Paco Etxeberria medikuak hankaz gora jarri du Poliziaren ikerketa
Paco Etxeberria Gabilondo euskal auzitegi-medikuaren txosten batek hankaz gora jarri du Ruth eta Jose 2011ko urriaren 8an Kordoban desagertutako umeen auzia.
Txostena haurren amak eskatu zuen, eta frogatu egiten du Las Quemadillas etxaldean aurkitutako hezurrak bi umeenak direla. Etxea Jose Breton aitaren gurasoena da, eta gizonezkoa espetxean dago, seme-alaben desagerpena egotzita.
EITBk jakin duenez, Etxeberriak duela hamar egun aztertu zituen hezurrak, Espainiako Poliziak Madrilen duen laborategi batean.
Auzia gertutik ezagutzen duten iturriek azaldu dutenez, ikerketa horren emaitzak "argiak" dira, eta etxaldean aurkitutako hezurrak 2 eta 6 urteko bi umerenak direla egiaztatzen dute (hain justu, Ruthen eta Joseren adina). Halaber, Poliziak egindako lehen txostenak "akats nabariak" zituela ziurtatu du.
Euskal zientzialariaren txostenak norabide aldaketa dakar ume desagertuen ikerketan. Izan ere, Poliziak hezurrak aurkitu zituenean, animalienak direla ondorioztatu zuen. Orain arte, ikerlariek ez duten baztertu adingabeek bizirik jarraitzea.
Etxeberria, ospe handiko profesionala
Paco Etxeberria (Beasain, Gipuzkoa, 1957), ospe eta oihartzun handiko profesionala da auzitegi-medikuntzaren eta antropologiaren munduan. Besteak beste, Lege eta Auzitegi Medikuntzako irakasle titularra da Euskal Herriko Unibertsitatean (EHU), Aranzadi Zientzia Elkarteko presidentea eta Kriminologiaren Euskal Institutuko zuzendariordea.
Etxeberriak hainbat ikerketatan hartu du parte. Azkenaldian, adibidez, ume lapurtuen auziak aztertu ditu.
Horren ildotik, maiatzean agerraldia egin zuen Eusko Legebiltzarrean, eta EAEko osasun zerbitzu publikoan jaioberriak lapurtu izana "ia ezinezkoa" dela azaldu zuen. Dena dela, "irregulartasunak" jazo izana posible dela gaineratu zuen.
Aranzadi elkartean, Gerra Zibil garaiko desagertuak eta hobi komunak ikertzeko lantalde bat zuzentzen du. 2000. urtetik, ehun hobi baino gehiago aztertu ditu.
Halaber, Baltasar Garzon epailearen aholkularia izan da, Memoria Historikoaren auzian.
Atzerrian, Txileko agintariekin ere egin du lan, Augusto Pinochet diktadorearen biktimak identifikatzeko eta Salvador Allende presidente ohiaren gorpua aztertzeko (zergatik hil zen argitzen laguntzeko).
2007an, Aranzadi elkarteak Giza Eskubideen Rene Cassin Saria jaso zuen.
Paco Etxeberria Gabilondo euskal auzitegi-medikuaren txosten batek hankaz gora jarri du Ruth eta Jose 2011ko urriaren 8an Kordoban desagertutako umeen auzia.Txostena haurren amak eskatu zuen, eta frogatu egiten du Las Quemadillas etxaldean aurkitutako hezurrak bi umeenak direla. Etxea Jose Breton aitaren gurasoena da, eta gizonezkoa espetxean dago, seme-alaben desagerpena egotzita.EITBk jakin duenez, Etxeberriak duela hamar egun aztertu zituen hezurrak, Espainiako Poliziak Madrilen duen laborategi batean.Auzia gertutik ezagutzen duten iturriek azaldu dutenez, ikerketa horren emaitzak "argiak" dira, eta etxaldean aurkitutako hezurrak 2 eta 6 urteko bi umerenak direla egiaztatzen dute (hain justu, Ruthen eta Joseren adina). Halaber, Poliziak egindako lehen txostenak "akats nabariak" zituela ziurtatu du.Euskal zientzialariaren txostenak norabide aldaketa dakar ume desagertuen ikerketan. Izan ere, Poliziak hezurrak aurkitu zituenean, animalienak direla ondorioztatu zuen. Orain arte, ikerlariek ez duten baztertu adingabeek bizirik jarraitzea.Etxeberria, ospe handiko profesionalaPaco Etxeberria (Beasain, Gipuzkoa, 1957), ospe eta oihartzun handiko profesionala da auzitegi-medikuntzaren eta antropologiaren munduan. Besteak beste, Lege eta Auzitegi Medikuntzako irakasle titularra da Euskal Herriko Unibertsitatean (EHU), Aranzadi Zientzia Elkarteko presidentea eta Kriminologiaren Euskal Institutuko zuzendariordea.Etxeberriak hainbat ikerketatan hartu du parte. Azkenaldian, adibidez, ume lapurtuen auziak aztertu ditu.Horren ildotik, maiatzean agerraldia egin zuen Eusko Legebiltzarrean, eta EAEko osasun zerbitzu publikoan jaioberriak lapurtu izana "ia ezinezkoa" dela azaldu zuen. Dena dela, "irregulartasunak" jazo izana posible dela gaineratu zuen.Aranzadi elkartean, Gerra Zibil garaiko desagertuak eta hobi komunak ikertzeko lantalde bat zuzentzen du. 2000. urtetik, ehun hobi baino gehiago aztertu ditu.Halaber, Baltasar Garzon epailearen aholkularia izan da, Memoria Historikoaren auzian.Atzerrian, Txileko agintariekin ere egin du lan, Augusto Pinochet diktadorearen biktimak identifikatzeko eta Salvador Allende presidente ohiaren gorpua aztertzeko (zergatik hil zen argitzen laguntzeko).2007an, Aranzadi elkarteak Giza Eskubideen Rene Cassin Saria jaso zuen.
Zure interesekoa izan daiteke
Bizkaiko eta Gipuzkoako bigarren mailako hainbat errepide itxi dituzte, luiziak eta ur putzuak direla eta
GI-3440 errepidea erabat itxi dute Lezon, eta luizi gehiago gertatu dira Gipuzkoako errepideetan. Bizkaian gorabeherak izan dira Trapagaran inguruan, eta arretaz gidatzea gomendatu dute ur putzuak direla eta.
Gutxienez bost kilometroko auto-ilarak BI-10 errepidean, Barakaldon, bi ibilgailuk izandako istripu baten ondorioz
Ezbeharra 124. kilometroan gertatu da, Irungo noranzkoan, eta eragin handia izaten ari da trafikoan.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak oso beteta gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Maila horian daude Abetxuko, Sangroniz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.