'Turismoko joerak eta esperientziak', Expovacacionesen proposamen berria
Expovacaciones azokaren 40. edizioa Barakaldoko BEC Bilbao Exhibition Centren izango da maiatzaren 10etik 12ra. Hainbat urtez proposamen tradizionalak eskaini ostean, ekitaldiak kontzeptu berri bat erakutsi nahi du aurten, hain zuzen, kirola, gastronomia eta abentura oinarrian dituena. 'Turismoko joerak eta esperientziak' gunea gehitu du aurten aukeren zerrendan Expovacacionesek. BECen arabera, helmuga turistikoak aukeratzeko eredu berria da eta tokian tokiko gastronomia, ekintza eta bizipen ezezagunak ditu oinarrian.
Orotara, 228 parte-hartzaile egongo dira BECeko 3. pabiloian, eta bakoitzak bere sukaldaritza eta turismo eskaintzak erakutsiko ditu.
Eskaintza gastronomikoen artean Galiziako olagarroa, Extremadurako gazta, Mendabiako zainzuriak edo Andaluziako olioa dastatu ahalko dira. Era berean, bertara joaten direnek esperientzia gehiagorekin gozatzeko aukera ere izango dute; El Soplao kobazulora bidaia birtuala egiteko aukera, esaterako, Kantabriaren standean.
Nazioarteko parte-hartzea
Aurtengo edizioan, Irango Islamiar Errepublikak ere hartuko du parte; izan ere, turista kopurua laukoizteko asmoa du. Antolatzaileen esanetan, Iranen helburua, hain zuzen ere, 2025erako 20 milioi bisitari izatea da.
Bestalde, beste hainbat herrialde izango dira bertan ordezkatuta, euren proposamenak ezagutzera emateko; Dominikar Errepublika, Andorra, Txile, Frantzia, Suedia, Portugal, Erresuma Batua eta Maroko, besteak beste.
Green Spain
Euskal Autonomia Erkidegoak aurtengo edizioa aprobetxatuko du Kantabriarekin, Asturiasekin eta Galiziarekin duen Green Spain ekimena omentzeko, 30 urtez elkarlanean aritu baitira lurralde bakoitzaren eremu naturalak, kulturalak eta turistikoak sustatzeko.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".