Espainiako Gobernuak ez du argitu funtzionarioen soldata izozteko asmoa duen ala ez
"Aztertzen ari diren gai bat", ministro batzuen hitzetan; "mahai gainean ez dagoen gai bat", beste baten ahotan. Halaxe, mezu kontrajarriak emanez heldu zion atzo Espainiako Gobernuak han eta hemen aukera gisa aipatzen hasi den auziari: funtzionarioen soldatak izoztuko ote dituzten.
Maria Jesus Montero Ogasun ministro eta bozeramailea izan zen hitz egiten lehena. Kongresuan egindako adierazpenetan azaldu zuenez, "herrialdeak egoera oso konplikatua du begi aurrean, eta aukera guztiak aztertu behar dira. Baliabideak mugatuak dira eta Funtzio Publikoko eta Lurralde Politikako Ministerioa horren harira ari da lanean, aukera guztiak aztertzen".
Bestalde, Nadia Calviño Ekonomia gaietako ministro eta hirugarren presidenteordeak elkarrizketa batean esan zuen "erabakiak faktore ezberdinak kontuan hartzen" hartuko direla. Pandemia garaian langile publikoek egindako "lan eskerga" goraipatu zuen Calviñok, baina era berean, azken urteetan "erosahalmena irabazi" dutela azpimarratu zuen.
Oso bestelakoa izan ziren Carmen Calvo lehen presidenteordearen adierazpenak: "Ez. Ez dago mahai gainean. Estatuko Aurrekontu Orokorren proposamen bat dugu mahai gainean, eta Kongresuko alderdiei eskatu diegu laguntzeko".
Azkenik, Jose Luis Escriva Inklusio, Gizarte Segurantza eta Migrazio ministroak azpimarratu zuen berak ez zuela aukera horren berri.
Lurralde Politika eta Funtzio Publiko Ministerioak Europa Pressi baieztatu dionez, aurrekontuen lege-proiektua onartu arte "ez da ezertxo ere erabakiko".
Espainiako Estatu osoan ezarri beharrekoa
Araua, onartzekotan, Estatu osoa ezarri beharko litzateke, 2010ean Zapateroren gobernuak agindutako % 5eko beherakadarekin jazo zen bezala, baita Rajoyren exekutiboak ezarritako izozteekin ere. 2012an abenduko aparteko soldata kendu zieten funtzionarioei, gerora berrezarri bazieten ere.
Sindikatuak oso kritiko azaldu dira, eta azken urteotan erosahalmena asko jaitsi dela ohartarazi dute.
Ildo horretan, ELA funtzionarioen soldata izoztearen kontra azaldu da, eta Gobernuari egindako galderetan erantzunik jaso ez duela salatu du. Sindikatu abertzalearen esanetan, langile publikoen erosteko ahalmena % 13 jaitsi da 2010etik.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.