Ellacuria hiltzea egotzitako militarrak askatu dituzte El Salvadorren
Abuztuaren 7tik brigada militar batean babestutako eta Espainian auzipetutako bederatzi militarrak aske utzi ditu El Salvadorreko Justizia Gorte Gorenak, iturri judizial batek jakitera eman duenez. 1989an sei jesuita (horietako bost espainiarrak ziren) hil izana leporatu zieten.
Justizia Gorte Gorenak hartutako erabakiaren ostean, bederatzi militarrek "ez dute askatasun murrizketarik izango, ezta askatasun gabetzerik ere". Horrez gain, "ez dago atxilotu ditzakeen agintaririk", Ulices Guzman magistratuak esan duenez.
Sei jesuita (tartean, Ignacio Ellacuria) eta horien bi langile hiltzea leporatuta, Espainiako Auzitegi Nazionalak 20 pertsona auzipetu zituen; horietako bederatzi San Salvadorreko brigada militar batean babestu ziren, abuztuaren 7an, Polizia nazioartean euren bila ari zela jakin ostean, Eloy Velasco epaile espainiarrak eskatuta.
"Interpolek igorritako 'hedapen gorria' estraditatzeko atxilotze aginduarekin joan daiteke edo ez. Baina kasu horretan, Estatua da hori eskatu behar duena, hau da, Espainiak autoritate diplomatikoen edo Justizia Ministerioaren bidez, eta Espainiak ez du Gortera zuzendutako horren jakinarazpenik egin", esan du Guzmanek.
El Salvadorreko Poliziak "ezin ditu militarrak atxilotu, horrek atzerriko epaitegi bateko epai bat ematea esan nahiko baitzuen", eta "burujabetza nazionalean" eragingo luke, azaldu du magistratuak.
Zure interesekoa izan daiteke
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.