Amiantoa zuen lan-arropa garbitzen zuten emakumeen gaixotasunak aitortzea eskatu dute
Emakumeen Nazioarteko Eguna igandean izango da. Amiantoa zuen beharginen lan-arropa garbitzen zuten emakumeen gaixotasunak laneko eritasun bezala aitortzea eskatu du CAF Beasain (Gipuzkoa) lantegiko enpresa-batzordeak ostiral honetan.
CAF Beasaingo beharginek lantegi alboan elkarretaratzea egin eta enpresa-batzordearen agiri bat irakurri dute. "Amiantoaren aurpegi guztiak aitortu behar dira", aldarrikatu dute. "50 pertsona, langile eta CAFeko senide hil dira amiantoaren ondorioz", gogorarazi du enpresa-batzordeak. "Familiak prozesu judizial amaigabe eta sufrimendu luze batera zigortu dituzte", deitoratu duenez.
Gainera, "amiantoak hildako langile guztiak ez dituzte aitortu, oso larria eta onartezina da", adierazi dute. "Amiantoak hildako behargin ikusezinak daude", eta "iluntasunetik argitasunera ekarri behar dira", gaineratu dutenez.
"Zeharka gaixotu diren" pertsonak daude, beharginen lan-arropak garbitzen zituzten emakumeak esaterako, gogorarazi dutenez. Vicenta Burguete, Puri Muñoz eta Maria Dolores Sabinoren kasu hori da, "amiantoa arnastu dute eta gaixotu dira, CAFen lan egiten zuten senideen buzoak garbitzeagatik". "Horietako bi hil egin dira dagoeneko; aitortzarik gabe eta prozesu judizial luze eta zailekin", salatu dute.
"Amiantoaren biktima guztiak, zuzenak zein zeharkakoak aitortzeko" eskatu die CAF Beasaingo enpresa-batzordeak patronalari, politikariei eta erakundeei. Era berean, amiantoaren zerrenda publiko bat egitea eskatu dute. "Amiantoaren ondorioak eta biktimak behin betiko gutxiesteari uzteko" eskatu dute, baita "prozesu judizial amaigabeak eta sufrimendua luzatzeari uzteko" ere.
Era berean, "laneko gaixotasuna duten emakumeak aitortzea" eskatu diote CAFi, "urteetako amianto erabileraren biktimak direlako".
Albiste gehiago ekonomia
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.
EBk errepresaliak atzeratu ditu Trumpen muga-zergen aurrean, negoziatzen jarraitzeko
Ursula von der Leyen Europako Batzordeko presidenteak iragarri duenez, abuztuaren 1era arte jarrituko dute negoziatzen, egun horretan amaitzen baita negoziatzeko luzapena AEBk muga-zergak % 30era igo aurretik.
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.