G20ak osasun hornigaien ekoizpena handitzeko konpromisoa adierazi du
G20ko kideek osasun-baliabideen ekoizpena handitzeko konpromisoa agertu dute ostegun honetan egindako bileraren ostean. Horrez gain, informazioa eta datu medikoak partekatzea adostu dute, planeta osoan koronabirusaren hedapena gelditzeko.
"Gure ekoizpena handitu egingo dugu osasun-baliabideen behar gero eta handiagoari erantzuteko eta baliabide horiek ahalik eta azkarren eskuragarri egoteko, prezio egokian, bidezkoak eta zuzenak diren oinarriei jarraituta, eta behar gehien duten lekuetan", esan dute G20ko kideek.
Ostegun honetan izandako bilera birtualaren ostean ateratako oharrean adierazi dutenez, "beharrezkoak diren osasun-neurriak hartu eta jendea, batez ere egoera ahulenean daudenak, babesteko beharrezkoa den finantzazioa bermatzen" saiatuko dira.
Halaber, beste hainbat konpromiso ere hartu dituzte G20ko agintariek: informazioa gardentasunez konpartitzea, epidemiologia-datuak eta ikerketarako materialak elkartrukatzea, eta osasun arloko sistemak indartzea.
Ildo horretan, eta Osasunaren Mundu Erakundeak agindutakoari jarraituz, pandemiaren aurkako borrokarako koordinazioa hobetzea eta baliabide gehiago jartzea adostu dute.
Horrez gain, herrialde ezberdinetako Osasun ministroak biltzea ezinbestekotzat jo du, orain arte egindakoa elkarri azaltzeko eta premiazko ekintza bateratuak erabakitzeko. Batzar hori apirilean izango da, baina oraindik ez dute datarik zehaztu.
G20a honako herrialdeek osatzen dute: Ameriketako Estatu Batuak, Errusia, Txina, Frantzia, Alemania, Erresuma Batua, Argentina, Australia, Brasil, Kanada, India, Indonesia, Italia, Japonia, Mexiko, Koreako Errepublika, Hegoafrika eta Saudi Arabia.
Europar Batasuna ere erakunde horren parte da, eta beste herrialde batzuek gonbidatu gisa joaten dira bileretara, tartean Espainia, Jordania, Singapur eta Suitza.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.