Europako Banku Zentralak ekonomia suspertzeko hainbat neurri onartu ditu
Europako Banku Zentralak (EBZ) ekonomia sustatzeko hainbat neurri onartu ditu; izan ere, euroguneak duen ahultzea uste baino larriagoa da.
EBZk hilero 20.000 milioi euroko zorrak erosiko ditu azaroaren 1etik aurrera. EBZk jakinarazi duenez, neurria "interes-tasen inpaktu hedagarria indartu" bitartean abian egongo da.
Halaber, Europako Banku Zentralak zehaztu du ez diela ezer kobratuko bankuei eta gainerako kreditu-erakundeei funts gehiegi izateagatik, kontuan izanik gutxieneko erreserba derrigorrezkoak, euren banku zentral nazionaletako kontuetan.
EBZren Gobernu bileraren ostean, erakundeak esana zuen beste 10 oinarrizko puntutan murriztuko zuela gordailu-erraztasun tasa, % -0,5eraino, nahiz eta segmentazio-sistema bat ezarriko zen tasa horren eragin negatiboa mugatzeko; gerora, baina, erakundeak azaldu du gehiegizko erreserbei % 0eko interes-tasa ezarriko zaiela, eta gutxieneko erreserben baldintzen barruan dauden funtsei, aldiz, gordailuaren erraztasun-tasaren interesa ezarriko zaie.
Gainera, 2016tik lehen aldiz interes-tasak aldatzea erabaki du, gordailuen erraztasun-tasak 10 puntu jaitsita, % -0,5era arte. Halaber, erreferentziazko interes-tasa % 0an utzi du eta gordailu erraztasun-tasa, berriz, % 0,25ean.
Bankuetan interes negatibo horrek izan dezakeen eragina murrizteko, EBZk "erreserbak ordaintzeko bi maila" ezarriko dituela jakinarazi du; horrenbestez, bankuen gehiegizko likideziaren zati batek ez du gordailuen erraztasun-tasa ordaindu beharko.
Bestalde, Banku Zentralak laugarrenez aldatu egin du aurten etorkizunerako joera. Hori horrela, interes-tasak "egungo mailan edo baxuago" mantentzea espero duela esan du.
Halaber, aktiboen erosketa garbiak egingo ditu: 20.000 milioi euro hilero, azaroaren 1etik aurrera eta epe mugagabe batez. Neurria "interes-tasen inpaktu hedagarria indartu" bitartean abian egongo da.
Draghik nabarmendu du "zerga-eremua duten Gobernuek modu eraginkorrean eta garaiz" jardun beharko luketela, Alemania zehazka aipatuz: "Zor publikoa altua den herrialdeetan, Gobernuek ezarri beharko lituzkete politika zuhurrak, xede izanik sortzea baldintza egokiak egonkortzaile automatikoek askatasunez jardutea", esan du. Eskatu die euroguneko herrialde guztiei "ahalegin indartsuagoak ere egitea", lortzeko finantza publikoek hazkundea erraztea.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.