Gizarte Segurantzak astelehenean ekingo die laneko bajak malgutzeko elkarrizketei
Inklusio, Gizarte Segurantza eta Migrazio Ministerioa gaur, urriak 14, bilduko da eragile sozialekin, laneko bajen araudia aldatzeko elkarrizketa mahaia osatzeko, malguagoa izan dadin.
Elma Saiz Inklusio, Gizarte Segurantza eta Migrazio ministroak urriaren 3an kasu eta egoera konkretu batzuetan laneko bajak malguagoak izatea proposatu zuen, zenbait lanetara itzultzeko aukera izan dezaten langileek. Araudia aldatzeko proposamen horrek, ordea, harrabotsa sortu zuen.
Horren aurrean, Saizek baieztatu du proposamenaren helburua ez dela Gizarte Segurantzak aldi baterako bajek dakarten gastu handiak aurreztea, baizik eta "eskubideak zabaldu" eta "justizia soziala" lortzeko aurrerapausoak ematea.
Gizarte Segurantzaren azken datuen arabera, aldi baterako bajetara bideratutako gastua % 17,6 hazi da urteko lehen zortzi hilabeteetan; zehazki, 10.422 milioi euro.
Borja Suarez Estatuko Gizarte Segurantza eta Pentsioen idazkariaren hitzetan, laneko bajak malgutzeko proposamenak Europako 13 herrialde ditu erreferente, gisa horretako ereduren bat baitute euren baja-sisteman, Frantzia eta Eskandinaviako herrialdeak kasu.
Sindikatuek ez dute begi onez ikusi Saizen proposamena; bai, ordea, patronalak, eta hainbat alderdi politikoren gaitzespena eragin du, tartean Sumar eta Podemosena.
Are gehiago, Yolanda Diaz Espainiako Gobernuko bigarren presidenteorde eta Lan ministroak esan du ez duela onartuko bajan dauden langileen babesa apurtzea.
CCOO eta UGT sindikatuek adierazi dute ez dutela baja malguen inguruan negoziatzeko asmorik, eta azken erreforman adostutako gaien inguruan hitz egiteko joango direla asteleheneko hitzordura.
Antonio Garamendi CEOEko presidenteak, bere aldetik, positibotzat jo du bajan dagoen langilea lanera itzuli ahal izateko proposamena, eta "bajen eta absentismoaren" gaia jorratzearen beharraz ere hitz egin du.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.