Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
2023ko maiatzean Gasteizen Maialen Mazon hiltzeagatik akusatutako gizonak mezu bat bidali zion lagun bati, krimena gertatu eta biharamunean: "Ederra egin dut". Hala kontatu du lagunak berak, Arabako Probintzia Auzitegian egiten ari diren epaiketaren hirugarren egunean.
Haren testigantzaren arabera, maiatzaren 28ko goizean jaso zuen mezua, Arabako hiriburuko apartahotel batean krimena gertatu eta ordu batzuetara. Biktima bikiez haurdun zegoen, eta labankadaz hil zuten. Bi urteko alaba 18 orduz egon zen, gutxienez, gorpuaren ondoan, aurkitu zituzten arte.
Saioan zehar, igande horretan bertan akusatua Gasteiztik Valentziara bidean eraman behar zuen taxilariak ere deklaratu du. Gidariak azaldu duenez, gizonak beste izen batekin kontratatu zuen zerbitzua, eta iruditu zitzaion "gau osoan festan" egon zela, ia lo geratu baitzen bidea hasitakoan.
Taxilariak azaldu duenez, bidaia hasi ondoren, Radio Taxiren presidentearen abisu bat jaso zuen, esanez Ertzaintza bere bezeroaren antza izan zezakeen gizon baten bila zebilela. Hori baieztatu ondoren, ibilgailua denbora errealean kokatzea erabaki zuen, eta, horri esker, Guardia Zibilak ibilgailua Alagoneko (Aragoi) ordainleku batean atzeman eta atxilotu egin zuen.
Akusatuarentzat 25 urteko espetxe-zigorra eskatu dute, azpikeriaz eta ankerkeriaz egindako hilketagatik, ahaidetasun- eta genero-astungarriekin; horrez gain, 8 urte eskatu dituzte abortu-delitu bakoitzeko (bi dira), eta 4 urte, adingabea abandonatzeagatik. Defentsak absoluzioa eskatu du, aldi baterako buru-nahasmendua zeukala alegatuta.
Gertaeren unean, akusatuaren gaineko urruntze-agindu bat indarrean zegoen, eta biktima VioGen sisteman erregistratuta zegoen muturreko arriskuko kasu gisa, baina, ondoren, Ertzaintzak kalifikazio hori arrisku txikikora jaitsi zuen. Kasu horrek aldaketak eragin zituen Ertzaintzaren jarduera-protokoloetan genero-indarkeriako egoeretan.
Zure interesekoa izan daiteke
Musikenek "arretaz" ikertuko du harpa irakasle batek ikasleei emandako tratua
Musikeneko Zuzendaritzak "kaltetua izan daitekeen edonori" jakinarazi dio "zentroaren arreta osoa" izango duela, eta, horretarako, ikastetxeak "eskura dituen bideen bidez harremanetan jartzeko" eskatu du.
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.