Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.
Euskadiko hotel eta ostatuek, urteko lehen seihilekoan, 2024ko aldi berean baino % 4,6 bisitari gehiago izan dituzte, eta bertan igarotako gauak % 5,4 egin dute gora. Datuok argitaratu ditu astelehen honetan Eustatek, Euskal Estatistika Erakundeak.
Ekainean, duela urtebete baino % 9,8 bisitari gehiago izan dituzte Euskadiko hotel-ostatuek, 368.409 bisitari, hain justu, eta bertan igarotako gauak % 8,7 egin dute gora.
Lurraldeka, turismoa guztietan hazi bada ere, Araban izan du hazkunderik txikiena. Ekainean 45.573 bisitari izan dituzte bertako ostatu eta hotelek, (% 1,9 gehiago). Bizkaian, 167.392 bidaiari zenbatu dira, (% 10,7 gehiago), eta 155.444 pertsonak bisitatu dituzte Gipuzkoako hotel eta ostatuak, 2024ko ekainean baino % 11,5 gehiago.
Hiriburuka, Gasteizen ostatu hartu duten bisitak % 0,9 hazi dira, Donostian % 7,4 eta Bilbon % 11,2.
Hoteletako gelaren bataz besteko prezioa 138,3 eurokoa izan da, % 8 garestiagoa. Gipuzkoa da lurralderik garestiena, eta, Donostia, hiribururik garestiena: eguneko hoteletako gelaren bataz besteko prezioa 208,4 eurokoa da. Bilbon, 140,1 euro kostatzen du bataz beste, eta, Gasteizen, 82,4 eurokoa.
Zure interesekoa izan daiteke
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.