Euskal alderdiek Abortu Legearen erreforma atzerakoia dela uste dute
EAJk salatu du Abortu Legearen erreforma "atzerapausoa" dela, EH Bilduk uste du "klandestinitatean egiten ziren abortuak" itzuliko direla eta PSE-EEk dio PPren Espainiako Gobernua "eskuin muturrekoa" dela. EAEko PPren arabera, berriz, abortatzeko eskubidea "ez da existitzen".
Radio Euskadiko saio batean elkartu dituzte alderdi horietako ordezkariak, eta Joseba Egibar EAJren legebiltzarkideak azaldu duenez, Mariano Rajoyren Gobernuaren erreforma "atzerapausoa" da eta "iraganera eramaten gaitu". Era berean, "gutxiengoaren morala" gizarte osoari inposatzen diotela salatu du.
EH Bilduri dagokionez, Dani Maeztuk uste du 1985ekoa baino lege "murriztaileagoa" izango dela berria. "Gobernu eskuindar honek iraganera garamatza lan eta gizarte eskubide arloetan eta barnean daramatzan eskuindar zaharkituenen nahiak betetzen ari da", gaineratu du. Abortatzea ez dela "kapritxoa, baizik eta eskubidea" gogorarazi ostean, "iraganean klandestinitatean egiten ziren abortuak" itzuliko direla adierazi du.
Era berean, Txarli Prieto PSE-EEren Legebiltzarreko idazkari nagusiak gogor kritikatu du neurria, eta "Gobernuan atzerakoiak" daudela eta, horregatik, Abortu Legea berritzeko ez dutela "kanpoko babesik" behar izan azpimarratu du. "Atzeraka goaz, jarrera atzerakoiekin, askatasunen kontra egiten ari diren atentatu eta murrizketen ondorioz. Eskuin muturreko Gobernua da eta hori da arazo larriena", esan du Prietok.
PPrentzat, ordea, abortatzeko eskubidea "ez da existitzen". Nerea Llanosek azpimarratu du legedia aldatzeko konpromisoa hartu zuela PPk hauteskunde-programan eta "10 milioi espainiarrek" bozkatu zutela programa horren alde azken hauteskunde orokorretan.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.