BBVAk Espainiako Gobernuak EEPari buruz ezarritako baldintzak eta balizko "alternatibak" aztertuko ditu; horien artean, bertan behera uztea
Peio Belausteguigoitia BBVAren Espainiako arduradunak adierazi duenez, "datozen egunetan" hartuko dute erabakia.
Atzo, Espainiako Gobernuak zorroztu egin zituen BBVA eta Sabadell fusionatzeko betekizunak, eta kolokan jarri operazioa. Peio Belausteguigoitia BBVAren Espainiako arduradunak asteazken honetan adierazi duenez, Gobernuak ezarritako baldintza gehigarriak aztertzen ari dira.
"Gure eginbeharra alternatibak aurkitzea eta aukera guztiak baliatzea da", adierazi du, eta jakinarazi du berandu baino lehen erabakia hartu eta jakinaraziko dutela.
EEParekin aurrera jarraituz gero, BBVAk eragiketaren sinergien kalkulu eguneratua igorri beharko lioke Espainiako Balore Merkatuaren Batzordeari, azken baldintzak kontuan hartuta.
Belausteguigoitiak onartu duenez, azken hilabeteetan, bankuak defendatu du sinergia gehienak teknologiaren aldetik gauzatzen jarrai litezkeela, baina ez dago argi hori zenbateraino egongo den Espainiako Gobernuaren mende: "Kudeaketa autonomoari eustea kudeaketa autonomoari eustea da, funtsean, horixe da. Ez dut uste haratago doanik", esan du.
Ministroen Kontseiluak astearte honetan onartu du BBVA eta Sabadell fusionatzea, baldin eta datozen hiru urteetan bi erakundeek identitate juridikoa eta ondarea bereizita mantentzen badituzte, eta nork bere kabuz kudeatzen badu jarduera.
Carlos Cuerpo Ekonomia ministroak azaldu zuenez, Espainiako Gobernuak espero du erabaki horrekin bi finantza erakundeen administrazio kontseiluek banku bakoitzaren balioa maximizatzeko politika kontinuistekin jarraitzea.
Albiste gehiago
Greba mugagabea Aguraingo eta Legasako Arcelor lantegietan uztailaren 1etik aurrera
Enplegu-erregulazioko espedientearen kontsultarako aldia bi aldeen adostasunik gabe amaitu zen. ELA sindikatuak salatu du EEE horren ondorioz, 33 langile kaleratu eta Legasako lantegia itxiko duela zuzendaritzak.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.