Protesta AEBetako enbaxadan, Cousoren hilketaren 10. urteurrenean
Hamar urte igaro dira Jose Couso kameralaria Bagdadeko Palestina hotelean (Irak) hil zutenetik. Urteurrena horren harira, Jose Cousoren Anaiek, Lagunek eta Lankidek osatutako Elkarteak protesta egin du AEBetako Enbaxadaren aurrean, Madrilen. Ekitaldia 19:00etan izan da, Serrano kaleko 75. zenbakian.
Halaber, Jose Cousoren hainbat lankidek osatutako talde batek bideo bat zabaldu du, protesta ekitaldiekin bat eginez. Izan ere, Couso hil zutenean, zenbait kameralarik sumina adierazi zuten kamerak zorura begira jarrita. AEBetako Armadako tanke batek Couso hil zuen 2003ko apirilaren 3an Palestina Hotelaren aurka tiro egin ostean.
Aipatutako bideoak 1,20 minutuko iraupena du. Hasieran, Palestina Hotelaren irudiak daude ikusgai, eta ondoren, AEBetako Armadak eragindako kalteak erakusten ditu. "Kameraren aurka egiten dute tiro, lekukoak ez egoteko", dio kartel batek.
Gainera, Cousoren familiari elkartasuna eta babesa erakusteko kartelak eta eransgarriak ere badaude.
Bestalde, Jose Cousoren familiak azalpenak eskatu dizkio AEBei, Palestina Hotelaren aurkako erasoari baimena eman izana leporatuta, hiru soldadu estatubatuar atxilotzeko aginduari muzin egiteagatik. Maribel Permuy Jose Cousoren amak Obamaren Gobernuaren "jarrera pasiboa" salatu du.
Semea omentzeko goizean izandako ekitaldi batean Permuyk azaldu duenez, "justizia lortzeko, urte hauetan egindako borroka oso gogorra izan da, baina emaitzak lortu ditugu", hiru soldadu estatubatuar atxilotzeko Santiago Pedraz epaileak igorritako nazioarteko aginduari aipamena eginda.
Zure interesekoa izan daiteke
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.