Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Getxon eta Bilbon edukiontziak erre dituzte bart gauean, eta suak kalte materialak eragin ditu, Eusko Jaurlaritzako Segurtasun Sailak EITBri jakinarazi dionez.
Ertzaintzak, Getxoko Udaltzaingoak eta Bilbokoak ikerketa abiatu dute, ustezko egileak identifikatu eta atzemateko.
Getxon 12 edukiontzi erre, eta kalte material handiak eragin dituzte, Udalaren arabera.
Zehazki, Andres Larrazabal, Club, El Pinar eta Amaia kaleetan eta Zugatzarte etorbidean erre dituzte edukiontziak, Areeta auzoan. Antza, ezezagun bat El Pinar kalean hasi da edukiontziak erretzen, eta Amaia kalean amaitu du bere ibilbidea.
Udalaren esanetan, edukiontziek alarma-sistema dute, eta horri esker, suteen sekuentzia aztertu eta zein ordutan erre diren jakin dute. Hala, susmagarri bat identifikatzeko lanean ari da jada Getxoko Udaltzaingoa.
Bizkaiko Foru Aldundiko suhiltzaileek azkar itzali dituzte suteak, eta udaltzainek lagunduta, inor ez zauritzea lortu dute. Zoritxarrez, kalte material handiak izan dira.
Udalak laguntza eskatu die herritarrei, gertatutakoa argitzeko baliagarria izan daitekeen edozein informazio balute. Alkateak "gogor" gaitzetsi du gertatutakoa, eta aurreratu du Udalak baliabide guztiak jarriko dituela "egilea identifikatzeko eta horrelako egoerak errepika ez daitezen".
Bilbon, berriz, hiru edukiontzi erre dituzte, denak Zorrotza auzoan, Fray Juan kaleko 25. zenbakiaren parean. Suak kalteak egin ditu bi dendatan eta eraikin bateko fatxadan, baina ez da inor zauritu.
Sutea 05:30 aldera piztu da. Edukiontzietako bi kiskalita geratu dira, eta hirugarrena, kaltetuta.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.