galerak arintzeko neurriak bilatzen ari da
Bilerak deituko ditu kuota berrien eragin ekonomikoa aztertzeko eta galerak arintzen lagunduko duten neurriak aztertzeko. Gainera, beste espezie batzuentzat ere murrizketak aurreikusi ditu Europar Batasunak.
EBk % 73 murriztu du berdelaren kuota 2026ko lehen sei hilabeteetarako
Antxoari dagokionez, albiste onak euskal arrantzaleentzat, gehieneko muga baimendu baita (29.700 tonako harrapaketak). Onartutako kuotak ekainera arte egongo dira indarrean, negoziazio berrien zain.
EBk 3 euroko tasa ezarriko die uztailetik aurrera Shein eta Temu plataformetan egindako erosketei
2028rako aurreikusitako behin betiko muga-zergen erreforma indarrean sartu arte egongo da indarrean. Erreforma horren bidez, EBk amaiera eman nahi dio 150 eurotik beherako balioa duten produktuak muga-zergak ordaintzetik salbuetsita egoteari.
Aurreko egunetako antzerako jarraipena izan du medikuen grebak ostiralean EAEn
Osakidetzak emandako datuen arabera, goizeko txandan % 19,63k egin du lanuztea eta arratsaldekoan, berriz, %9,22k.
Talgoko Batzarrak kapitala handitzea eta Sidenor eta SEPIren sarrera onartu ditu, Eusko Jaurlaritza barne
Konpainiak "laster" formalizatuko du Sidenor buru duen euskal partzuergoak konpainiaren % 29,76 eskuratzea. SEPIk 45 milioi euro jarriko ditu kapitalaren % 7,8 kontrolatzeko, 4,25 euro akzioko, kapital-gehikuntzara joz.
Pozik hartu dute Arabako erresidentzietako langileek gatazkaren konponbidea, 6 urteko borrokaren ondoren
Soldata % 32,5 igoko zaie eta hilean 1.500 euro gordin irabaztera iritsiko dira. Elkarrekin-Podemosek aurrekontuak onartzeko baldintza gisa gai hau jarri izana eskertu dute.
Bisigua, zapoa, itsaskiak... Zenbateko astindua izango da Eguberrietako menua gure poltsikorako?
Gabonak ate-joka ditugu eta MercabIlbao elikagaien banaketarako funtsezko nodoa da. Txikizkariak bertara joaten dira produktuak erostera, ondoren haien dendetan saltzeko. Gaur, goizean zehar, etengabe ikusi ditugu alde baterik bestera produktuak begiratzen eta erosten. Zer igo da gehien egun hauetan? Zer saltzen da gehien?
EAJk eta PSE-EEk oposizioaren babesik gabe onartuko dituzte Bizkaiko 2026ko Aurrekontuak
Bizkaiko Batzar Nagusiek atzera bota dituzte oposizioak aurkeztutako hiru osoko zuzenketak. Gauzak horrela, 2026ko aurrekontu proiektuak beste aurrerapauso bat eman du, behin betiko onespena eman aurretik.